ما أقدر..
والله مقدر..
أقدر أسكت واطنش لكن في نفس الوقت أكون جافة ومالي نفس ولا أشتهي أشوف وجهه..
لكن إني أعامله بهالطريقة.. صعبة..
وعارفة نفسي ما أقدر..

اعتقد هذا هو الحل الافضل
اضافة الى اسلوب الضرب من تحت الحزام كان تذكري له قصة لشخص ثاني (يفعل نفس افعاله) و تطلبين رأيه فيها و هكذا ..

اتمنى لك التوفيق و ان يصلح الله ما بينك و بين زوجك

اخوك
Romancy

الله يفرج عنك يا اختي ويهدي زوجك ويحصن فرجه الا على زوجته و يبعد عنه اهل السوء واصحاب السوء وينور قلبه بلايمان ويهديه ويجعله الله زوج واب حنون ويجعل الله بينكم موده ورحمه .اميين يا رب العالمين دائما ادعي له في الصلاه واكثري من الاستغفار وصارحي زوجك بطريقه لبقه وحنان وانصحيه وخوفيه من الله ولاتحرقي اعصابك انت على حق و دائما قومي بواجباتك وزيدي اهتمامك به اكثر وصارحيه بما يزعجك ولكن في الوقت المناسب واهتمي بنفسك والله ييسر امورك ويسخر زوجك لك .اختك في الله سوزي.

لا تيئسي أبدا

التطنيش ليس حل

وكثرت الحنه والرنه تجيب نتيجة

__________________
جديد: أهداف المنتدى

جديد: قوانين المشاركة في المنتدى

حاولي
فالرجل لا يحب المرأة التي تلاحقه و تراقبه و تحاسبه على كل صغيرة و كبيرة
اغرقيه بالحب و الحنان
اضربيه من تحت الحزام
لا تكوني جافة و قاسية فانتي بذلك تدفعينه للارتماء في احضان الفتيات الاخريات لانهن يغقنه بالكلام الحلو و المعسول و انتي لا يرى منك الا الشجار و الخناق !

حاولي و حاولي و حاولي
غيري من نفسك حتى ترين التغير في زوجك

بالتوفيق

اخوك
Romancy

جزاك الله خير على الدعاء..




بس والله حيرتوني زيادة..
أقول له أو ما أقول له. .؟؟

أنا فكرت أني أبين له إني عارفة بس ساكتة بكيفي..
يعني راضية سو اللي بتسويه ماعاد يهمني..
هذاك أول كنت أزعل وما أرضى..
بس تصرفاتك خلت حبك بقلبي يقل..
والغيرة تموت..
وماعدت أهتم كلمت أو ماكلمت..
اشرايكم؟؟

حاولي تتعاملي معه بلين وحب وتفهم كبير باين زوجك من نوع العنادي لا تصرحيه ولا تخبريه اي شىء عن الموضوع كانك مو فاهمة شىء حتى لا يعاند ويزيد المشكل يكبر
مثل ما قلتي سواه مرات قبل وحصل شجار وتدخل الاهل مصارحتك اليه ما جابت نتيجة مرضية ماشي عاليها كل ما وجد فجوة لدالك
حاولي تجلسي مع نفسك وتغيري اسلوب تعاملك حتى تبعديه من طريق الغلط وبالتالي كسبك اليه وما تخالي مزاجيته تتاتر بيك وتصيري مثله بتتربصي ساعت غلطته حتى توبخيه
نصيحة ما تفتشي وراه بجواله او باميلاته وحتى لو فعلتي ما تنفعلي حتى يظهر عليك قدامه كوني ذكية حتى لا تفضحك غيرتك لانها ما فلحت معاه
وحاولي تسدي فراغه بحبك ولينك معاه وبطريقة لبقة ذكريه بمسؤوليته نحوك ونحو بناته ونحو اهله كوني اليه مثل ظل ما تغفلي عليه لحظة حتى وهو برا على طول مساجات غرام و شتياق وغير
ما شاء الله ما يناخف عليك بها شغلانة من معرفتي بك من خلال منتدى
الله معك ويوفقك ان شاء الله ويصلح زوجك بادن الله

