السلام عليكم

بدخل في الموضوع


كيف اطور ثقتي بنفسي
كيف اتعامل مع الناس بهدوء وحكمة
داءما انحط في موقف تحرجني وحده بكلمه ما اعرف ارد
وبعد ما يروح الموقف اجلس اجلد بنفسي ليه ما قلت ليه ما رديت ليه ما احرجتها زي ما احرجتني

واللي حمسني اسجل معكم واستفيد منكم بعد ما سمعت وحده من زميلاتي تقول عني ابسط شي يرفع ضغط فلانه( تقصد نقطة ضعفي اني بسرعه اي احد يستفزني ) !!
كيف اصير قويه؟؟ ما تهزني كلمه ولا راي احد فيه

كيف اجرح اللي يجرحني ان كان بشكل مباشر اجرحه بشكل مباشر
وان كان دق من تحت لتحت ادق زيه وانا هاااادءه وليس معصبه ومحروقه!

كيف اعفو عن قدره وقوه وليس لانني لا اقدر الا ان اعفو
او اعفو خجلا من الناس
واحيانا اعفوا وقلبي حار من الموقف فاعرف اني عفوت عن ضعف وليس عن قوه

بختصار اريد ان اصبح قويه

وحده من زميلتي في العمل ما شاء الله شخصيتها مره حلوه
تسكت في الوقت الصح وتتكلم في الوقت الصح واللي يجرحها او يهينها ترد بنفس الوقت
بختصار عندها سرعة بديهه انا ينتهي الموقف وارجع احلله في البيت وليتني قلت وليتني ما قلت
واحيانا ارجع اليوم الثاني اختلق موقف حتى ارد عن احراجها لي امس😔
كيف اصير زي زميلتي سريعة بديهه وقويه الموقف ما ينتهي الا وهي ماخذه حقها وترجع بيتها مرتاحه

ما هو السلام الداخلي اللي يقولون عنه؟ وكيف اعيشه؟
ما ابي اتلعثم او اتلخبط واقول كلام غير مفهوم يضحك اللي امامي عليه!!!


كيف اصبح قوية واثقة بنفسي
اتكلم بهدوء وحكمة وذكاء
واعرف ارد على من يجرحني وانا ابتسم بدون انفعال او لخبطه تجيب العيد؟

وارجوكم ابتعدوا عن المثاليات من قبيل من ( صفعك على خد ادر له الخد الاخر!!!! )
وخلوكم واقعيين في نصحكم وارشادكم وتوجيهكم لي

شاكره لكم مقدما

سبب مشكلتك طيبة قلبك انا كنت مثلك بالضبط بس مع الوقت اصبحت اعطيها وضعية التبلد بمعنى لما يتكلم شخص ويقط كلمة ارد عليه بدون مراعاة مشاعره ولكن باسلوب افضل من اسلوبه احرجه وينلطم

خليك مثلي وضعية تبلد لابغيتي تردين لاتفكرين بجرحها حيل او بتزعل الي مايراعي مشاعر الناس ولايحترمهم لايستحق مراعاة مشاعره هذا السبب الي يخليك تترددين بالرد انك تجلسين تفكرين بطريقة الرد او مشاعره ردي بعفويه
وخليك بااارردة الاعصاب انا معروف عند اهلي اعصابي حاره لكن برا البيت مافي ابرد من اعصابي من كثر الضغوط بالعمل ومريت ع ناس وقحه ولاتستحي كثير فصلت فيوزاتي الحين محد يتجرأ يقط كلمه حتى وان قط كلمة اضحك وابردها بوجهه وارد برد اقوى لاتبينين للناس ان الكلام يهمك ولاتشغلين تفكيرك كيف طريقة الرد او كيف تتكلمين هالشي يوترك ويضيعك مافي احد بالدنيا عايش بسلام داخلي بس فرق الناس عن بعض بطريقة التعامل مع الشوشره الداخليه تجاهليها واشغلي تفكيرك بأي شي بالنسبة لي اشغل نفسي بالقراءه لو كم سطر ثم خلاص تنتهي او انام اهم شي لاتسمحين لنفسك باللخبطه الداخليه وتجلدين وتلومين نفسك دامك ماغلطتي لاتلومين نفسك

