الحمد لله على السلامة و الله يعوضك خير إن شاء الله

و الف مبروك على خبر الاستقرار ، عساها دوم إن شاء الله

__________________

وأخييراً شفت موضوع باسمك

الغريبة اني ما شفته الا الان

يمكن لاني ما ادخل كثير على ركن التهاني والتبريكات

آآه يا أختي الحبيبة

والله دعيت لك من قلبي

شلت همك فوووق ما تتصوري لما قلت عن موضوع الهجرة

وما رديت عليك بس اكتفيت بالدعاء

والحمد لله رب العالمين

فعلاً الدعاء أقوى سلاح

الحمد لله الحمد لله الحمد لله

كثير أعضاء يغيبوا لكن السؤال عنهم هنا صعب

وما في يدنا غير ندعي ونقول عساها غيبة خير

وربي يردهم بالسلامة

ونكتفي بمشاعر في قلوبنا

بس والله مشاعر صادقة

والله يعوضك خير عن جنينك الي فقدتيه

التوتر والحالة النفسية اللي كنت فيها ماكانت سهلة

وطبيعي تخسري جنينك

بس الحمد لله جات على قد كدا

جنين يروح ربي يعوضك عنه ويكتب لك الاجر بألم فقدانه

ولا هجرة طول العمر وألام ووحدة و ... الخ

يارب لك الحمد كما ينبغي لجلال وجهك وعظيم سلطانك

وجيرانك ياااه حزنتيني وخوفتيني في نفس الوقت

انا نفس الشي راح اسكن في بلد بعيد عن أهلي

تصدقي

أمس بعد ما حجزنا خلاص الفندق وحددنا موعد الفرح

قعدت اتخيل نفسي بالفستان الابيض

وكيف راح اسلم على اهلي وامي وابوية واخواتي

وقعدت ابكي عالسرير

وبللت المخدة بالدموع

آآه صعب الفراق صعب صعب

قعدت صاحية طول الليل
مانمت الا بعد الفجر

وياريته نوم أوادم الا كله كوابيس

ولما صحيت من النوم قلت لاهلي

خلاص .. مابدي اتزوج

وقعدت ابكي واقولهم مااااقدر على الفراق

لو في نفس البلد يهون

كل ساعة والثانية انط عليهم

بس انا فين وهم فين

غير كدا دوام زوجي فترتين

مين راح يهون علي ألم الغربة ؟

مافي غير أهل زوجي والحمد لله اني راح اسكن معاهم في نفس العمارة

هوا دا عزاي الوحيد

آآه يا بنت الحلال

خليتيني اتكلم وياخوفي يقفلوا الموضوع

بس اهم حاجة الحمد لله مليووون مرة على سلامتك

وعلى بقاءك في بلد العزة والامن والامان

والله لا يجعل لنا خروج منها أبداً يااارب

***

السلام عليكم ورحمة الله وبركاته...
كيدتهم
الله يبارك فيك وفي عمرك ويخليلك اللي تحبينهم
ويعطيك اللي تبين ويرزقك ويسعدك دنيا وآخره
مشكوره على مرورك الكريم

مشمشة عمري
دعواتك حلوة والله
الله يسعدك ويسعد أيامك ويعطيك اللي تبينه
الله يوفقك دنيا وآخره
وأذا على النفسية التعبانة أنصحك
بأذكار الصباح والمساء والنوم والله
تريح وقراءة القرآن صدق تحسين بصدرك
ينشرح وتحسين أن همك راح وأنك مانتي وحيدة
في العالم الله معك وماتشوفين شر
مشكوره على مرورك الكريم

كاره الرياضيات
الله يسعدك ويسعد أيامك ويعطيك اللي تبيه
الله يوفقك دنيا وآخره
والله يشفيك ويرفعك عنك ويعلي
مراتبك في الدارين
والله مب بس أنت اللي لاحظت أني حزينة
حتى زوجي تعب معي ساعات أجلس في
البيت ماأحب أطلع أغير جو صرت أميل للوحدة
والألم بس الحين بعد ماأرتحت الحمد لله
أزمة وعدت الله لا يعودها...
مشكور على مرورك الكريم

الورده السوداء
ليه أسم تشاؤم!!! خليه الوردة الحمراء
الله يبارك فيك وفي عمرك
ويعطيك اللي تبين ويرزقك ويسعدك دنيا وآخره
مشكوره على مرورك الكريم

سمراء الوسادة
الله يسعدك ويسعد أيامك ويعطيك اللي تبيه
الله يوفقك دنيا وآخره
مشكوره على مرورك الكريم

SADFELLOW
الله يسعدك ويسعد أيامك ويعطيك اللي تبيه
الله يوفقك دنيا وآخره
مشكوره على مرورك الكريم

SـSـSـيف الذهبي
يكفي غيااااااااااااب ياأخي!! الإختبارت ماخلصت!!؟؟
الله يبارك فيك وفي عمرك ويخليلك اللي تحبينهم
ويعطيك اللي تبين ويرزقك ويسعدك دنيا وآخره
مشكور على مرورك الكريم

