عادي الحقران يقطع المصران
وبنفس الوقت خلك جريئة بكﻻمك وردود افعالك وخلك مبتسمة على طول الخط اضحكي فرفشي ﻻنو هالشي يدل انك ماتتاثرين بسرعة وان ماهمك الناس همك نفسك وبس

للاسف الناس تهاب الشخص اﻻناني والشخص الطيوب الى مالة وﻻردة فعل وﻻحتى نظرة يسيرون زى المطرقة الى تدق مساميرها براسة

وشى مهم ياليت تعرفين شخصية الى قدامك عشان تعرفين كيف تردين علية بنقاط ضعفة باختصار من بيتة من زجاج ﻻيرمي الناس بالحجر

انت طيبه قلب وتخافين تزعلين احد ، لا يهمونك ، واذا زعلوا خير ياطير يبغون يقطعون راسك ؟؟
لازم في البدايه : تقوين ثقتك بنفسك ، كيف ؟ بالإنجاز وتحقيق اهدافك ، مثلا عندك هوايه مفيده طوريها ، اي شيء ترين نفسك يمكن تنجحين فيه ، واهم شي القراءة في كتب تطوير الذات

وايضا كثره مخالطه الناس تعطيك دفعه نحو الامام ، وتبعد عنك هذا الخوف من الكلام وتقلل حساسيتك نحو الكلمات الجارحه ، وحاولي تدخلين في صداقات جديده صالحه

لا تخافين من الفشل ، لان كل الناس القوي والضعيف يبي يفشل في البدايات وبعدين خلاص يكون الوضع عادي

مع كثرة نجاحاتك ستكون كلام الناس تافه بالنسبه لك ، لن يهمك

واعرفي ان الناس مستحيل ترضيهم مستحيييييييل

لو رضوا عنك 10 سنوات واخطيتي معهم خطا بسيط يبي يسبونك ويتكلمون فيك

هي كلها تربيه وتعويد فاذا ضبطتي نفسك واعصابك لن ينرزفك الناس

وهناك شخصيات متخصصه بحب نرفزه الشخصيات العصبيه او الغاضبه او الحساسه انتبهي

واخيرا اطلعي على الاحاديث التي تذكر فضل الصبر على الناس وكظم الغيظ

حين تتعبدين الله بالصبر والخلق الحسن ستكون ثقتك فووووووووق

شكلك مو إجتماعية لأن هالأمور الواحد يتعلمها بكثرة إحتكاكه بالناس .

شوفي ياقلبي مو كل شيء يستحق الرد عليه بالمقابل في أشياء لازم تكيلين لصاحبها بنفس مكياله لأن فيه ناس قليلة أدب يفهمون التربية ضعف .. ماتربوا على الإحترام شنسوي لهم عاد!

أفضل طريقة هي المزحة برزحة، أكيد فيه أمور معينة خاصة فيك صديقاتك أو قريباتك يقطون عليك نغزات بسببها ! أوك حلوو إنتي جهزي ردوود براسك أي وحدة تقط عليك نغزة بخصوصها تصكينها بجبهتها .

أحيانا في أشياء مفاجئة وتصدمك ممكن تكتفين بنظرة حادة لصاحبتها .. أو تحرجينها بطريقة ما مثلا وحدة استفزتك بخصوص حاجة ( تضحكين بوجهها بطريقة هبلة ومستفزة وتقولين لها ماتعودنا عليك خفيفة دم ماشاءالله من متى هالكلام ؟! ) وتفرجي بألوان وجهها لو كان فيه غيركم بالجلسة
😅
لما وحدة تغلط عليك وإنتم لوحدكم لا تقولين مابي أرد عليها لأن مافيه حد معانا لا ردي عليها وأعطيها كلمتين تضرب بالعظم .. عشان تخاف تحرجك قدام الناس وتاكلها بعدين 😅

صديقتك اللي نبيهة وتعرف ترد تعلمي منها .. واحفظي لك حكم وأبيات شعر وأيات قرأنية قوية راح تفيدك في بعض الأوقات وتلجم لك بعض الأفواه !!