مو انتي لوحدك أغلب الناس كذا وانا منهم بس أطنش مرات ومرات ارد رد بالجبهه حسب الموقف طبعاً لازم نصنع القوة بأ نفسنا داخليا عشان ينعكس علينا ووبيان على الوجه لأنك بتكوني واثقه بنفسك وبردك

__________________
في الليل تصمت كل إلا شياء إلا القلوب وكل قلب💔 يغني على وجعه !!

تدرين ان السكوت اكبر رد
لا تستفزي ولا شي
تعلمي التطنيش و لا تعطي الناس اكبر من حجمها
والحياه اكبر واهم ان ارد على فلانه وعلانه
والي يدق من تحت لتحت جبان
وعلى قولتهم الحقران يقطع المصران
تعلمي الثقل والتطنيش احسن حل

انا فعلا قلبي طيب وحساسه لكن فيه ناس فعلا يجرحون بالكلام وحتى غير الحساس يلاحظ اسلوبهم لكن عندهم قدره يطنشون
انا اجلس اكل في نفسي وتنءح عليه كرامتي ليش ما رديت

شكرا لك اخي استفدت مما ذكرته

المشكله لما ارد يزعلون ويطلعوني عند الاخرين قليلة ادب طيب ما انتوا اللي استثرتوا اسوء ما عندي ليش بعدين تزعلون من ردت فعلي!!!!!

شكرا لك اختي

احينا السكوت افضل
واحيانا الرد افضل
زادت حساسيتي بعد الطلاق من الاهل والزميلات
ولدي الكبير بس اللي يراعيني لما يشوفني معصبه
عمره 7 سنوات الله يحفظه

العفو لاتهتمين لهم اختي هو مجرد حاجز مجرد تتجاوزينه خلاص يسهل عليك التعامل مع النوعيات ذي

انا كنت حساس مثلك ولاتحمل وطبيعة عملي بالبداية كنت اتعرض لاهانات وضغط نفسي ومذله ماعمر مرت علي بحياتي لدرجة ولاشكاوي تنفع ولاشي لاحياة لمن تنادي
لدرجة فكرت افصل لكن صبرت وكسرت الحاجز وصارت اعصابي باررده ولا احد يقدر يأثر حتى وان كان فيه تأثير خفيف حيل صرت قبل كنت اهتم ماحب ارد لحد بكلام يكسر فيه او يبين ضعفه او نقطة ضعف وكنت اراعي شعورهم لكن اكتشفت ان بعض الناس الوقاحه تمشي بعروقهم ولاتنفع فيهم الا العين الحمرا وقتها يحسون بغلطتهم عاملي الناس بمثل مايعاملونك بشوية رقي علشان بس يعرفون حقيقتهم
والبنات فيكم شي ملاحظه دائماً البنت تحارب الي تغار منها ف غالباً الي تقط عليك كلمات تجرح يكون هي منقهره من شي تملكينه او تغار منك بشي حطي هالفكره ببالك تعززي ثقتك فيها

بالفعل احيانا الواحد يجي ينرفزني بوقت غفله واحس ان لساني اصيب بالشلل ويعجز عن التعبير بالرد واكتغي حينها بالنضر الى ذالك الشخص وياليت وانسى بعدها
المشكله اني ارجع اعاتب نفسي واحس بضميري يأنبني من قوة الغيض والمراره والمشكله اني ارجع ازعل من عقلي ونفسي فقط ومعى ذالك لواحصل الشخص الي زعلني وقتها لانزل عليه كلام مثل الصواعق من قوة تأثيره وبلاغته بس بعد ايش
ولاكني الاحض نفسي في المواقف المعاكسه مثل التعبير في المواقف العاطفيه ارد بسرعه بديهه وافرغ كل مايجول بخاطري واحس اني ارتحت وريحت الشخص الي يخاطبني
فبعض الناس عنده ردود فعل قويه عند الغضب وبعض الناس العكس ولاادري مالسبب واطمع في معرفة المزيد وانشاء الله الشباب مايقصرو

__________________
تمنيت حبـاً يدوم طويـلاً .. فـدام الحب وَ رحل الحبيب.

اهم شي الرد يكون لبق مثلا بنت من النوع الحساس ترد وتدافع لكن من النوع الي تجيب الطامه يعني تقط كلام مبالغ فيه بزياده يعني اهم شي لاتتجاوزين الحدود يعني يكون ردك مختصر قد ماتقدرين