موضوع جميل يطلع المستخبي

انا اخر العنقود وامي مدلعتني كثير الله يحفظها وابوي بالعكس قاسي علي جدااااااا الله يسامحه

اذكر اني كنت من طفولتي متفوقة جدا ودايما اطلع الاولى على المدرسة وحتى بالجامعة طلعت الاولى على دفعتي

لكن عمري مافرح لي احد من اهلي او هنوني ومرة جيت بكل براءة وفرحانة اقول لابوي انا رفعت راسك طلعت الاولى

قالي انت نزلتي راسي الله يسامحه بس مع انه كل اخواني واخواتي متعلمين وجامعيين ومن اسرة تحب العلم بس هو يكرهني مدري ليش ومن بعدها لما اشوف نتيجتي ماافرح ابد بالعكس تخنقني العبرة واشوف استاذاتي ومعلماتي طايرين فيا من الفرح خصوصا بالثانوية العامة لانه بمدرستي اول مرة تجيب بنت هالنسبة العالية
والحين الله يالزمن بنت اخوي البزرة نجحت بالتمهيدي والكل فرحان لها وسوولها حفلة وهدايا وايباد هههه ماشاء الله الله يسعدها ويحفظها

واذكر كان عندنا جيران لبنانيين وكنت دايما عندهم ببيتهم << ههههه داشرة البنت ولا نكون بالشارع والحوش نلعب وكنت اشوف امهم تنزل معاهم الحوش وتحضنهم وتتمشى واروح اقط وجهي معاهم والحرمة تستحي وتحضني << فاقدة حنان (( هالام ماتت قبل فترة بسيطة الله يرحمها يارب مع انهم رجعو لبنان بس لازلت على تواصل معاهم))

وبعدين راحت الام لشقتها وجلست العب مع بناتها ونزل ابويا الله يسامحه وضربني قدامهم يبغاني اطلع البيت يومها ماانسى كمية الغصة اللي بقلبي كيف هما امهم تحبهم وانا ابوي يضربني قدامهم ولو اتزوجت وجوني عيال مستحيل امد يدي ولو اضطريت للضرب مستحيل اضربهم قدام احد ابد لانه هالشئ يدمر النفسية

ومرة طردني ابوي من البيت بعد كمية ضرب وخلاني بالدرج ابكي وجات بنت جارتنا المذكورة اعلاه ودخلتني بيتهم وامهم الله يرحمها سوت لي الاكل اللي احبه وراضتني وجلست عندهم اليييين افتكرو اهلي ياخذوني

الحين اتعامل مع الوالد بجفاف ورسمية الله يسامحني وهو دايم يسالني ليه تعامليني بجفاف وقسوة بس شكلي مو قادرة انسى لانه حتى هو الى الان قاسي علي

امي الغاليه رغم انها قمه بالثقافه والتامل ..والحكمه ..

لكن حياتها ببيت الطين من غير اب من لما كان عمرها سنتين ..

والفقر الي عاشته ..رغم انها غنيه ..بسبب ظلم الرجال ..

ووووو ......

خلاها شوي جافه ..

اتذكر تعرضت لتحرش من قبل عامل باحد المحلات القريبه من بيتنا ..كنت برابع ابتدائي او ثالث ..وعلى مستوى من الجمال ..وجسمي لا بأس به ..

المهم اني طولت وانا على حضنه ..والي خلاني ماالقا الا هالعامل ..قصه تطوووووووووووووووول ..

دقيت على باب اهلي وقت طويل ..والظاهر ان امي وابوي برا البيت لان عمتي عندها محاضره ..قصه طويله ..

جلست على حضنه ..وانا واثقه لانه معروف من عايلتي ..بس لما جا اخوي بخامس ابتدائي ورماني السوداني من حضنه ..

وتغيرت نظراته ..وشفت اخوي كيف يناظره ..عرفت ان السالفه خطا ..

ومن يومها وانا اقول لامي عن السالفه وما تصدقني ..

ماصدقني الا قبل كم اسبوع ..ولعلمكم انه جايب عياله وزوجته الى بيت اهلي الجديد ..ومسوي صداقه عائليه ..

ومتكلم عني لزوجته بعد مالت عليه ..

المهم قررت اني اقول لامي السالفه عل وعسى تفكني من هالقهر الي ذابحني ..متحرش فيني ..ويجي بيت اهلي ويتسلى ..وياكل من خيرهم بعد ..

والحمد لله ان امي استوعبت ..وقالت اذا جا المره الجايه بتشرشحه لين يقول بس ..هي وعدتني .,.

الان اخاف على بنتي من الهوا الطاير ..

خاصه وانها ماخذه جسمي واغلب ملامحي ..

__________________

طفولتي كانت قااااسيه ابوي مشغول دايم وامي الله يهديها ويشفيها كانت ماهي مهيئه تكون ام وسبب جدتي عقدتها الله يسامحها والا الان سبحان الله امي مريضه نفسيا وماتحبنا ابدا ومتقلبه وابوي مااهتم فيها الله يشفيها يااارب عشت طفولتي في الشارع وتعرضت مرات كثيره لتحرش بس الحمدالله ربي حماني والحين انا انسانه شديدددده الخوف على بنتي ومستحيل اخليها مع احد لو خالها او عمها او اخوه وبشكل عام الحمدالله قدرت اتخطى عقدي بفضل الله ودايم اشتري كتب تربيه وحاول اتعامل مع اولادي بهدووؤ الله يحفظهم لي

أروووووووووووووع موقف بالنسبة لي
يوم تفوقت على منطقة بوظبي التعليمية وكرمني الشيخ جدام كل المناطق التعليمية ف الامارات
ويوم نادوني طبعا ما رحت بروحي خفت من الناس اللي يالسين
سحبت ايد ابوي غصب مسكين ما قال لي شي بالعكس باسني على ايدني ومشى معاي لين المنصه وكرموني ويوم سلموا على ابوي وانا بكل فخر اقول للشيخ ترى هذا ( باباتي )


الله يرحمه ...

__________________
جزيتم خيرا ع المنتدى الرائع واخوة رائعين، فترة جميلة جدا كانت معاكم، دعواتكم

لايااختي الفاضلة رغم مافعله معك والدك الا انه الان في سن يشعر فيه بالوهن وهو يعلم في قرارة نفسه سبب معاملتك الجافة له ولكنه يعجز عن الافصاح عما بداخله لانه في سن قد لايسمح له بسماع كلمة تجرح مشاعره فاذا احسنت معاملته صدقيني في لحظة صفاء منه قد يبوح بمافي داخله وقد يعتذر منك فمااقسى غصة الندم على اقتراف الذنب عندما لانستطيع ان نكفر عنه وتذكري ان الرسول صلى الله عليه وسلم قد أكد الهلاك والخسران ثلاثا فلما سأله الصحابة من يارسول الله ؟ قال من ادرك ابويه عند الكبر احدهما او كليهما ولم يدخل الجنة :::::اعذريني اختي الفاضلة قد يكون كلامي ثقيلا على نفسك بعض الشيء ولكنني والله اعلم بالنيات مااردت سوى النصح لرد لفت انتباهي من بين كل الردود ::: نسال الله ان يرزق اباك برك ويرزقك منه دعوات صالحة تنفعك في دنياك واخرتك

__________________




بيان إداري نأمل منكم الاطلاع

جديد المنتدى

هل تعرضتِ للابتزاز
هنا من ينقذك


مفضلة المتزوجين 2011-2014


مفضلة المقبلين على الزواج 2012- 2014

نكتة مرة وحده عاد .. والله المخ مصفر عصرته و تذكرت موقف قريب صار و ضحكو علي فيه

بداية طلاقي .. كنت ابكي و زعلانة كثير عشان أولادي مو معي و كنت احس ان حياتي مالها داعي

ايامها كنت توي بادية ادرس بتحفيظ قرآن ومحاضرات و ندوات و أنشطة دينيه كثير

وحب الخير والتضحية كانت عندي فل .. الزبدة بيوم من الايام الهندي جاب جريدة عكاظ للبيت

عادتي ماني حريصة على قراءة الصحف , بس لقافة ذاك اليوم قريتها و لقيت بآخر صفحة

موضوع عن أم عبدالله تدور متبرع لها عشان كليتها مريضة و أطفالها أيتام , هنا تساقطت الدموع

معلنة حزنها على أم عبدالله و جلست أفكر بيني وبين نفسي :أم عبدالله تحب أطفالها و هم أيتام

لو ماتت بيضيعون من بعدها .. و أنا عايشة بدون أطفالي أعطيها كليتي وآخذ أجر أطفالها

وانا لو مت , محد بيزعل علي كثير . لاني كذا كذا ما عندي أطفالي

جلست أفكر كيف أقنع أهلي بالموضوع هذا .. قلت لأمي وانا ابكي يمه تشوفين هاذي اللي بالجريدة

قصتها كذا كذا وانا نويت اعطيها كليتي و بأعيش بكلية وحده ايش رأيك

أمي شافتني أصيح حافظت على هدوءها و قالت خلاص إذا جاء أبوكي شاوريه > ما فحالها تاخذ وتعطي معي

كلمت اختي بالتلفون قلت لها السالفة , ضحكت و قالت كثرت مشاريعك الخيرية على حساب نفسك

شفت ما عندها سالفة وماخذة الموضوع تريقة , قلت خليني اكلم ابوي بنفسي

جاء ابوي من العمل بعد الغدا جلس على الكمبيوتر في غرفته .. دخلت بكل براءة

يبه بكلمك في موضوع إنساني : خير يا بنتي .. قلت خذ الجريده شوف قصة أم عبدالله

قراها قال الله يشفيها ..قلت يبه انا نويت اتبرع لها

رده فعله سريعة و غير عادية > تفل بوجهي و طردني من الغرفة

رحت غرفتي أصيييح .. حسيته ما عطاني مجال اشرح له بس بعدين بلعتها

هذا الموقف له ثلاث سنوات ..> ايش اللي ففكرني فيه

قبل فترة كنا مجتمعين مع الاقارب و كانو يعلقون على اللي يتبرعون بأجزاء جسمهم

وكانو يتناولو الموضوع بسخرية كبيرة و اخواتي يناظروني بضحك > إنو هاه نقول سالفتك

و انا أأشر بعيوني اصه اصه

ولما رجعنا للبيت .. أنواع التعليقات .. اللي جيعانه تبي رجلي تشويها واللي تبي كبدتي تقلقلها

واللي بتفصفص عظامي .. و هكذا > مزحهم أهبل


الحين أجزم بعد قرائتهم لما كتبته هنا بينشرون سالفتي > ما عندهم صنعه غيري

__________________

‏
الوعي هو الملاذ ..

أستغفر الله العظيم ؛
( الفردوس غايتي )

اخ مارد جزاك الله خيرا شكرا لنصحك يعلم الله اني كنت احاول اتقرب منه واكثر من مرة جبت له هدية ورماها بوجهي
بس علاقتي فيه رسمية وكلامنا محدود لانه لما نتكلم ونفتح مواضيع على طول يجرحني بكلامه وانا ادعيله دايما بس هو طبعه عصبي ودمه حار وانا حساسة مااستحمل كلماته الجارحة لذلك الرسمية افضل له ولي واحيانا ماالومه لانه تربيته كانت قاسية جدااا وهو يتبع هالاسلوب معاي , واكيد له مكانته وبره واجب وله ايجابياته اللي ماانساها ابدا ولا انسى فضله علي

وشكرا مرة اخرى لك اخ مارد والشكر موصول لصاحب الموضوع

العفو اختي الفاضلة ::::نسال الله ان يحسن عاقبتنافي الامور كلها

__________________




بيان إداري نأمل منكم الاطلاع

جديد المنتدى

هل تعرضتِ للابتزاز
هنا من ينقذك


مفضلة المتزوجين 2011-2014


مفضلة المقبلين على الزواج 2012- 2014

بس تعليق بسيط لفقره وحده ذكرتيني فيها مسالة كنت اول دفعتي

لي صاحب عزيز علي تخرج الاول على دفعته هندسه وعينوه معيد
المشكله الناس عندنا زمان ما يدرون وش معيد
سته شهووور استقال ورح شركه

سالته ياخي والله معيد كشخه ورى خليتها

قال والله كشخه عند المصاريه اما عندنا .....ماعندك احد
يقول مره قابلت مدرس درسني سوداني فقال لي وش سويت قلت له وانا رافع خشمي انا معيد بالكليه
فطبطب السوداني على ظهري وقال بالسوداني ....زملاتك تخرجووو من زمان ....شد حيللك والحق فيهم

ويقول مره في نقطة تفتيش سالني العسكري .....وين تشتغل ...قلت له معيد في الجامعه
قال والله شكللك شاطر ...لكن شد حيل ولا اترك هالجامعه

ويقول رحت الاماره وقدمت على طلب زواج من مقيمه ..... ...وكتبت الوظيف معيد بالجامعه
رفظوااااااااااا
ولما سالت عن السبب
قالولو ...لازم تكون موضف

ههههههههههههههههههه
قطع قلبي عالصاحب

__________________
من الذكى انك تسوي نفسك احيانا غبي .....!!!
ومن الغبى انك تذيكى على اناس اذكيا .......!!!!

الحين عشان قالت سالفة انها الاولى على الدفعه ..هاجت الذكريات ..

واحنا من الصبح نكتب بمواضيعك ..ماتنزلت تعلق بكلمة شكرا ..

__________________