خالة جرين

كلامك اللي قلتيه ليا وقت مرض امي، حصل بالفعل سبحان الله .. و كلامك أعطاني القوة يوم قلتيلي لازم تكوني قوية وقتها
و حتى وقت جلست القنها الشهادة ، افتكرتك انتي اكتر شي ..

و دحين برضو كلامك احسك تتكلمي و انتي فاهمة و حاسة بكل كلمة تقوليها

بأعطيك مثال على الافتراءات اللي جاتني من وراء ظهري .. و أنا سكتت مع اني اقدر ارد ..
لكن احتراما لأمي و ابوي، سكتت و لانه ما عاد يهمني ..

تفتكري خالة جرين يوم قلتيلي ليش ما تتفقوا كل وحدة تجي و تجلس معاها و قلتلك كل وحدة مشغولة بحياتها ووو الخ ..

باخر اسبوع من مرض امي، الصراحة كللللللهم شالوها و ماقصروا ماشاء الله .. و كنت أنا اجيها كل يوم و ارسل ولدي الكبير عند اهل أبوه
و الصغير أخده معايا و كنت تويييي خلصت الاربعين ..

امي رفضت اني اشيلها و ماهي قادرة تتكلم، نادتني و قالتلي بأذني و بالقوووووة بالقوة قدرت تتكلم و قالت
( لا تشيليني انتي، عشانك ولدتي قريب .. و عظمك ضعيف، راح ينكسر ظهرك لو شلتيني )

قلتلها مو مشكلة لا تشيلي همي، قامت تصرخ ( اااااااااه ) يعني اسمعي الكلام و خلاص ..

فصرت أحاول اساعدهم و اسألهم اذا اعمل شي، بس امي رفضت اني اشيلها ؟
و أنا ما قلتلهم .. ما جاء ببالي أبدا اني اقول كلامها لاحد .. لأننا كنا نتساعد و أنا الوحيدة اللي بيدي رضيع

بعد ما ماتت امي، صاروا يقولوا ( ما شالتها معانا وووو الخ )

نسيوا مين اكثر وحدة كانت تجلس معاها ؟
نسيوا بفترة نفاسي و حملي بالشهور الاخيرة كانت تطلب مني اي شي و اقوم و أنا تعبانة بس عشانها و ما ابين لها اني تعبانة ؟
كنت اشكي لكم تعبي .. بس ماعمري بينت لها انه طلباتها ثقيلة ؟

حتى و أنا حامل و على وش ولادة و بالشهر العاشر كنت امسك يدها اعمل لها مساج و كانت ترفض و تقول لي انتي حامل، أنا المفروض
اريحك بس شايفة كيف الظروف ..

و دحين كل واحد يجلس يأكل بلحمي من ورايا .. و ما بارد عليهم و بعدت نفسي خلاص ..
بس لا يشككوني بامي و بمحبتي لها ..

أنا باخر اسبوع كنت اصلا تعبانة من نفسي لانه بيدي ولدي و ماني قادرة أخدمها ..
كنت اقوم و ادعيلها ؟؟؟ هذا اللي كنت اقدر اعمله لها ..

لو طبخت لها ما تأكل من طبخي و لو جبت لها من مطعم برضو ما تأكل ..
كله جربته و ما صار ..

.
.

بس ما همني احد ..

حاسة بغربة، لانه امي الوحيدة اللي كنت اتونس بها ..
حتى يدخلوا بنيتي و يقولوا اني اجلت دراستي مو عشانها ؟

ياختي يتركوني بحالي ؟
ما عندهم احد غيري ؟

أنا ما عمري اذيتهم و كنت احبهم و مصدومة لأني ماتوقعتها من اقرب الناس ..

بس خلاص باقفل على موضوعهم .. لانه هناك اشياء اكبر و اهم من التفكير بهم ..
خلينا بأمي و ابوي الله يرحمهم و كيف ممكن افرحهم بقبورهم ؟

و الحمد لله بديت باول الخطوات بعد ما كتبت موضوعي هذا هنا و استفدت من افكاركم ..
و زوجي قال لي ( ابني لهم مسجد ) .. لأني قلتله زمان احلم اني ابني بيوم مسجد لابوي
فقلت لزوجي امس ( كيف ابني مسجد لهم و أنا بيت لنفسي ماني قادرة ابنيه ؟ )

قال لي عبارة من جددددددد عجبتني و اترسخت ببالي ..
قال لي ( انت ابني لهم مسجد .. و ربي يبني لك بيتك زي ما بنيتي بيت من بيوت ربنا )

زوجي مرات ينطق حكم من جددددد .. ^^
طلبت منه يساعدني و يسأل لي ..
*
بس المشكلة، كل ماعملت شي ..
احس بداخلي اني مازلت مقصرة مع امي و ابوي و انهم زعلانيين .. و ما راح يرضوا علي ..
ما اعرف ؟ يمكن وساوس ابليس عشان أتراجع عن فعل اي شي ؟

رجاءً لا تحاسبوني على كلامي .. لأني ما باراجع اللي اكتبه ..
بقلبي نار و أحاول اتناسى ..
عشان لو انفرطت، خلاص مافي شي يسكتني و لا راح ارتاح اصلا ..

