أحس لو مايحبك ومايبيك بيخليك تدرسي وماراح يغار ويرفض بحجة الاختلاط ..

حبيبتي حياتج مو متوقفة على احد لا زوج ولا غيره

واللي ما يبينا ما نبيه

انا كنت مثلج وطليقي كان مغصوب علي من امه الله لا يوفقها

لما سحبت نفسي منهم ومن حياتهم والحين ربي لك الحمد مرتاحة احسن راحة

والكل مستغرب من راحتي بانفصالي

لان انا افضل اني اعيش حياة سعيدة بدون زوج افضل من اني اعيش حياة تعيسة مع زوج

وانت لج الخيار حبيبتي

__________________
لا اله الا انت سبحانك اني كنت من الظالمين

احسبيها صح ..

اذا رجعتي بتكونين طلعتي بخسارة ..

انسيه وانسي مشاعرك .. وشوفي مصلحتك وين

اذا ماكان لك اهل يسندونك ابني نفسك بنفسك .. ويمكن ربي كتب لك هالزواجه عشان ياخذك لامريكا

اصري عالدراسة ووضحي له انك زيه مو حابة تكملين مع شخص مغصوب عليك وحاولي توصلين لاتفاق معه انك تظلين مضافة كمرافق لحد ما تلتحقين بالبعثة وبعدها الله يسهل كل احد لطريق ..

وفعلا زي ما قالت امريم حاجيه ان كان ما يحبك من وين جاية الغيرة .. ؟

عزيزتي ،، انتي كما ذكرتي بين نارين بيت الزوجية او بيت اهل زوجك واهلك ...
عشان ماتكوني مخيرة وتقدري تنفصلي بقرارتك وامورك جميعها لاازم تركزي على شهادتك ! ،، ناقشي معاه نقطه دراستك على الاقل دورات ! اصري عليه واذا قوليله فكرة رجوعك للبلاد وهناك تكملين الدراسة على الاقل دورات لمدار سنة او شهور تخلي عندك شهادة وقدرة على العمل بالتالي الاعتماد على نفسك بكل امورك وبهالوقت تقدرين تقرربن حياتك مع زوجك ...

مع اني اعتقد بمجرد مايحس بفقدك ولو بدرجة قليلة راح يتراجع عن كلامه ! مايهم تكوني متاكدة او شاكة ربك هو مقلب القلوب ،،، وكمن صارت واصبح الزوجان متحابين .. لا تياسي وعليك بالصبر فيما يخص دراستك وعملك ..

الله يفرّج همّك يارب .

حاولي تكملي دراستك، و تأسسي لحياتك

عندها راح تقربي لمستوى زوجك المعرفي، ما دامه يقرب من زميلاته في الدراسه لاني شخصيا لا اعتقد انه عنده علاقات غير محترمه معاهن

على الاقل ادا زوجك ما يحبك ممكن يحترمك اكثر و ممكن تكوني نوعا ما مستقله

من ناحيه اخرى شخصيا لا اعتقد انه مانعك من الدراسه لانه يغير عليك، بل لانه لا يريد يصدع راسه بالمشاكل اللي ممكن تترتب عن بدء دراستك

حاولي تبني حياتك تكوني انت السيده فيها قبل ما ياخذ قرار الانفصال
بالنسبه لانه يحبك فهذي انت الوحيدة اللي ممكن تتحكمي فيها بمشيئة الله عز و جل

زوجك اناني من ناحية يمنعك من الدراسة ا عل الاختلاط هو كمان قاعد يختلط بالحريم المهم حبيبتي دراستك اجعليها من اولوياتك انتي عايشه دحين باقوى دولة في العالم استفيدي من جلستك هناك لاترضي ترجعي اقعدي هناك ادرسي مجرد رجوعك بشهادة من هناك راح تلاقي وظيفة بسرعة لو رجعتي دولتك شدي حيلك خليكي ذكية خلي نفسك اهم اهتماماتك .. لاتتلصقي بزوجك زيادة عن اللزوم وتحسسيه انه كل حياتك ومالك اهتمامات غيره حبيه واسعي لرضاه بس بطريقة تحببه فيكي .. حاولي تخليه يحبك اعرفي هو ايش يجذبه في الحرمه من اسلوب وشكل بطريقتك وسوي وادعي ربك .. الله يفتح قلب زوجك لك ويحنن قلبه عليكي ويرضيه عنك ويجعلك حب حياته .

الله يفرجها عليك امين

__________________
انا لله وانا اليه راجعون

ياجماعة ارجوكم افهموني انا مو حاطه زوجي رقم واحد في حياتي بمعنى ادق انه عندي اولويات في حياتي وعايشه حياتي الحمدلله ووقتي كله مو فراغ بالعكس عندي اشياء مهمه في يحاتي
الدراسه حاولت معاه بس للاسف مع ان عندي لغة 100% هو يجي احيانا يسالني عن اشياء سواء في دراسته او اي شي ثاني ..
انا مو انسانه جاهله او اقل من اي شخص درس الجامعة حتى مايقدر يفتح معاي مواضيع او يسولف بآي شي طيب ليش ياخذ رآي ؟ احيانا !!
انا ماقدر اجبر شخص يحبني !! طول 4 او 5 سنوات حاولت اتقرب له من نواحي عدة بس للاسف فيه حاجز قوي غير قابل للكسر بيني وبينه

المشكلة اني احبه مشكلتي هي حب من طرف واحد بس نفسي اخفف منها , نفسي اعامله مثل مايعاملني
يمكن المشكلة الاعظم هي امه لآنه تزوجني وهي مو راضيه يمكن متحسف !

مادري اتوقع مافي حل الا الانفصال وانا بصراحه مااتمنى الانفصال لاني ادري اذا عشت عند اهل ابوي قد ايش راح اكون انسانه مقيده من جميع النواحي

أختي مشكلتك ان شااء الله بسيطة ..
ادعي الله ان يسخر لك زوجك وان يألف بين قلوبكم ..وان يهدي ام زوجك ..
وادعي في السجود واكثري من الدعاء والاستغفار وبأذن الله راح يتغير ..