ماتمشي معها هالحركات
زي ماغلطت بالكلام اصلحها كلام
الله يفرجها



الله يرضى عليك ويقرب لك البعيد



حاولي تتذكرين وش سوى لك
بس كلمته والله قويه الله يهديه



مين قال اسوي مشكله اكبر
لا دخيل الله لا احد يقولها
ماني مصدق متى ترضى وتروق
خلاص يا فلذة فؤادي نويت اروح استلمها دحينه... دعواااتك ياغالي



مانا قلت لكم اقول لها لا تسوين عشا راحت تعاند وتسويه
هي تبيها شفويا زي ماكان الغلط شفويا
رايح رايح مافيه كلام


اوجعتني بطني من الضحك .. وتعبت وانا اكتمها مابيها تسمع لا تفكرني جلف ما احس
وربي ماتطنزت .. الله يهدينا جميع




يعطيكم العافيه ومااااقصرتوا
خلاص رايح لها اشوف وش اخرتها
ارد عليكم الصباح ان شاء الله
تصبحون على خير

__________________
الحياه حلوه جـــــــــــــــــــــــــــــدا... بس للي يفهمها

وش صار عليكم؟؟؟؟؟

__________________
ربنا هب لنا من أزواجنا وذرياتنا قرة أعين واجعلنا للمتقين إماما

السلام عليكم

آآآآآآآآآآآآآآآآآآآآآآآسف جدا على التأخير ولكنني اكتب لكم من استقبال احد الفنادق الفاخره في البحرين الشقيقه

امس الليل لقيتها تعبانه ونفسها مو ذاك الزود حتى على العيال

قلت مو مناسب الوقت تركتها


رحت الدوام اليوم واستأذنت خمس دقايق من الشغل اكلم مكالمه دوليه لفندق انا متعود عليه مع الاهل( اخر مره رحناه قبل اربع سنين تقريبا وزوجتي مرررررره انبسطت في هذيك الرحله وكل فتره تطلب نكررها بس ما الله راد)

قلت ياولد وش تنتظر بعد
جت من الله

دقيت وحجزت للجمعه

زبطت الامور رجعت دقيت عليها قلت رح ننزل عند اهالينا اليوم العصر جهزي اغراض يومين ( طبعا مالها خلق و تحيتها لي رسميه جدا)

خلصت الدوام من هنا وطيران ع البيت من هنا

لقيتهم جاهزين والعيال طايرين من الفرحه

نزلت العيال لبيت اهل زوجتي .. جت بتنزل اغراضها .. قلت وين على الله .. رجعت شنطتها عندي بالسياره

طبعا متعودين اغراضها لحالها واغراضي لحالي والعيال لحالهم فمطمن انا من هالناحيه
انها ما بتتعبني وفك وحط في الاغراض


نزلت العيال وعطيتهم مية ريال حقت حلويات وخرابيط لبكره فقط.. ناوي ارجع اخذهم بكره ونكمل رحلتنا سوا .. بس الليله غير


استغربت المدام تؤبرني

قلت شرايك بس نروح البحرين نغير جو... الا هي قامت متشققه ضحك ... قالت ليه تاخذني وانا مو حرمه !!!!!!!!!!


احـــــــــــــــــــــــــــــــــراج

ما خلاص يا قرة عيني عطيتيني درس امي وابوي ماعطوني اياه

افرديها بأه

عاد انا لهلوب بالإستهبال


كلمه من هنا وضحكه من هنا و اعتذار من قلب والله من هناااااااا وكنها روقت

عاد الفندق رهيب لقيته مجهز صحن تشيز كيك ( بما اننا مسوين حجز مسبق .. وحاطين لنا وردتين لأني قلت لزوجتي وانا بس.. فهم ما ادري وش استنتجوا
..ماطلبت منهم شي من نفسهم سووها ...كانت مفاجأه رائعه بحق وكأن الله عارف صفا نيتي وساعدني بها )


عاد هي فديتها تفكر انه انا .. فعشان اعيشها الدور مزبوووووووووووووط قمت دقيت على الرسيبشن وتشكرتهم )

والحمد لله شفنا لنا فلمين ( متحمسيييين) وعشا محترم وهذاني مهدود رايح احط راسي وانااااااااااااااااااااااام




بكره ان شاء الله اجيب عيالي ونكمل الرحله للجمعه









تووووووووووووووبه ماعاد افلت لساني
الدنيا فداها بس وجع قلبها وجع لي قلبي انا

اشكركم من صماصيم قلبي فرداً فرداً
ماقصرتوا .. وان شاء الله اني ماقصرت معها
ولا اكتب لكم الا فر افرااااااااااااااااااااااااح

__________________
الحياه حلوه جـــــــــــــــــــــــــــــدا... بس للي يفهمها

ما شاء الله ... والله فرحت من قلبي ... شفت كـــيف ان الموضوع هــــــــــــين وسهــــل

الله يبعد عنكم الخلافات والمشاكل ويجمعكم على الحب والمودة والخير يااااااااااااارب ... وانتبه تكررها مره ثانية ...

ان شاء الله تستمتعون ... وربي سعدك ويوفقك اخي الفاضل ..

__________________

هههههههههههه الف مبروك الرجعة
فرحت لكم من قلب والله
والله لا يجيب الزعل ثاني

ألف ألف مبروك وإن شاء الله ربي يوفقكم ويحفظكم من العين

لا الة الا الله تبارك الرحمن ..
يسعدكم ربي ياخوي ..
يسعدكم ربي ياخوي ..

__________________
[ ]

ماشاء الله تبارك الرحمن

الله يجزاك الجنه على أهتمامك بمشاعر زوجتك

ويكثر من أمثالك

ويديم عليكم السعاده ويبعد عنكم كل ضيق وزعل

__________________
أشتقت لكم جداً 💔

الف مبروك الله يهنيكم

و الله الف مبروك و أسأل الله يهنيكم و يسعدكم و يجعلها آخر الأحزان ( ياخي حسيت إني أهني مدري أعزي )
المهم الله الله بالروحه على شاطيء البحر و معكم دلة القهوة و تجلسون تسبلون بعيونكم في بعض و تنتظرون شروق الشمس

على طاري البحر أذكر زمان نزلت جدة أبزور شباب المهم أخذوني و رحنا نجلس على الشاطيء
و جلسنا لحد الفجر وصلينا و الي علينا بالخير و قالوا يالله يا أبو الشباب مشينا
أنا سويت فيها رومنسي و حساس و عاتفي فقلت لهم لا ما ني رايح
أنا متعود ( ركز على متعود ) أنا متعود أجلس على الشاطيء و أرى شروق و بزوغ الشمس
و جلست أوصف لهم في مشاعيري و عواتفي الجياشة الدائمة عند شروق الشمس
قالوا يا أبو الشباب كب الصرف و الكذب علينا أصلا الشمس لا تشرق و تبزغ من البحر و لكن تغرب

فقمت ليمت الفرشة و ركبت السيارة و دعس على بيتنا


الأخ الأزون هذا توقيع و لا تبي تبلط المنتدى ( أمزح معك )