البكا لو بيفيد ..
كان فادني بوقت موت ابوي و وقت مرض امي ..

هذاك اليوم بكيييييت و تورمت عيوني، طيب امي و ابوي ايش استفادوا وقتها مني ؟
بالعكسسس .. ولدي شافني ابكي و خاف ووراح يتخبى ورا الباب ؟
حزنت عليه .. اول مرة يعمل كذا ؟

اذا بكيت و مرضت .. مين راح يمسك الولدين ؟
لا اخواني و لا أخواتي ..

فخليني كذا افضل ..

اصلا اي وحدة فيهم كانت تبكي بصوووووت، كنت اقول لها ( بس خلاص يكفي .. لو تحبي ماما لا تخليها تتعذب )
و دحين يقولوا اني أنا ما احب امي و اني و اني و اني ؟؟؟

عالاقل يسكتوا ..
أنا ما ضريتهم بشي ..

امي وقت كانت عايشة بالدنيا، حاولوا يوقعوا بيني و بينها كم مرة ..
بس الحمدلله ماقدروا ..

زمان كانوا يقدروا يقلبوها علي، بس هي بالفترة الاخيرة صارت تخاصمهم
و تسكتهم و ما تخلي احد يتكلم عني من ورايا قدامها ..
*
هذا اللي قاهرهم ..

بس أبدا مو وقته يتكلموا بكلام زي كذا من تاني يوم العزا ..
فين الرحمة اختفت ؟

باحاول أصفي ذهني من كل شي
حتى أتفرغ لأمور اهم ..

و باقرى كل كلامكم و افكاركم و اسجلها

احسن الله عزاكم وعظم الله أجركم في مصابكم اختي روح الطير

والحق يقال

روح الطير واحده من اكثر بنات المنتدى طيبة وأخلاقـا وتربية

ولو انها اصبحت تكتب كثيرا هذه الايام مثل بنت الحكمي لكنها تمتاز بعفوية وتلقائيه قل نظيرها

امك توها متوفيه لها اسبوعين يعني من فترة بسيطة فمشاعرك طبيعيه

صدقيني كل احاسيسك هتكون مجرد ذكريات وراح تعيشين وتنبسطين وترسمين اهداف جديده بحياتك

انتي الان حزينة على فراق الوالده الله يرحمها
الله سبحانه وتعالى خلق الحزن والمصايب وخلق النسيان عشان يمحي تأثير المصايب علينا

ربك رحيم رحيم
امك لو كانت عايشه مارضت تكونين بهالحزن والسلبية
و صحيح ذهبت اسرتك الكبيرة للكن تملكين اسرة صغيرة حافظي عليها واستمتعي بوقتك معهم
تخيلي لو كانت امك متوفيه وانتي جالسة بعدها في البيت لاولد ولا زوج ولا انيس فقط الجدران والذكريات فاحمدي الله ان لك اسرة تنشغلين فيها وتنسين حزنك معها ؟( الله يحفظهم لك يارب ) ا

:*
حبيبتي
سبق وجاتني هدية عزيزة علي من أخت لي في الله
وهي عبارة عن أشتراك بأسمي في حفر بير بأفريقيا
ومن جهة موثوق فيها

لذلك خليكِ مع كلام الداعية
وأشتركي لأمك في حفر هذا البير

بالنسبة لبناء المسجد
بقول لك على فكرة ممتازة وطبقناها مرة بالعمل
تشتركي أنتِ وزميلاتك محبات الخير إلي نفسهم
يبنون بيوت لله يستفيد منها الناس
وكل وحدة تدفع سهم إذا عددكم كبير مرة كل وحدة تدفع مبلغ
4 الآف ريال وراح تبنون مساجد مو مسجد واحد

وتقدري تكلمي إلي متوفيين أهلهم (أمهم وأبوهم) وتتشاركوا
مع بعض في بناء مسجد واحد لأهاليكم

:*




:*

__________________

الله يصبر قلبك يارب بس افضل شي الصدقات الجارية زي مااتفضلو الاعضاء وفكرة سيدة الموقف حلوة في بناء المسجد

بااسمع نفس كلامك من صاحبتي امها اتوفت من اسبوع وشوية ومانى عاررفه كيف اصبرها غير اهدي عليها وبس

