خطيبي (شكله) مو حلو ؟ الله يسامح امي.. - الصفحة 5

12-03-2007, 01:36 AM

#41

أبو لانا

عضو نشيط

تاريخ التسجيل: Mar 2007

المشاركات: 165

بغض النظر عن الشكل وخلافه

يظل القبول والنفور هو المقياس الثاني بالنسبه لي بعد الدين والخلق

،
،
،

رجاء رجاء رجاء إذا لم تكوني مقتنعه فيه وراح تقارنيه بغيره طول

عمره بأرحمي ابن الناس واعتقيه لوجه الله

في امان الله

12-03-2007, 12:24 PM

#42

الغالية انا

عضو دائم

تاريخ التسجيل: Mar 2007

المشاركات: 62

لم اكتب المشكلة حتى اسمع منكم كلمة الانفصال لاني كتبت بالموضوع اني لا افكر فيها .. بس مشكلتي هي كيف اتقبل شكله !!

12-03-2007, 12:44 PM

#43

ضايعه فالدنيا

عضو متألق

تاريخ التسجيل: Apr 2006

المشاركات: 1,603

اقتباس:

المشاركة الأصلية كتبت بواسطة الغالية انا

حبيبتي دامج ما متقبله شكله شو تبغين انسويلج الله يهديج..!!!انقولج اتزوجيه وباجر لا سمح الله يصير شي محد راح يتعذب غيرج..

انتي بنفسك اتقولين مب متقبله شكله يعني ما راح تتقبلين وراح اتقارنينه بغيره فاحسن حل الحين انج اتخلصين السالفه وفكي عمرج والريال..

12-03-2007, 02:51 PM

#44

الفداء

موقوف

تاريخ التسجيل: Dec 2005

المشاركات: 476

اقتباس:

المشاركة الأصلية كتبت بواسطة الغالية انا

السلام عليكم

كل بنت من صغرها تحلم بفارس احلامها .. طبعا تحدد له مواصفات معينة شكليه ( من ناحية شكله ) ومن ناحية ظروفه ( غني و متعلم - مثقف- ووو) ..

انا عمري الان 22 سنة وتقدم لي شاب - لايعيبه شيئ - من ناحية الخلق والدين واهله كذلك .. المهم هذا الشاب متدين - مطوع- وانا بنت ملتزمة بس مو لدرجة مطوعه بس عارفة الحلال والحرام .. اهلي وافقوا وبما اني بعمر البنت لازم تتزوج فيه - الوالدة - اصرت اني اوافق على الزواج .. وانا لما صارت المقابلة الشرعية ما عجبني شكله بس قلت يمكن بعد الزواج والعشرة تتغير نظرتي له !! وهذا كلام الوالدة له ..

بعد الخطوبة لاحظت عليه تصرفات - انا ما تقبلتها - واهله قالوا لي امور طلعت مو صحيحه مثل انه مشتري سيارة جديدة كامري 2007 وبعدين اكتشتف انها له ولاخوه - واخوه اللي يدفع الاقساط بعد - وقالوا ان حالتهم المادية ممتازة - اكتشتف انها يالله ياكلون لقمتهم ويلبسون - واشياء كثيرة ......

بس الحين مشكلتي اني ماني متقبلة شكله - لانه اسمر ومتين _ وانا داخليا حاطه في بالي ان شريك حياتي طويل وجسمه رياضي بس مو (كرش) !! وبعض من صفاته ما تعجبني وانا ابي اغير من نفسي لانه يحبني بس انا ماني متقبلته !! واحيانا انحرج اطلع معاه بسبب شكله !!

الشي الثاني اني رومانسية وهو جاف - يعبر عن رومانسيته بالقبل والمداعبات - وانا رومانسيتي غير احب الشعر والكلام الحلو .. وهو متربي في بيت ابوه صارم وامه مشغوله مع العيال اللي كل سنة تنجب واحد وشغل البيت وماهو متعودين على العواطف بالاضافة انهم ما يطلعون كثيرر لابنات ولا شباب معودين على جلسة البيت وانا احب اطلع يعني مجمعات او على البحر او ملاهي .. نوع من تغيير الجو ..