Aboanas
الله يوفقك ويرزقك الجنة
ويعطيك مرادك
مشكور على مرورك الكريم

بعــد نظــر
لقد ذكرت" وبصراحة استفزني حزنك واكتئابك ونظرتك المتشاائمة بدون سبب .."
أسباب حزني أخي واضحة...مرت
علي أيام ضاقت علي الدنيا وبعدين
أرجع أصمد من جديد...
فضعفي دليل قوتي وصمودي
أي حبه حبه وأتعود!!!؟؟؟
أنا لي الحين تقريباً سنتين في الرياض
ومالي أحد..زميلاتي وصديقاتي
في جدة مقر أهلي!!
ولست موظفة وأبحث عنها
مو بيدي أكون علاقات غصب
مع ناس وجيران رافضيني!!
الله يعطيك اللي تبين ويرزقك ويسعدك دنيا وآخره
مشكور على مرورك الكريم

عبير الأحلام
ضحكتيني والله !!ولسه ماشفتي شيء!!
أنا وأنا في السيارة رايحة للمطار أبكي
وفي الطيارة وجنبي العريس زوجي أبكي!!!
بس صدقيني أيام الفراق الأولى لأهلك بتكون
صعبة بس فترة وفترة بتزورينهم وبتتعودين
على فراقهم وبيخف عنك ألم الفراق عن أول مرة
الله يعينك ويعيني ويعين كل الناس على الفراق
زواجك متى!!!!
الله يعطيك اللي تبين ويرزقك ويسعدك دنيا وآخره
مشكوره على مرورك الكريم

خلالالالالالاص ياجماعة أنا صرت كذا مو كذا

ياشيخة ربي يسعدك دنيا وآخرة قووولي آمييييييييين

خليكي دايماُ كدااا

مووو بس كداا

مانبغى ابتسامة

نبغى ضحكة من القلب

تزلزل المنتدى

بس بشرط

تكووون دااايماً

حتى زوجك خليه يتجنن يقول بسم الله على مرتي ايش صابها

وخليه يحط يده على راسك ويسمي عليك

يا قلبي وربي الدنيا ما تستاهل لا حزن ولا كآبة

كلها أيام معدودة ونودعها

خليك دايماً كدا

حرام ولد الناس تعيشيه في جو الحزن والكآبة

خلاص الحمد لله كلووو صار تمااام

ومعوضة إن شاء الله يارب

***

زواجي يا ست الحسن والجمال .. ويا ملكة الدلال

بس لا يغار زوجك مني

حيكون بإذن المولى في العيد

هانت والحمد لله

فجأة اتقلصت المدة وصارت أقل من خمسة شهور

الحمد لله تعبنا أنا وهو كثير

بس ربي يعطينا على قد نيتنا

دامت خطوبتنا وقت طويل

كانت تعب وحزن أكثر من إنها سعادة بفترة الخطوبة

سبحان الله عكس الناس

أنا وهو عندنا قناعة سبحان الله وإحساس قوي إن سعادتنا الحقيقية ماراح تكون الا بعد الزواج

عشان كدا محنا قادرين نستمتع بأيامنا دحين

ودايماً أقوله خايفة أموت قبل لا يجي اليوم اللي ننجمع فيه

بس دايماً أتذكر أختي الحبيبة سمااا

واتذكر خطوبتها اللي كانت 3 سنوات وأقول الحمد لله

***

ما قلتيلي

ماراح ترجعي جدة ثاني ؟

<< حتسكن في جدة ، وتبغى تكون علاقات من دحين

وماراح تلاقي أغلى من ( هو في قلبي )

***

بيني وبينك

علاقتي بأهلي قوية ، مو متعبني الفراق ، قد ما تعبني خوفي على أخواتي وأخواني

عندي أختين مراهقات ، وأخاف عليهم ، تعرفي الزمن مايرحم ، ولازم العين تكون عليهم

وعندي أخوين صغار متعلقين فيا مرة ، لدرجة واحد منهم يحب زوجي ويكرهه في نفس الوقت

وأمس قعد يبكي يقولي أبلة عبير الله يخليك لا تروحي

***

ربك يعين وسامحيني طولت عليك


***

بس أبغى أقترح عليك اقتراح

ليش ما تشوفي تحفيظ قريب من بيتكم ؟

منها تحفظي القرآن ، ومنها تكوني علاقات من أروع ما يكون

ليش ما تشتركي في دورة ، أو تسجلي في معهد

وبرضه تكسبي معرفة ، وفي نفس الوقت تكوني علاقات حلوة

جربي ..

***

لواني جيت متأأأأأأأأأأأأأخر ...


بس الحمد لله على كل حال ....... والف مبروك انو زوجك طاح من القائمة ...


وهذا امتحان من الله عزوجل لصبرك ودعاك ..



وفقك الله وسدد خطاك ..

ما تشوفين شر والف حمد الله على السلامة
وجعلها الله في ميزان حسناتك

" إن لله ما أخذ ولله ما أعطى وكل عنده بأجل مسمى فلتصبري ولتحتسبي الأجر عنده تعالى"

__________________