مبتعثه انا مشاعري ملخبطه بعد الولاده..
ولانها تجربه جديده بالنسبه لي..
وانتي صادقه زوجي يهمه كثيييير جو الاسره..
تهمه جمعتنا عالاكل..
وسواليفي معه وقت قهوه المغرب..
وسهرتنا بالليل على التلفزيون..
واذا رحت لاهلي يفقد حميمه البيت وجو البيت..
وما ابغى اعوده كثير على غيابي..
وهو اكثر من مره طلب مني ما اطول بالنفاس..
لاني بولادتي الاولى اخذت حوالي شهرين..
وسبب هالشي فجوه كبيره بينا لمده سنه..
الحين افكر كيف ارجع لصحتي وقوامي..
وعامله جدول طويل عريض لبرنامج النفاس..
بعدين اتذكر كلام زوجي وطلبه ما ابعد كثير..
واخاف اندم بعدين اذا فضلت راحتي والعنايه بنفسي..
وخايفه برضو اذا رجعت بنص تعبي ونص نفاسي يأثر هالشي سلبيا عاللي بينا..
يكفي الرجال له 9 شهور متحمل اوجاعي وتقلبات الحمل وتغيرات الجسم.. ما ابغى ارجع وانا حالتي حاله..

ماقلنا ارجعي
من حقك ترتاحي
وهذا شي خاص فيك
لكن غلط تعطي كلام ام زوجك اكبر من حجمه وتعيدي وتزيدي فيه
وانك توحي لزوجك بالتغيرات الي ممكن تصير
وانك تصيري سلبيه
وتظني طلبه عودتك امه قالبه مخه
وتوسوسي
ركزي بصحتك
واذا زوجك طلب ترجعين فيه اكثر من حجه تقدري تقدميها له
الله يبارك لك في ماعطاك

عادي حبيبتي طلبه كل الرجال كذا مايمدي يمر عشرين يوم الا يترجاها ترجع

انا رفض اتنفس عند امي وقال لامي تجي عندي وجاب لي شغاله واخذ اجازه وساعدني بالاهتمام بالبيبي

كنافه مو كل كلمة تعمل في راسك معمل تحاليل بتتعبين وبتهرمين بسرعه
عطي الدنيا الي ماتستاهل فيها طاااف وعيشي انبسطي ووان سمعتي كلمة مزعجه احسني النيه وافهميها بطريقه ايجابيه

مبروك ماجاكم
والله يعين امهات الازواج عليكن 😒

الحمد لله على سلامتك..

وجعل الله مارزقكم مبارك عليكم وعلى أمة محمد..


اكبر غلط ترتكبه المرأه في حق نفسها انها تسمح بدخول زوجها معها غرفة الولاده

والخطأ الاكبر منه انه يشوف عملية الولاده نفسها

لأن الرجال مو مثل بعض في تقبلهم لهذا الشي

وممكن الزوج يكون متحمس في الأول وبس يشوف ينصدم ويعاف

اعرف من هجر زوجته وزهد فيها بعد رؤيته خروج المولود

و كونك ولدتي طبيعي وماودك تندمين مو معناها اننا نذم بالولاده القيصريه

القيصريه نعمه من رب العالمين ولاّ النساء كانت تموت بقدر الله قبل اكتشافها

ومثل مالها مضاعفات لها مزايا

حتى الولاده الطبيعيه لها مضاعفات كثيره ما احب اذكرها

الخلاصه .. لاتسمحين لزوجك يدخل معك وقت الولاده

ولاتكلمينه عنها وتحكين له ايش سويتي وقتها

واحمدي الله واشكريه على انه قومك بالسلامه

ولاتكثرين له التبرير

زينك الله في عيني زوجك

الحمد لله على سلامتج كنافة وسلامة البيبي ..
الحمد لله مااافي أحسن من الطبيعي هاذي نعمة عظيمة من الله ..


أم زوجج تكلمت قدامه وفتحت عينه ..
وإنتي كملتيها عليه ..
خلاص لا تجيبين الطاري نهاااائيا ..
جابوا 5 و 6 و10 عيال وأزواجهم يحبونهم ويموتون فيهم ويشتهونهم كل ليلة ..

سؤال ..
ام زوجك ولاداتها طبيعي ولا قيصري ؟؟

الحمدلله على سلامتك ومبروك ماجاك

الحمدلله على السلامة..
سكري على موضوع القرف تماما
ترا حنا اللي نجيبها..
حتى الايحاء بالعكس ممكن يحسك مو واثقة من نفسك..
كل هالسوالف لاااعاد تنفتح
اصلا بعد النفاس بتعرفين ان كل هالسوالف مالها داعي..

وبالنسبة لطلبه
اذا فيه غرفة ببيت اهلك تصلح لكم بحيث يسهر معكم وينام احيانا عندكم افضل من بيتك..
انا جربت ال2 البيت تتعافين بشكل ابطأ مهما كان لابد تتولين بعض الامور بنفسك..
ربي يتمم عليك الصحة والعافية

اسمعيني كنافة انتي تعتبري بكرية فبعد الاربعين اذا مهتمة بنفسك ماراح يبين عليكي.يعني ابتعدي عن شرب البارد تماما لانه يخرب والغازيات والحوامض والبطيخ والاشياء هذي .كثري فلفل اسود باكلك مع الشوربة ..انا استخدم الخلطة هي اثناء العذر الشهري تنظف وتخليك بنت ( فلفل اسود. وفلفل ابيض وزنحبيل بودرة وماش مطحون )كلهم مطحونين وكلهم تاخذي منهم فنجان وتحطيه بعلبةلك خذي ملعقة صغيرة مرة مع حليب دافي ولازم تتحملي الطعم..بس النتائج رهيبة..بعد خلي دكتورتك تكتبلك تحاميل تنظفك ..تستخدميها اخر الايام..ومالك الاتطلعي عروسة👸..بصراحة استفربت كلام ام زوجك لانه انتي ماراح تفرق معك الولادة كونها اول ولادة لك..ماراح تتأثري كثير