وش اسوي حتى اقتنع بشكله ؟ وش اسوي حتى اتقبل عاداتهم ؟ واحس اني ارقى منه في كثير من الامور ..يعني هو تصرفاته من 20 سنة مو مثل الحين حتى طريقة لبسه !!
وانا بنت واواكب التطور .. تصوروا يبيني البس جلابيه يدها طويلة ؟! - اذا اكشخ يعني

للحين خطوبة مو زواج هو ؟

اشوف الازواج الكاشخين - اللي بمستوى مواصفات فتى احلامي - مع زوجتهم وادنب نفسي .. ليش وافقت بس الوااااااااالدة هي السبب خلتني اوفق ..

ولا ابي الطلاق لان مجتمعنا ما يرحم ..

...................................

اختي الكريمه ...

والله موضوعك خلاني احب زوجتي ام مريم اكثر واكثر ..لان نفس مواصفات خطيبك ..هي نفس موصفاتي

دبا واسمر ..وكانت حالتي الماديه صعبه جدا ...

عاد خطيبك افضل مني مطلع كامري ..حتي لو متقاط هو واخوه ....انا خطبت ام مريم ..ومعاي كوريلا

موديل 91 قديمه ....واذكر يوم طلعت من بيت اهل ام مريم بعد الخطوبه ..عيت السياره تشتغل معاي

وتفشلت لان كان معاي اليشخ خالد ؟؟الله يوفقه ..كان ميت من الضحك علي .. يقولي تستاهل !!

اقولك نروح بسيارتي ..مانت راضي .....فانا كنت دايما احب اظهر بوضعي الطبيعي ..مااحب اكشخ بحق

الناس ...

فماهي الا سنوات معدوده وتغيرت الاحوال .... فسبحان من يرزق بغير حساب ..بدل .السياره ....سيارات

فيااختي الكريمه ..لاتهتمي بالمظاهر ..ربي قادر يرزق زوجك بيوم وليله ..

ولا تعتقدي ان الواحد مابيتغير ....

بعد الزواج بيتغير كل شي ...طريقة اللبس وطريقة الاكل ..وحتي المشي والكلام ..

وانتي باستطاعتك تخلي زوجك كشخه ورزه ...وسيأتي اليوم اللي بيحسدوك علي زوجك ..

طيعي شوي ...اخوك مر بنفس اوضااع خطيبك ... .والله نفس الكلام .كنت اقول لام مريم ..ابيك تلبسي

جلابيه ..ام كوم طويل

وتخلي شعرك ظفاير ..وتفرقي من الوسط ..وتحطي كحل وتحطي علي دقنك 3نقاط ..وتلبسي الفضه

القديمه.... ولا تسوي مكياج ...ابيك بدويه علي طول .. !!وكانت تسمع كلامي ... يحليلها ام مريم كانت

تمشيني علي قد عقلي ..........

وتعالي شوفي الحين ...ولا اسال عن لبس او غيره ..

فانتي خليك ذكيه ...واياك اياك اياك ..انك تحسسي زوجك انك ارقي منه ..... تواضعي له ..وستأسري

قلبه .........مدي الحياة ....تعبت من الكتابه .لي عوده

12-03-2007, 11:23 PM

#45

الغالية انا

عضو دائم

تاريخ التسجيل: Mar 2007

المشاركات: 62

ردك افرحني واثلج صدري بدرجة كبيرة .. ان شاء الله يتغير للاحسن

وفقك الله اخي الفداء

13-03-2007, 12:45 AM

#46

cute_baby

كبار شخصيات المنتدى

تاريخ التسجيل: Jul 2004

المشاركات: 7,421

اقتباس:

تواضعي له ..وستأسري

قلبه .........مدي الحياة

حبيبه قلبي

لا اود ان اطيل عليكِ فكلام اخي الفداء كفى ووفى

واعيد واكرر لك

تواضعي له ..وستأسري

قلبه .........مدي الحياة

والله ياغاليتي الشكل مو كل شي

والرجل لا يعيبه شكله

يعيبه سوء اخلاقه ونقص دينه

ما دام يخاف الله ومقبول اجتماعيا
وطيب وابن ناس لا تلتفتي للشكل كثيرا

ربي يفرج همك ويحنن قلبك ويرزقك ماتتمني

__________________

.

إلهيْ ’ / أبدل عُسَرِنا يسُراً ,
وفرّج عَنِا كُل ماَ ضاَقتَ بهِ صدُورَنا , وحَال معُه صبَرنُا و إَرزقِنا مَن حيَثُ لَا نحتَسُبْ..آمينَ

.

13-03-2007, 12:54 AM

#47

رادع

موقوف

تاريخ التسجيل: Oct 2003

المشاركات: 1,423

المشكلة ليست في شكل زوجك بل المشكلة في طريقة تفكيرك

فأنت ظللت درهر تأملين نفسك في الشاب الوسيم , أكثر من أن يكون

متدينا , فصدمت بالواقع , فما ترينه خير قد يكون شر والعكس صحيح

وما هو اليوم خيالا غدا سيكون واقعا مريرا , والأيام ستنبئك حقيقة

لا زيفا وخداعا , واأنت الخاسر الأول والأخير .

13-03-2007, 03:57 AM

#48

البحلة بالنفس

قلب المنتدى النابض

تاريخ التسجيل: May 2004

المشاركات: 1,970

حبيبتي مابي اضيق صدرك او انصحك بشي واكون غلطانه واخرب حياتك..

لكن بقولك شي جدا مهم سبق وقالو لك الاخوان الموضوع مب جمال وقبح الموضوع مسألة قبووول وهذا هو الهدف من الرؤيه الشرعيه ياما فيه بنات على قد حالهم واذا شافها الشاب شعر براحه وقبول كبيرين وحبها وصارت بعيونه احلى بنت..

انتي لازم تكونين ارتحتي له وتقبلتيه من الرؤيه الشرعيه اما مسأله انك ما تقبلتيه ولا عجبك لا شكلا ولا ظروفا ولا طبايع يعني وش بقا بصراحه؟؟!!

وبعدين مسألة انهم يكذبون عليك ويفهمونك انه شاري سيارة وانه مادياتهم كويسه هذا بالنسبه لي شي سلبي احب الناس يكونون واضحين وصريحين من البدايه ليش يغشون البنت واهلها وهذا يدل على عدم ثقه بالنفس مع احترامي..

طبعا بعد الاستخاره فكري بعقل لا تقعدين تقنعين نفسك انك بتتغيرين وهو بيتغير وكل شي بيصير حلو لا ياحبيبتي مافيه معجزات ممكن الناس تتغير وتتأثر لكن مو كلهم ولو كان في تغير يكون نسبي..

يعني مابيك تحطين امال انه فجأة بيصير رشيق وحلو وغني وراقي لانه اذا بتتزوجين على اساس انه بيتغير وبينقلب احتمال كبير تنصدمين وتتحطمين لكن لو كنتي مقتنعه فيه وحابته لكن حاطه ببالك انك تبينه يتغيير للافضل ويغير بعض الاشياء فيه هذي معقوله وتدخل المخ..

ياحبيبتي اقولها لك بالفم المليان اذا انتي مو مقتنعه بشكله ولا ارتحتي له ولا عجبك شي فيه لا توافقين عليه لان هذا زواج وعشرة وحياة طويله لازم تكونين مرتاحه اقلها..وانتي توك 22 يعني قدامك العمر مب فاتك القطار وتبين تلحقين عمرك باي شكل..

انا عارفه انك تبين تسمعين كلام غير كذا وتبيني اقولك ياحبيبتي وافقي وبتتغيرين وبتحبينه وبيعجبك لكن انا ماقدر اغرك واغشك انا لازم اكن واضحه معك..

