اختي الحبيبه ممكن تجربتي تفيدك -- قلت في نفسي بدايه من اليوم سوف اواضب على الاستغفار الف مره كل يوم واكثر وكنت في بعض الاحيان ارسل على قناة بدايه دعواتكم لي بالزوج الصالح اقسم بالله لم يمضي شهر الى وانا متملكه من شخص ملتزم والشهر الثاني اقيم الزواج ولله الحمد على عطاءه وتصدقي لو باقل القليل وان شالله ربي يرزقك الزوج الصالح

بارك الله فيكم خففتم عني كثير والحمدلله على كل حال

__________________
إذا رأيت الله يحبس عنك الدنياويكثر عليك الشدائد والبلوى
فاعلم أنك عزيز عنده ، وأنك عنده بمكان
أما تسمع قوله تعالى: ( واصبر لحكم ربك فإنك بأعيننا )

ياعمري انتي يمكن خيره بس مع كذا الله يرزقك بزوج صالح يسعدك وتحبينه
إسمعي بنت عمتي محد خطبها وعمرها 36 وخطبها شاب عزوبي وسيييييم وعمره!! 21 !!
وجابت بنت اول سنه والحين حامل لهم سنتين متزوجين ومبسوووووطه
بس انتي خليك متفآئله وخلي أميمتك تدعيلك وإستغفري إستغفري كثييييييير
أنا كنت أستغفر ألف مره باليوم وتحققت لي رغبه بزوجي كنت أتمناها ولله الحمد
إستغفري نصيحه جعل ربي يرزقك يارب ويفرح قلبك يارب

سبحان الله

ربي اختارك لرعاية أمك .. فكري بالأجر العائد عليك

ربي اختارك لأنك الأحن ويمكن لأن لك مكان بالجنة لن تصليه الا ببرك

ربي اختار لك الأفضل صدقيني

ومو معناته ما تفكرين بالزواج ابدا هذا حقك

والله يرزقك بالزوج الي يسعدك

اما بنت اختك لا تفكرين فيها يعني هي الوحيدة الي تزوجت

لا تربطين حياتك بأحد

ولا تفكرين بشكلك ترى هذي كلها اوهام

كلنا ندري ان الزواج نصيب

ماله علاقه بشي ثاني

ربي يوفقك

أسأل الله عزوجل بأسمائه الحسنى وصفاته العلى أن يرزقك الزوج الصالح أنت وكل بنت عانس عاجلا غير آجل سبحان الله مقسم الأرزاق أنت بنت بارة بأمك جزاك الله خير وهذا أكبر مكسب لك في حياتك وماخفي عند الله لك من الأجر أعظم وربنا بيرزقك الزوج الصالح بإذن الله عن قريب إلتزمي الدعاء والصلاة في جوف اليل وعليك بالإستغفارفإن له فوائد عظيمه والصدقه تصدقي ولو بالقليل فإن أجرها عند الله عظيم
يسر الله أمرك ورزقك الزوج الطيب بإذن الله تعالى .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

والله اختي يحق لك تاخذي بخاطرك
بس اهم شي خلي علاقتك حلوة ببنت اختك
وثقي ان لله في كل شي حكمة
وان فرجه قريب

والله كلامج كله من الى كلام وحده
مو متفائله ومو راضيعه ولا حتى مقتنعه بحياتها
وهاذي بنت اختج اذا انتي ما فرحتي لها منو بفرح لها
ومن فالج ان الحين يدورون عالبنات لصغار غلطانه حياتي 0
والله جم واحد من اهلي تزوج بنت اكبر منه
واخو رفيجتي قايل لاهله ابي بنت مو اقل من 28
حبيبتي احس الحين اغلبهم يبون بنت عاقله ما يبون بنيه صغيره دلوعه يتبهذلون وياها
والله مادري الي حوالي جذي مادري عن طبيعت اهلج


وانتي تدرين انه من قبل لا تنولدين مكتوب رزقج متى تتزوجين ومنو راح تاخذين وجم عمره وشنو اسمه
يعني هالامر منتهـــــــــــــــــــــي من زمااااااااااااااااان ليش تضيقين خلقج واتعبين عمرج وتحاتين
اقتنعي انه بالوقت المناسب لج راح تتزوجين

وبعدين انتي عايشه العمر مره وحده بسس يا تعيشينه وانتي مستانسه ومرتاحه ولا تعيشينه كله ضايق خلقج وتسمعين لكلام الناس وهالشي باختيارج انتي لا تنسين انتي الي تحتارين السعاده ولا التعاسه

والله عمتي تزوجت واهي بالاربعين ..

وبعدين منو الي راح يتشمت وليش يتشمت شكثر بنات اكبر منج مو متزوجين وعاااااااااااادي يبه الدنيا تغيرت
انتي لاتحطين نفسج بحلقه بايخه : )

والله يرزقج على قد نيتج

الله يرزقك عاجلا غير اجلا

ربى يفتح عليك ابواب رحمته ويرزقك عاجلا غير اجل اللهم امين

__________________

ياحياتي =(
لسى من شوي كتبت رد بموضوع ثاني وقلت يارب نسوي هالسنة زواج جماعي لبنات المنتدى هههههه
اعرف ان الشعور مؤلم ويتعب
ونمر فيه غصبا عنا حتى لو حاولنا نصبر ونتقرب لله اكثر ونضحك ونفرفش لكن لابد تمر لحظة نحزن على حال انفسنا
انا لما اشوف قريباتي اللي بسني واللي اصغر مع اولادهم ولا يتحنّوا ولا يطلعوا ولا يسافروا احس بغصة
والله ما احسدهم بالعكس ادعي لهم الله يهنيهم بس نفسي اصير مثلهم
تستقر روحي مع شخص احبه ويحبني =(
والله كريم حبيبتي

__________________
يارب لِذْتُ ببابك راجية عفوك ورحمتك,خذ بيدي إلى ما أصبو إليه وإرحمني برحمتك التي وسعت كل شيء,اللهم ارزقني زوجاً ولا تذرني فرداً وأنت خيرالوارثين ..اللهم اغفر لمن دعا لي