شكلي أبجمع أغراضي وأدور لي شقة غرفة وحدة وادور لي وظيفة على قدي وأترك الدراسة
الناس بالعيد تصافى قلوبهم أما أبوي مايتهنى بالعيد إلا لما يخربه علي ومالظاهر بروح أو بطلع مع الناس
النفسية تعبانة بالحيل ياناس منله أشكي له همي من أروح له ومايردني وين أروح وش أقول لعيال عمومتي وش أقول للناس( بالمنتدى مافيه إلا أنا أشكي حالي) والناس رايحة تعايد وتفرح مع أهلها وأقاربها


أقسم بالله لاشفت الواحد يمشي مع أبوه ويضحك وياه ويعامله معاملة رجال تجيني غبنة أبي ابو زي الناس وأم زي الناس وأهل زي الناس أبي معاملة زينة أنا أبوي لاشافني كشر وجهه وزمجر ليش وش مسوي مرتكب جريمة
والمشكلة خادمه بعيوني ياناس شوروا علي الله يجعلكم بجنات النعيم يااااارب

__________________

ما اقدر اساعدك بشيء الا دعوة صادقه
(( اللهم اصلح قلب اباه و والدته , اللهم ارزقه بحلالك عن حرامك و منك دون سواك )))

( و بشر الصابرين )
انتظر من الله ما سَ تناله
(ولسوف يعطيك ربك فترضى )
و راح يعطيك مو بس يعطيك بيعطيك لين ترضى باذن الله =)
الله يفرجها عليك يارب

شكلي أبجمع أغراضي وأدور لي شقة غرفة وحدة وادور لي وظيفة على قدي وأترك الدراسة
الناس بالعيد تصافى قلوبهم أما أبوي مايتهنى بالعيد إلا لما يخربه علي ومالظاهر بروح أو بطلع مع الناس
النفسية تعبانة بالحيل ياناس منله أشكي له همي من أروح له ومايردني وين أروح وش أقول لعيال عمومتي وش أقول للناس( بالمنتدى مافيه إلا أنا أشكي حالي) والناس رايحة تعايد وتفرح مع أهلها وأقاربها

* اهتم بدراستك اولا بعدين دورلك على وظيفة مناسبة تقدر تعتمد عليها
اهتم بمستقبلك و بعدين حاول تجمع لك فلوس و تدور على بنت الحلال
و اطلبها و تزوجها و عيش حياتك و ليكون درس لك بان تعدل بين ابناءك
الله يصصلح الامور يارب و تبشرنا بان والدينك تغيرو للافضل يارب

الله يجزاك الجنة أختي حنين

من وين ينصلح الحال وهو كل ماله يتردى

الله يستر بس من اللي جاي

متى يجي يوم لادقوا علي خوياي اقول لاوالله طالع مع ابوي متى يجي يوم يقول لي هلا بوليدي متى يجي يوم يفاجئني بشي متى يجي يوم أطلبه شي ولو شي بسيط ومايردني متى يجي يوم ارتاح فيه نفسيا وأصير زي الناس


الله يوفق كل مسلم

__________________

الدعاء هو اللي بيحقق لك اللي تتمناه
و صلاة الوتر صدقني ما تدعي شي الا ربي بيستجيب لك

في اخر الليل صلي ركعتين شفع و ركعه الوتر
و ادعي ربك بكل حاجه ادعي ربك انه يصلح حالك بينك و بين ابوك و امك
وحاول تفهم ليش امك و ابوك يفرقون بينككك ؟
واللي زاد استغرابي انك الولد الاكبر !!!!!!!!!!!
انا اعرف ان الولد الاكبر هو الولد المدلع و المدلل و اللي كلامه اوامر
صدقني فيه حاجه حاصله هي سبب لازم تجلس مع ابوك و امك و تقولهم اذا انت مسوي لهم شي عشان يعاملونك هالمعاملة او يقولون لك سبب عشان تعرف و تصلح الامور

وين انا وين الدلع والدلال

وحاولت أكلم أمي وتتهرب وهالكلام من سنين وأنا أحاول ولحد الآن تتهرب أما أبوي لاتكلمت معه على طول لف وجهه لأخوي اللي بأول ثانوي وعدني(كرتون) قدامه بديت أكره أخوي ولا أكلمه والسبب هو

الله يعطيك العافية

يابني اسمع كلامي ورب الكعبة حاسة بيك ليك انا قدامك معيدة لوحدي نعم لوحدي قسما ما زارني ولا واحد حتى زوجي اخذ البنات وراح لاهله وش اعمل انتق انا ولا اتجنن ولا انتحر وابكي مثل الصغار عادي يا ابني خليها على الله انت فرفش نفسك غير ملابسك وانبسط مع نفسك لا تفكر لا في ابوك ولا في غير ابوك انت عيد عليه وخليه يقول اللي يقول مهما اطلب له الهداية يمكن ربنا يسمع منك شوف انا اتصلت بعائلتي اعيد عليهم بالتلفون ما فيه الا وحدة من عائلتي عزمتني على قهوة بكرة عادي يا ابني عديها لا تفكر اكثير اصبحنا اثنين بالمنتدى وها نحن نعيد على بعض انت ابني في الله وانا اعتبرني مثل امك واول شئ اتمنى لك انك تكون سعيد ولا تخلي كلام ابوك ياثر عليك بالعكس لازم تكةن راجل الان كبرت وخليك من الحساسية المفرطة ابتمرض والله وما ينفعك احد انا قلت لك خلي بالك من دراستك واتوضف في ردي السابق اقراه من جديد وانتظر جياة سعيدة في بيتك مع زوجتك واولادك ان شاء الله

__________________
اللهم اني اعوذ بك من درك الشقاء وسوء القضاء
اللهم اني اعوذ بك من زوال نعمتك وتحول عافيتك و فجأة نقمتك ومن جميع سخطك امين رحمتك يارب ان لله وان اليه راجعون

الله يجزاكي خير

والله يرد زوجك وأولادك لك

والله مو حساسية مفرطة ولاشي بس الإنسان(عنده إحساس) يعني لاتغير عليه شي بيتغير هو طبيعي

بالتوفيق

__________________

الله يفرج همك , مووضوعك مؤثره في قلوبنااا

ليش كدا يعاملك أسألوووو كلمو ليش كدا تعاملني انا ايش سويتلك..!!؟
حسسه بالغلط , اتكلم معاااه قلو انا ولدك ولدك لو جاك خبر وفاتي (بعد عمر طويييل ياارب).

ايش تسوي؟!!! حترجعني وتعوضني عن الايام يلي رااحت..!!؟

أتكلم معاااه اجلس ابكي سوي اي شي عشان ينتبه لآ تتم ساااااكت

الله يفرج همك ويغير احوالكم لللأحسن ياااااااارب

__________________
الناس يمحون ماضيك الجميل مقابل آخر موقف سيء منك ، و الله سبحانه يمحو ماضيك السيء مقابل توبة منك ، فأيهم أحق بطلب الرضى ؟

الله يعطيكي العافية

والله حاولت ثم حاولت ثم حاولت أكلمهم مافيه فايدة مافية نتيجة

تكلمت معه لكن لو الجدار يحس كان تفاعل معي وبالنسبة للبكاء أنا مستحيل أكسر عيني قدام أحد كائنا من كان

أمي على كيفها متى ماتحتاجني تصالحني وإذا مابغتني زاعلتني منشان ماأطلب منه فلوس

الله يفرج كربة كل مسلم يارب

__________________