عزيزتي...
اتمنى ان افيدك بطريقه ما....لكن انت اكثر الناس تعرفين زوجك...وتعرفين نقاط ضعفه...
فكل شخص في الدنيا على حد السواء ...سواء رجل او امراه له مفاتيح لشخصيته...فاذا عرفتها...لهان الامر كثيرا....
وادخلي له منها....منهم من ياتي بالحنان..ومنهم من يأتي بالاحراج...أو أو أو....
حاولي مثلا....ادخال طرف ثالث في الموضوع...مثلا ام زوجك...كيف علاقتك معها؟؟؟ وهل تستطيع ان تؤثر عليه؟؟؟ وحسب طبعا شخصيتها...اذا كانت حكيمه...فكلميها باسلوب ويطريقه ليست هجوميه على ابنها ..واذا لا...انسي الموضوع تماما.....
وفقك الله لما يحب ويرضى

__________________


تحيرت والرحمن لا شك في أمري ...... وحلت بي الأحزان من حيث لا أدري
سأصبر حتى يعجز الصبر عن صبري.. وأصبر حتى يقضي الله من أمري
سأصير مغلوبا بغير توجع ...... كما يصبر الظمآن في الزمن الحر
وما أحسن الصبر الجميل مع التقى ..... وما قدر المولى على خلقه يجري
سرائر سرى ترجمان سريرتي ....اذا كان سر السر سرك في سري
ومن قال ان الدهر فيه حلاوة ....فلا بد من يوم أمر من المر

والله مو مقصرة معاه بالحركات والمسجات..
أغير بشكلي على طول واسمعه الكلام الحلو..
مع إني ماحصل منه أي كلام أو معاملة حلوة..
بارد وجاف ومايهتم..
بس ألحين ألحين بالذات ما أقدر أسوي هالحركات..

أقول لكم شي..
أنا حبي لزوجي مات من زمان..
وأنا ما جيتكم أشتكي ابغي حب..
تدرون ليش..
لأني راضية أعيش من غير الحب..
واقدر أتصنع إني احبه..
وماعدت أحتاج كلام حلو منه وووو..
لكني عمري مابينت له إني ما احبه..
حتى لما نكون في قمة المشجار والمشاكل ما أعمري صارحته بأني خلاص ما احبه..
وتصرفاتي تعكس له مدى حبي وتعلقي به..
هذا الشي يمكن يكون سبب في إنه يرجع لسوالفه..
ظنه بأني متعلقة به زيادة عن اللزوم وما أقدر أعيش من دونه..

والله فقدتك يا اختي العزيزه و الحمدلله علئ سلامتك
ثانيا الله يعينج و يفرج عليج
عزيزتي انا نفس المشكله كانت عندي بس زوجي كان يمارس معاهن الجنس و كنت شاكه فيه
بعدين سبحان الله طلعت من عنده سالفه من غير ما يحس و بينما انا كنت فيها عروس
صراحه مت مكاني من القهر
بس ما بينتها له و رحت اخذت شاور و طلعت ولا كان شي حصل
حتئ هو نصدم لان يدري فيني من نوع الغيوره
والله صار لي سنين و لا اتكلمت بهذا الموضوع تناسيته
تدرين يا عزيزتي هو بعض مرات يفتح الموضوع بس يشوفني ما مهتمه
بس انا ما تركته عيشته بجنه و نار
داريته اكثر من عيوني و تحملت طعنت سجين منه و كلت ميخالف
والله الحين لو شوفينه تتعجبين
صحيح يطالع حريم و هذه ما لها دواء
بس والله ما قصرت معا و كملت معا بس الحين طحت لان اسم الله عليج و ربي يحرصج صار عندي مرض نفسي قل اهتمامي فيه
الحين القصد يا عمري و عسئ ربي لا يقهر قلبج انك تحاولين بكل طريقه تكسبين زوجك لا تعطين مجال لساقطات ياخذون زوجك
ادري فيج والله انج مقهوره و مدمره بس شسوين الحل بيدج
اكسري عينه عزيزتي اكسري عينه
هو يدري انج تعرفين سالفته
استقليها فرصه و طلعي شنو عندج من مكر حريم من دلع و اهتمام
اهتمي فيه سويله اشياء لا تعطينه مجال يفكر
والله يا حبيبتي ما لج غير هذا الحل و هو تسكتين و تهتمين فيه
لان هذول الريايل لو شبين اصابعج لهم ما ينفع عيونهم عشره عشره مع احترامي للريايل
وايد من الاخوه و الاخوات عطوج حلول و انا اكول لج اخذي نصائح ريايل مع احترامي للاخوات
لان الريايل كلهم يتشابهون و يعرفون شنو يبون و من يكولولج لاخوان معناتها هم يعرفون الريال شنو يبي
الله يفرج عليج و يحل كل همومج و مشاكلج يا رب