ابشركم ولدت ولله الحمد من 4 ايام
وانا بصحة وسلامه وكانت ولادتي طبيعيه
علما بأني ولدت بقيصيريه ببنتي في حملي الاول
نصحني زوجي اكرر القيصرية بهذا الحمل ورفضت
حجته انه خايف علي من ألم الولاده الطبيعيه
ولاني تعبت في ولادتي الاولى ثم حولوني للعمليه
لكن الحمدلله كانت ولادتي طبيعيه
وطول وقت الولاده كان زوجي معي
رفض يخرج الا باللحظات الحرجه
لكن كان يتابع صراخي وألمي من وراء ستار
وياخذ بعض النظرات بين وقت والثاني
ويدعي لي وينصحني بالدعاء الحمدلله


زارتني حماتي ام زوجي قبل يومين
كنت جالسه معها انا وزوجي
وهي تسأل عن الخياطه والجرح وامور نسائيه منفره
قلت لها باختصار: الحمدلله على كل حال
قالت لي قصه قريب لهم يرفض ولاده زوجته طبيعي
ويلزمها بعمل قيصرية مع كل مولود
لانه خايف عليها من التوسع وهذي الامور
طبعا كل هذا الكلام وزوجي جالس تخيلوا!!
قلت لها هذا زوج جاهل واناني بنفس الوقت!
وهي لم تعلق

ورجعت تكرر: الله يعينك على ألم الخياطه
والشق والجرح.. وكأنها امور خارج المألوف!!
كل هذا وزوجي جالس!!


قبل شوي كلمني زوجي
وانا اثرثر معه عالجوال
وكان يتريق ويضحك من صريخي وقت الولاده
وانا اضحك قلت له
اهم شي لاتطلع لي بموال النفور بعد اللي شفته
هنا تغير صوته!!
قال لا تدخلي برأسي اشياء سيئه ياذكية!!
قلت امزح معك.. انت سبق قلت في رجال نفروا بعد متابعة الولاده.. خلاص انسى الموضوع
وهو رجع يقول لا تثبتي هالشي برأسي خلاص
وكان منفعل بشكل غريب
وانا حاولت اغير الموضوع.. لكن مزاجه لم يتعدل
قلت له تصبح على خير وقفلت


يمكن موضوعي سخيف بنظركم
لكن محتاجه اسمع رأيكم