__________________
ياررب ارح قلبي وعوضني خير

قال الله {وَلَنَبْلُوَنَّكُمْ بِشَيْءٍ مِّنَ الْخَوفْ وَالْجُوعِ وَنَقْصٍ مِّنَ الأَمَوَالِ وَالأنفُسِ وَالثَّمَرَاتِ وَبَشِّرِ الصَّابِرِينَ{155} الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّـا إِلَيْهِ رَاجِعونَ{156} روح أسأل الله تعالى أن تكوني من الصابرين الذين بشرهم الله تعالى رغم حبك لأمك وتعلقك فيها الا أنك مابكيتي ولاجزعتي فلاتضيعي عليك الاجر وتسمحي للشيطان يدخل عليك بهذه التسؤلات هذا قضاء الله وقدره
الله جعل الموت حتماً على جميع العباد من الإنس والجان، وجميع المخلوقات ومصير كل حي فلا مفر لأحد ولا أمان, كل من عليها فان, مابيبقى غير وجه الله
هده دنيا مافي احد فيها مرتاح احنا نعمل للأخره مو لها
ن أبي سعيد الخدري وأبي هريرة ـ رضي الله عنهما ـ عن النبي صلى الله عليه وسلم أنه قال ما يصيب المؤمن من نصب ولا وصب ولا همٍ ولا حزن ولا أذىً ولا غم, حتى الشوكة يشاكها إلا كفر الله بها خطاياه)
تذكري ياروح ان اعظم الخلق مات رسولنا الكريم
أسأل الله أن يجعل والدتك في الفردوس الاعلى وأن يجمعنا في جنات النعيم
اللهم أمييييييين
وبالنسبه لخواتك الله يهديهم مصيرهم يحسو بغلطهم

__________________



هل تتعرضين للأبتزاز ؟؟ أدخلي هنا

مفضلة المتزوجين 2011-2014



مفضلة المقبلين على الزواج 2014

.

سبب الفتنة اللي صارت و النميمة، وحدة معروفة بيننا .. و امي كانت عارفتها و كانت دائماً الوحدة هذه يوم تتكلم عني قدام
امي و خاصة بالشهور الاخيرة .. امي تسكتها .. و معروف انه الفتنة اشد من القتل لانها تشحن القلوب و ممكن تسبب مذابح

المهم ..
يوم شفت اللي حصل و كل واحد مصدق كلامها، لانه النفوس حزينة لفقدان الوالدة ..
بعدت نفسي مو خوف، بس عشان لا ادخل بمشاكل تافهة و كل تفكيري وقتها كيف اقدر اسعد امي و ابوي بعد موتهم
و الرد على كلامهم مضيعة للوقت، بس يعلم الله قد ايش تعبت بسبب ( كتمي للحزن )
، بدل ما يعتبروا و يتعظوا من موتة امي ..؟؟؟ يشغلوا حالهم بيا ؟؟؟

اخر شي قلت لهم ..
أوكي، أنا بنت عاقة .. أنا مرضت ماما .. أنا موتت ماما .. أنا غبية، أنا كل شي ..
ارتحتوا دحين ؟ يالله دوروا لكم على سيرة غير سيرتي ..

من امس و بطني احسها منفوخة و توجعني، و نفسي مسدودة عن الاكل من وقت مرض امي و دخولها المستشفى
باروح بكرة ان شاء الله للدكتورة تكشف علي، شكله جاني قولون ؟

.
.

حتى البكا ما اقدر ابكي .. !!!

---------------------------------

بديع المعاني

حاولت التقرب و الوصال وقت حياة امي و ماقدرت .. فيه شخص معروف بيزرع النميمة و افضل طريقة هي الابتعاد ..
عندي طفلين و زوج بحاجة لاهتمامي بهم .. يكفي انشغالي عنهم الفترة السابقة ..

خليني بعيدة افضل، عالاقل أحافظ عالاحترام اللي بيننا .. و النار اذا مالقيت شي تاكله، تأكل نفسها ..
و أنا ما راح اقصر بالمناسبات بإذن الله و الواجب ..

---------------------

قلاسية

مانكسرت بإذن الله .. بس صعب يوم يجيك الجرح من القريب و العكس من الغريب ..
بموت امي، اكتشفت انه العدو صديق .. و الصديق هو العدو ..

فضلتهم عالكل، و هم فضلوا الكل علي .. و مو اول مرة انجرح منهم بس كنت اكذب نفسي ..
و امي كانت دائماً تقول لي ( خلاص انتي العاقلة )

---------------

بيتا

قلبي برد منهم خلاص ..
اول عشان خاطر امي كنت امشي و اكبر عقلي ..

بس توصل دحين الى انهم بوقت موت امي يتكلموا كمان عني و ما يرحموني ؟
و مو بس كذا ،،؟؟؟؟

راس الفتنة اللي زرعت الفتن، صارت تنشر بين القرايب كلام عني كذب في كذب ؟

أنا ما همتني هي، هدا اللي حارقها ..
و اقدر اعاملها بالمثل و هي تعرف الشي هذا .. بس اسأل نفسي ( و بعدين طيب ؟ )
فخليييييييها ..

قلتلها مرة .. صلي و صومي و اقري قران ، و حسناتك تجيني جاهزة ..
ابغاها تتوقف عن اذيتي و تتركني بحالي، بس مافيش فايدة ..

و خلي اللي يصدقوها تنفعهم ..
ماني خسرانة شي، أنا بس تأثرت لانه بفترة موت امي و ماتوقعت انه حتى بالوقت هذا ما يرحموني ؟
و المفروض انهم يخافوا من الموت ؟