تابعي الشيخ عادل الكلباني في تويتر أستاذ في قصف الجبهات 😅😅 يمكن تتعلمين منه 😃

__________________
فقدتك يا بعد عمري وحبي وأطهر أشواقي، فقدت أيام ما ترجع فقدت البيت واللمة، رحلتي بالفرح كله وبعدك مابقى باقي، وتركتي وحشة الذكرى تجر الروح يا يمه، يا أغلى قلب ودعني ومثله صعب أنا ألاقي، يا أروع من عن الدنيا رحل وأطهر ثرى ضمه ..💔

ياسبحان الله تصدقين انك تشبهيني
لكن الفرق انا اعرف الكثير ومن مختلف الجنسيات بحكم طبيعة العمل والدراسة
لكن هذا مخي ماتغير !
وهذا بالمناسبة رد على الاخت اللي تقول كثرة الاختلاط تغير... مو دليل..


وسهل استفزازي... مع اي كلمتين اطلع مباشرة ولا اكمل النقاش
واذا قال احد شيء مادري وش يقول واذا عرفت وش يقول مادري وش ارد واذا رديت اجيب العيد دائما ! الموضوع مشربك الله وكيلك


بس اكتشفت مع الحياة انه نوعيتي انا واياك مو شينة مثل ما الناس متصورين بالعكس زينة
لان المخ يصير مايشتغل بطاقته القصوى ... يعني اذكر وحدة ارسلت لي رسالة مافهمتها مرة بس احسها تسب حذفت الرسالة مباشرة وحذفت رقمها (لان مالي خلق اقراها مرة ثانية ولا لي خلق افكر واحلل بعدين ارجع ارسل لها)! هذا الشيء ينعكس على مستوى راحة البال.. والدليل يوم شفتها بعدين سلمت عليها... الخلاصة انك اذا ماحللت كل موقف بحياتك هذا يجعل منك شخص ايجابي ومتسامح لابعد حد

بعدين اذا احد سبك او اتهمك فعرضك مثل ماتقولين... لاتردين عليه...ولا تاخذين ولا تعطين معه...ولا تدعين عليه... خلاص فيه الله ... والله اعدل العادلين.. بياخذ حقك ليه تعصبين وليه تفكرين... انسى الموضوع...

خاتمة
مجتمعنا للاسف يشجع على ان الواحد يرد وينتقم ويتهجم.. يعتقد ان الشخص الناجح هو الشخص العنيد القاسي واللي يرد الصاع صاعين ... وخلك ذيب ولا احد يدوس لك على طرف ... الا خلك دجاجة والدنيا مو طويلة -تقل اني تحمست شوي - وتعوذ من الشيطان وخلك متسامح وطيب ولا تفكر كثير بسلوك وتصرف الاخرين ومصيرهم يستحون على انفسهم ويتغيرون معك

اختي العزيزة مبتعثة سعودية
يارب يجعل السعد فالك في هذا العيد السعيد
الله يسعدك حيثما كنت ويرزقك الزوج الصالح
وموفورة الحظ ان شاء الله في ليلة القدر

مرحبا قلبي سر معاناتي
آمين وإياك يارب
وكل أعضاء المنتدى

تسلمين على كلامك الحلو ... والله يسهل امرك ويفرج همك

مكانه المناسب

الله يجزاك خير اخي
مع اني ما احب القراءة لكن بحاول ويمكن اكتفي بمقاطع اليوتيوب
اذا عندك مقاطع قصيره وتوصل المعلومة ياليت تتكرم فيها هنا

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

والله انك صادقه ان الضحك والفرفشه تقطع مصارينهم وهذا جربته
ان شافوني اضحك وامزح تقلب وجيههم تقولين في عزا الله يزيدهم!!

شاكره لك اختي

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

هم ما يهموني قد ما يهمني الاذيه اللي تجي من الاهل
اخواتي ما يفرقون عن زميلاتي والله المستعان

شكرا لك اختي

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )