أنا تبعت مشورتكم ابخليه فترة يرتاح

كلمته اليوم وقلته اهم شي عندي ترتاح انت تعبت كثير وانضغطت كثير ارتاح ولو طالت المدة شهر شهرين سنة سنتين

طول العمر اهم شي عندي اكون على ذمتك اذا احتجت كلمتك

قال ماراح اتركك الا اذا طلبتي انتي

صراحه فرحت مرة

قلت له استشر احد بالنسبة لردة فعل ابوي راح تشوف انها صح ادخل المنتدى وشف كيف ردود الناس احيانا الواحد يفكر خطا ولا وش فايدة الاستشارة اللي امرنا بها
انا في اشياء كنت فاهمتها غلطت وفهموني الناس

مو شرط تفكيرك صح

وعلى فكرة ابوي ماراح ياخذ عنك فكرة لانه يدري انك في يوم من الايام ماكنت ملتزم وهو مازوجك الا وانت ملتزم وبالصف الاول والكل يشهد على صلاحك ماقال لا ماازوجه ليه ماكان قبل مو ملتزم والناس مو مكلفين بحساب احد الله سبحانه اللي يحاسب الناس
ولا تفكر انهم يبون يأدبونك انت رجال ولا انت بزر عندهم بس برضوا ماودهم ان رجل بنتهم يشرب خوفا على بنتهم من اللي بيصر لها وخوفا على ابنتهم من استمراء الحرام

وحط نفسك اب وبنتك جاتك بموقفي وش راح تسوي

ووصيته بالصلاة وبدينه وانه الزم عليه مني ومن عيالي ومن الدنيا كلها

طبعا مارد الا الله يكتب اللي فيه خير انت لاتصيرين متشائمة انا ماتوقعتك ضعيفة
لازم يكون عندك ايمان ان يمكن الخير ماتعشين معي وانك تكونين اسعد مع رجال احسن مني
وانا ماراح اتركك الا بطلبك

ومن هالكلام

وش رايكم ؟

انا فكرت اني خلاص مااتصل عليه الا كل يومين ثلاثة لحد مايرتاح

اميرات

الله يوفقك ويجزاك خير على وقفتك معي

انا عارفة ان كل اب وده يتطمن على بنته وانها مكان ثقة مهما كان الاب

يحس هو المسؤل عن بنته

وطبيعي ان الاب مهما كان هذا الاب مايقبل ان تكون بنته في بيت واحد يشرب

وخايف علي من التبعات اللي ممكن تحصل لي

لكن زوجي في نظره انا ماآذيتك وهم لازم يعرفون هذا واني قلت لك فترة وتعدي وانا الحين قلت لهم في اول الايام اني تبت
وماوقفوا معي وكنت انا محتاجك والحين لما طبت من الاعراض الانسحابية يبون يجبونك لي

لا انا بعد ابفكر بالموضوع ليه مايساعدوني ويخلونك توقفين معي

واكثر شي احس انه مضايقه لانه يحس ان ابوي يبي يأدبه

انا مقدرة وضع زوجي مرررة بس ماكان بيدي حيلة وانا اصلا من لحظة قال ابكلم ابوك رفضت

عموما انا الحين ابخليه على راحته واسأل الله ان يشرح صدره ويهديه

يارب الله يشرح صدرة ويهدية

الله يتوب علية ويكفيها شر نفسة والشيطان وشياطين الانس

الله يفرح قلبك بتوبتة وشفائه من هذا الوباء

اصبري وادعي وان شاء الله ترجع حياتك احسن من اول يارب

لاالة الا انت سبحانك اني كنت من الظالمين

عزيزتي والله لا أعرف ماذا أقول لك...

زوجك يحبك كثيرا لكن غلطته لا تغتفر...فأنا قرأت مواضيعك ورأيت كم تأرجح بين الهداية والضياع...

أخاف اذا عدت له أن تعاد المأساة مرة أخرى...

عزيزتي حينما يخطأ الإنسان اخطاء كبيرة كهذه فعليه أولا أن يتحمل عواقبها وثانيا أن يتعلم درسا لا ينساه طوال عمره...

لا أعتقد أن زوجك وصل الى مرحلة استيعاب خطأه...هو بطبيعة الحال أصابته صدمة قوية حينما أخذك والدك لكنك لو كنت أكثر حكمة ولم تتصلي به وانصعت لأوامر والدك لكان فهم وتعلم درسا وهو عدم العودة الى الخمر والتفريط بدينه وبك ثانية...وصدقيني لما كان عاد لك الا وهو تائب نظيف...

لكن مشاعرك جرتك وها هو زوجك يحقد على والدك لأنه لم ير الا جانب أخذ زوجته منه واهانة رجولته ونسي الجانب الأعظم من المشكلة وهو مرضه وشربه...

صدقيني هو الآن يريد استرداد كرامته بأي ثمن وان كان ذلك على حسابك وسيتناسى علاجه حتى ينتقم (معنويا) من والدك...

عزيزتي لا تكوني ضعيفة بل قوي موقفك قليلا وأوضحي له أنك لن تعودي حتى يتعالج ويتوب...

نصيحة قد تفيدك..

تحياتي..

__________________

مادري بس احس ان زوجك يبغى الزلة على اهلك وكانه ناقم عليهم في شي ومستني شي عشان يتكلم عليهم والا المفروض يخجل من نفسه وبدال مايتكلم كذا على ابوك يروح يستسمح منه على اللي سواه والا في اب مايخاف على بنته ومصلحتها وش باقي عاد بعد شرب الخمر والعياذ بالله المفروض يعرف ان هذه ردة فعل طبيعية لاي اب يحب بنته هذه هي الامانة اللي اعطاه هي ابوك انه يحافظ عليك يسوي كذا وانتي كمان المفروض انك ماتحسسيه مرررررررررة انك ميتة عليه وانك ماتقدري تعيشي من غيره كذا تكبري راسه انتي لازم تبيني له ان ابوك تصرفه صح وانه لو شاريك يجي ويهتم للموضوع ويتردد اكثر من مرة على ابوك بس عشان يرضى يرجعك مو جالس مكانه ويتامر وهما اللي يرسلوا وراه تعال نتفاهم ,,,
انتي ليش متهاونة بالحرام انتي عارفة ان شرب الخمر من الكبائر بدال ماتكوني حازمة معاه ولو كان يحبك ماراح يسوي شي يزعلك ويغضب ربه ,,
لاتقولي انا مو راضية لا انتي راضية وعادي عندك لو يقول لك ابوك اليوم ارجعي لزوجك بترجعي على طوووووووووووول من غير ماتناقشي ولا تقولي لا ماراح ارجع الا اذا بطل وتاب وهذا قمة التهاون في حدود الله خليه يعرف ان اللي سواه غلط ونصيحتي لك لاتكلميه ابداااااااااااااااااا وقفلي جوالك واذا ارسل احد قولي له اذا تبغى تتفاهم تفاهم مع ابوي انا اللي يقول عليه ابوية انا راضية فيه غير كذا ماعندي كلام ثاني ,,
وانا عندي احساس ان زوجك مابطل شرب باقي يشرب عشان كذا يكرر كلاموا شوفي واحد احسن مني انا عارفة ان ردي ماراح يعجبك بس لك الحرية في الالتفات له او تجاهله ,,

اسال الله لزوجك الهداية والصلاح ولك الهدى والسعادة وان يرد لك زوجك ردا جميلا يارب ويصلح شانك وييسر امورك .. امييييين ,,

اهلا اختي الكريمه فرج الله همك وحزنك

والدك موقفه صحيح كيف يترك ابنته مع شارب ومريض نفسي ايضا شفاه واصلحه الله

وكلي امرك لابيك بعد الله ولا تتهوري بهروبك الى زوجك بل اصبري حتى يفرجها الله ويحس زوجك بخطئه ويصلح نفسه ويتوب الى الله ويعالج نفسه ايضا فبهروبك الى زوجك انت الخاسره وسيعود زوجك الى شرب الخمر وغيره ولن تصبري وستخسرين اهلك فعليك بالصبر

الحمدلله على كل حال

الله يخلي لك زوجك ويطول بعمرة ويعافية من البلوة يارب

ان شاءالله ماراح ينهدم بيتك تفائلي خيروان شاءالله ربي يكتب الخيرلك يارب

وتفائلي خير

عادي كلمي زوججك وانسي سالفة ابوك وان شاءالله يرجع لصوابة ليش متشائمة تفائلي خيرررررررموفقة يارب يجمع شملكم

__________________
دعواتكم لي
الله يجزاكم خير

خير إن شاء الله؟!!!!!!!!

يأدبهم؟!!!!!!!!!!!!!


بصراحة يا أختي أتابع الموضوع منذ البداية وأمسك نفسي عن الرد لأن المشكلة كلها على بعضها ترفع الضغط .. وموقف زوجكِ في منتهى الجرأة والمكابرة بل ـ والمعذرة من الجميع ـ الوقاحة .. وموقفكِ أنتِ يفقع المرارة.

ووالله إنني أشفق على والدكِ الذي يضيع وقته ويستنزف أعصابه وأنتِ لا تقدرين ما يفعله من أجلكِ .... ووالله لو كنت مكانه لأرجعتكِ لزوجكِ بنفسي حتى تعرفي أن الله حق!!!!!!!!!!!!!



يأدبهم عاد؟!!!!!!!!!!!!

لا حول ولا قوة إلا بالله!!!!!!!!!!!!



وبالمناسبة .. حكاية (الله يكتب اللي فيه الخير) هذه مماطلة ولعب بأعصابكِ لا أكثر .... لأنه يعرف نقطة ضعفكِ وأنكِ متاهفتة عليه ... لدرجة أنكِ تترجينه ألا يطلقك!!! .. وشوي بتبوسين رجله حتى يبقيكِ على ذمته!!!!!!!!!!!!!!!!!!!!!



أخيراً .. اقرأي كلام الأخت جناين ورد2008 هنا .. وأعيدي قراءة كلام الأخت باريسا في الموضوع السابق ..... اقرأي كلامهما جيداً لعلكِ تفيقين مما أنتِ فيه!!!!!!!

__________________


اللهم طِيبَ الأثر .. وحُسْنَ الرحيل.