واقول للاعضاء اللي قالو الدين والخلق والطمع وماعرف ايش اقولهم ان قبول الشكل والراحه بعد الرؤية الشرعيه اهم شي في الخطبه وارجعو لسنة الرسول صلى الله عليه وسلم واحاديثه وتلقون كلامي ومب ضروري انها اذا رفضته وجاها واحد وسيم او شكله مقبول لازم يكون سكير وعربيد ومدمن!! زي ما قالكم اخوي قزم بس عصبي قد يجمع الانسان قبول الشكل وحسن الخلق..

__________________

التعديل الأخير تم بواسطة البحلة بالنفس ; 13-03-2007 الساعة 04:00 AM

13-03-2007, 05:03 AM

#49

البحلة بالنفس

قلب المنتدى النابض

تاريخ التسجيل: May 2004

المشاركات: 1,970

ارجوكي اقرئي قصة اختي في الله زوجة زوجي واقرئي تطوراتها لعل فيها عظة وعبرة ولو انها تختلف كثير عن حالتك بس برضوه اقريها..

http://www.66n.com/forums/showthread.php?t=97798

__________________

13-03-2007, 05:39 AM

#50

RoOoD

كبار شخصيات المنتدى

تاريخ التسجيل: Dec 2003

المشاركات: 2,885

حبيبتي كلامك فيه كبر ..

ولا يدخل الجنة من كان في قلبهـ مقدار < ذرهـ > من كبر ..

انتي شايفه نفسكـ عليهـ وما اقول هذا من ناحيهـ الشكل لا من ناحيهـ العادات ..

بقولكـ شيء مهم انتي لو اتقبلتيهـ وشفتي انكـ مرتاحتلهـ ماكان كتبتي الموضوع ..

ولا كان كتبتي ( امي الله يسامحها ) يعني انتي رافضاهـ ..

انتي ما تقبلتي فيهـ اي شيء ,,

لا الشكل ولا العادات ..

وهذا شي مو عيب ..

صح الاخوان والاخوات قالو لكـ اظفر بذات الدين ..

لكن الشكل مهم .. اذا ماقدرتي تتقبليه نهائيا فلا توافقي ..

واذا على كلامهم الدين وانه اخلاق ..

فوالله لي صديقة اتزوجت واحد الكل حلف باخلاقهـ وبدينه ..

وطلع لا هذا ولا ذاك وقبلته وهو على كلامكـ ( مو حلو ) عشان الدين ..

أخاف انصحكـ تتزوجيهـ ( تقومي تكتبي عنوان امي والاعضاء الله يسامحهم ) ..

انتي مع معرفتكـ لحبهـ لكـ ِ ولدينهـ ولأخلاقهـ العاليهـ ,,

ماحبيته ولا تقبلتيهـ فمتى تتوقعين بتتقبلينهـ !؟

نصيحتي لا تتزوجيهـ يمكن تلاقي اللى يناسب من ناحيهـ الشكل ,,

انا ما اقول راح يجيكـ ِ واحد جميل ومتدين ..

بس أكيـد لو ارتحتي لهـ حتشوفي انهـ أجمل الناس ..

آسفة على الاطالهـ ..

ولا تنسي قصة المسافر اللى جا عند رجل ..

ولقى زوجته شديده الجمال ( واتغزل فيها ) وشاف زوجها شديد القباحهـ ..

فلما سأل الزوج قال ان الله انعم عليه لأنه صالحـ ..

ولما سأل الزوجة قالت انها اذنبت ذنوب فعاقبها الله بهذا الزوج .. ( دمجت قصتين عشان لا اطول )

اكرر اللى يقول لكـ شوفي العوانس ووافقي ..

احترامي للمطلقات لكن لكـ الاختيار ( عانس ).. ولا ( مطلقة ) ..

لا توافقي وان شاءالله تلاقي غيرهـ شخص تقبلهـ نفسكـ ومتدين ..

وربي يفرج همك ويختار لك طريق الخير ويرزقك ماتتمني ..

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه