ولازالت علاقتي بااخواتي تتعقد اكثر واكثر وانا دحين اتحمل اشوف الموت ولا اشوف وجوههم

قبل اكثر شهر اختي تكلمت مع خالي ولا اعرف تفاصيل اللي قالت المهم فهمت انها فضحتني عن علاقتي بخالد

خالي اتصل وقال لي اجلسي بالبيت انا جاي اليوم طبعا خالي من مكه مو من جدة

وبقدرة قادر لم يتم اللقاء الحمدلله لأنه خالتي زوجته قالت اطلعي من البيت خالك معصب وممكن يسوي اي شي وانا خرجت ولما رجعت كانت كل العائله موجوده فجاء وسلم وخرج ،،،،خالي طلع كل فواتير جوالي من سنتين واتوقع صار الأمر واضح عنده ،،،، فهمت انو يبغى الموضوع بيننا ومايبغى يفضحني عند اهلي،،،ومن يومها للآن ماحصل اي صدام بيني وبينه،،،

ولما اخواتي شافوا انو خالي ماعمل شي جابوها من الآخر وقالوا لأمي طبعااا امي كانت ح تنجلط وارتفع عندها السكر ولأول مره بحياتها تآخد ابر انسولين الله لايسامح اخواتي وحسبي الله ونعم الوكيل

طبعا بحكم انو امي مقيمه في مكه هادي الايام لما جدتي تخلص العدّة استدرجتني لما وصلت وضربتني من قلبها طبعا انا فهمت السبب وقتها وماكان لي اي ردة فعل الا انو ابكي ،،، سحبت اللاب والايباد وكل جوالاتي وقالت لي كلام يسمّ البدن ،،، وحلفت لها على كتاب الله اني مستحيل اتواصل معاه بأي شكل من الاشكال

سبحان الله بنفس الاسبوع تقدم لي جارنا البيت بالبيت طبعا لا يناسبني لاعمرا ولا شكلا ولامستوى اجتماعي ولا اي شكل ومطلق مرتين باابناء،،،واتوقع الفرق بالعمر بيننا يوصل للعشرين او اقل بشي بسيط،،،، امي اصرّت ان ارتبط فيه والإ راح يوصل الخبر لأبويا وساعتها خلاص قتلي محتم ،،،

حاولت اقنعها رفضت وقلت لها اتزوج عشان ارضيك وانفصل قالت عادي المهم تجيبي بيبي ،،،، امي مايهمها اكون سعيده او لا المهم اخلف وبس وكمان قالت جيبيه انا اربيه لك ،،،،

انا اعشق خالد ولو كلفتي هادا الشي حياتي ،،،،، لكن كيف اتصرف وهمه يحاصروني من كل الجهات ،،،

انا عارفه ومقتنعه تماما لو تزوجت خالد ما راح اكون سعيده ولا يوم وراح يكون الارتباط بالنسبه لي مثل السجن

راح اعيش بمنطقه ثانيه بعيد عن اهلي ،،، مافي صحبات ولا طلعات زي ماكنت بجدة ،،، بيكون مقفول عليا الباب،،، تعبت تعبت ابغى اقنع قلبي انو مايناسبني وماقدرت مع انو عقلي مقتنع كثيرررررررر ،،،

فكرة الهروب من المنزل جالسه تعشش براسي كثيرررر

لكن ابويا مايهون عليا ،،،

__________________
أحملُ قلبا بريئاً ك فتاة الرّيف حين تفرح بِحلوى القطنِ الورديّه..
.fg