موضوع جميل يطلع المستخبي

انا اخر العنقود وامي مدلعتني كثير الله يحفظها وابوي بالعكس قاسي علي جدااااااا الله يسامحه

اذكر اني كنت من طفولتي متفوقة جدا ودايما اطلع الاولى على المدرسة وحتى بالجامعة طلعت الاولى على دفعتي

لكن عمري مافرح لي احد من اهلي او هنوني ومرة جيت بكل براءة وفرحانة اقول لابوي انا رفعت راسك طلعت الاولى

قالي انت نزلتي راسي الله يسامحه بس مع انه كل اخواني واخواتي متعلمين وجامعيين ومن اسرة تحب العلم بس هو يكرهني مدري ليش ومن بعدها لما اشوف نتيجتي ماافرح ابد بالعكس تخنقني العبرة واشوف استاذاتي ومعلماتي طايرين فيا من الفرح خصوصا بالثانوية العامة لانه بمدرستي اول مرة تجيب بنت هالنسبة العالية
والحين الله يالزمن بنت اخوي البزرة نجحت بالتمهيدي والكل فرحان لها وسوولها حفلة وهدايا وايباد هههه ماشاء الله الله يسعدها ويحفظها

واذكر كان عندنا جيران لبنانيين وكنت دايما عندهم ببيتهم << ههههه داشرة البنت ولا نكون بالشارع والحوش نلعب وكنت اشوف امهم تنزل معاهم الحوش وتحضنهم وتتمشى واروح اقط وجهي معاهم والحرمة تستحي وتحضني << فاقدة حنان (( هالام ماتت قبل فترة بسيطة الله يرحمها يارب مع انهم رجعو لبنان بس لازلت على تواصل معاهم))

وبعدين راحت الام لشقتها وجلست العب مع بناتها ونزل ابويا الله يسامحه وضربني قدامهم يبغاني اطلع البيت يومها ماانسى كمية الغصة اللي بقلبي كيف هما امهم تحبهم وانا ابوي يضربني قدامهم ولو اتزوجت وجوني عيال مستحيل امد يدي ولو اضطريت للضرب مستحيل اضربهم قدام احد ابد لانه هالشئ يدمر النفسية

ومرة طردني ابوي من البيت بعد كمية ضرب وخلاني بالدرج ابكي وجات بنت جارتنا المذكورة اعلاه ودخلتني بيتهم وامهم الله يرحمها سوت لي الاكل اللي احبه وراضتني وجلست عندهم اليييين افتكرو اهلي ياخذوني

الحين اتعامل مع الوالد بجفاف ورسمية الله يسامحني وهو دايم يسالني ليه تعامليني بجفاف وقسوة بس شكلي مو قادرة انسى لانه حتى هو الى الان قاسي علي