شيء ممتاز انه يداري مشاعرك ،، هذا دليل انه مايبي يزعلك
الشيء الثاني مانصحك تجيبي سيرتها ابدا.

رحت زرت امه حسيت برعشة لاني ماشفتها من قبل زواجه سالتني عن خواتي إذا حوامل وعلى غير عادة ماسألتني عن نفسي قلت لها انا حامل بمزح قالت لساتك صغيرة بتخلفين بعدين مع إنها دايما ماتحليني من يصير طفلي سنه ونص مادري ءيش الإحساس اللي جاني
كان موجود وماجلست حتى جنبه بعدها زرتها مرة ثانية مع الوالدة كانت تلمح بالكلام إنها مالها دخل رعم اننا مافتحنا طاري للموضوع وشوي تقول تتكلم على عياله وكانها تلمح ان السبب عياله وشوي تقولي لاتغثي نفسك ليش نحفتي
قلتلها احنا الحمدالله طبعا عرفت اني عند اهلي عشان المناسبة اللي عندنا ورحع زوجي قالي انتي صادقة امي تحسب انا وين لانه الظاهر راح كم يوم بيته الثاني اخذ ولد خالته جاي من سغر وراحوا بيته مادري على قد ماأنا مقتنعه إني لازم أقتنع واتعود بعده بس حسيت بحزن يعني لقى سبب عشان ينام ببيته تعذر للكل اني عندي مناسبة زواج ببيت أهلي وخو كان يقولي يومك مابفرط فيه وماراح أروح عندها بس الحين اختلف الوضع ساعات اقول في نفسي لايهمكولاتحزني خلاص خليها لها عادي انتي بتتعودي عالإنفصال العاطفي وساعات أحس بالقهر وساعات أقول هذا رزقها يمكن حظها حلو بالدنيا
مشاعري مظطربة بقوة هالأيام

أتمنى القى إجابة هل طريقتي صح انا أجلس اتخيله معاها بمواقف حلوة بقصد أني أقتنع وأرضخ وماأنصدم بعدين لاني حقيقة في أعماق قلبي مش مصدقة لحد الحين لما اتذكر وأفكر أسترجع اللحظات من البداية كيف جاء وكلمني كيف راح كيف قدر يفرح وأنا حزينة
......طلبت منه نت وقالي عن عرض الشرائح الثلاث قلت لا عطيني شريحه خاصه وبكيفك
ولما جلس يناقشني قلت ماعطيتني من زمان وكنت رافض فكرة الثلاث الشرائح اللي برقم ليش الحين إيش اللي تغير
في أشياء لازلت اصر عليها وهي ماتقدم ولا تأخر بس ماأبغى احس بتغير حياتي
قال لازم التزم الصمت معاك قلتله يكون افضل صدقني ماعاد ابغى أعرف عنك ماعاد ابغى اوجع قلبي اكثر

صار يهرب ويسكر الخط اول مايحس إني زعلت يقول مع السلامه افضل
احس انه مو مهتم وأزعل بس على طول اقنع نفسي لازم تفتنعي منه وقسوته هي السبيل الوحيد
اليوم اتصل يسال على عياله وماتفقد احوالي كعادته بدات اتذكر كل شيء بس كل ماأزعل اقول تعودي تعودي تعودي لحد ماتقتنعي بالإنفصال العاطفي
صحيح ماقدرت أقتنع بان الحياة مصالح بس ولازلت اتمنى حياة فيها حب وعطف وحنان واهتمام واحترام بس عارفه انها ماراح تتوفر معاه واني حاولت كثيير .....لذلك لازم اتعود عالحرمان

هذي حوارات نفسي الداخلية لعلها تستريح

الدنيا ابتلاء مامعك الا الصبر
الله يبرد على قلبك ويصلح حالك ويعينك

__________________
الحمد لله الذي جعل بعد العسر يسرا... و بعد الضيق فرجا... و بعد الغم راحة ...وبعد الفراق عودة
« الْحَمْدُ للّهِ حَمْداً كَثِيراً طَيِّباً مُبَارَكاً فِيهِ »

آمين والحمدالله على كل حال الله يفرغ علياصبرا ويجعلني من الشاكرين

من الخطأ انك تعتبريها مصالح بس..المطلوب. الاعتدال في العاطفة والغيرة ..لانه لديك نصف رجل الان..النصف الاخر لزوجته الاخرى فلا تتوقعي ان تكون الحياة كالسابق بل تغيرت وامور كثيرة ستتغير. ..بسبب تلك المشاركة..فخففي من التدقيق في الامور..دام السالفة بيجيك في النهاية نت .خليها تجي زي ماتجي ثلاث شرايح ولا غيره مو مهم..هو يحاول يوزن الامور ماديا وهذا حقه ..انت حقك يلبي لك طلبك بغض النظر عن الطريقة..لاتقارني الامور بزمان اول مارضي والحين رضي..كذا راح تتعبي

للأمل حكايه...

أنتي لاشك تمري بمرحله صعبه في حياتك وبصراحه لو أنحطيت في مكانك لاقدر الله أهم ماعلي نفسي رح أقطعه نهائياً حتى من الرسائل مو زعل لا عشان تهدأ نفسي أقل شي أجلس سنه عند اهلي
وبرضه هو عريس مهما كان مااقدر أقول تغير علي وهو عايش مع وحده جديده لازم يطلع منه بعض التصرفات الي تضايقني لذلك جلوسي بعيد عنه بدون تواصل رح يريحني بعد ماارتاح وارجع له يكون هو لهفته لي اقوى ويكون اخذ كفايته مع العروسه وبعدها اشوف اذا أقدر اتعايش مع الوضع الجديد ولالا ...


ماادري أفضل انك تقوي نفسك وتبتعدي عن مكالمته تماماً ..وضحي له انك تعبانه نفسياً

لا تلتفتي للي يقلك تتركيه للعروس حتى هو لو استفزك بذا الكلام الواقع يعكس كلامهم لذلك راحتك فوق كل شي ...

واشغلي نفسك مع اهلك وحاولي ماتمسكي مخدتك الا وانتي مرهقه شوي شوي رح تهدأ نفسك بإذن الله واكثري من الدعاء والاستغفار

كان ودي فعلا امتنع عن مكالمته بس عيالي متعلقين فيه كثيير من اول مايفتحوا عيونهم اتصلي على بابا واذا مااتصلت يبكوا بصوت عالي وينرفزوا أهل البيت صراخ وبكاء ويتحول لسب وشتم ولذلك اتجنب هالشيء واحاول افهمهم واتواصل معاه عشانهم يعني مستحيل اتصل او ارسل إلا لضرورة فقط وهو كان يواصلني هاليومين صار ينام ببيته الثاني متعذر بزواج اختي واني عند اهلي فأحسه انشغل عني
ذكرت سابقا زعلت في البداية وبعدها قلت خلي المعدن الحقيقي يظهر لا اظل انا والناس اللي حولي مخدوعين إنه العاشق الولهان

اليوم اتصل وطلب مني طبخه هي ماأتوقع تعرفها كنت أراود نفسي اقوله لأ واطلب منها انا لاعاد تطلب مني على اتفاقنا السابق بس كنت نايمة ولا كنت بجيب العيد

السبب مو حبا فيني وفي اكلي بس عمتي تلومه وظاغطه عليه من جهه ويبغى يثبت للكل انه انا وياه كويسين واطبخ له بس ماني مشغولة بالزواج
هالكلام استشفيته من حواراتنا .....أنا ماشية معاه بالخط ومو جالسه اعانده او اخبر أهله لاني كلي ثقة إن كيدي وحيلتي ومكري إن مكرت ماراح يكون شيء امام عدل الله وحسن تدبيره

ي عمري انتي مهما تكلمنا انتي مصره على قناعاتك وادخال زوجته في كل صغيره وكبيره
ي عمري زوجك هو اللي راح جري وراها مو هي اللي تزوجته غصب لو عندك غضب وضيقه حطيها بزوجك وابتعدي تماما عن التفكير بزوجته لراحتك ،
انتي عشانك فاضيه جالسه تحوسين في دوامة زوجك ، انسيه شوفي نفسك
ليش الوظيفه مستحيله حتى لو هو رافض اجبريه مو بكيفه يشوف حياته وانتي عالقه بينهم بالنص ،
ايش قال طارق الحبيب قال انتي بعدين وظيفتك بعدين عيالك بعدين زوجك
هو رجال واعرف بالرجال ، الزوج ماهو لك
لكن نفسك لك ي بنت الحلال خفي على نفسك شوي ، خذيه وسعي صدرك عليه خبيك من كلام انت لها وانت لي رح لها خل تطبخ رح تسوي لك رح تحط لك
ترى ماراح ياكلها الا انتي ،،
ان جاك اهلا وسهلا وان راح بحفظ الله
اعكسي الادوار حطي ببالك انك انتي الثانيه وزوجك جايك ملهوف ويبي كلام حلو ودلع راح تقولي رح لزوجتك الاولى تشبعك ؟!
شيلي من بالك ان عنده غيرك
مرا مو متقبلته خذي اجازه منه كم شهر
روقي واشتغلي على نفسك جسديا ونفسيا واذا كان عندك طاقه للعوده ارجعي ماعندك لا يكلف الله نفسا الا وسعها
شوفي حالك انتي استخدمي هالادمي لسعادتك لا تعيشين بحرب نفسيه وعشانه تزوج اذا فعلا لك رغبه فيه

__________________
أستغفر الله العظيم واتوب اليه

معليش يانوني زوجي راح وركض وهو صاحب المسؤولية الاولى مافيه شك بهالكلام

بس إيش وضعها هي وأهلها رجال تمازحوا مع بعض قبل ثلاث سنوات وقالهم مرتاح مع زوجتي وطلبوا يتعرفوا علي ورحت وتقابلت مع اختها وسالتني عن زوجي كنت اتوقع إنها احاديث نساء فقلت الحمدالله ماعجبها الىد صارت تفصل زوجي كريم وزوجي يعمل كذا وزوجي كذا ...قلت الحمدالله حتى زوجب كريم ويحب عياله وإنسان عملي يحب يسعى ورى رزقه
ثنت الكلام لو تزوج زوجك إيش ردة فعلك ...؟

وسألتها ايش ردة فعلك انتي قالت ماراح يتزوج علي قلت لها لاتوثقي مرة مهما حب الرجل ممكن يصدمك قالت بعيش لعيالي وماأخليه يشوفني ومن ظمن كلامها لا تشيلي عياله خليهم عند جدتهم أحسن


بالمقابل كل خميس حتى لو مو رايح يتصلون عليه وبعد ثلاث سنوات يعيد زوج اختها السؤال لساتك مصر ماتبغى تتزوج طبعا ساعتها رد عليه وقال إذا تزوجت بشرط عليها عيالي
قال اخوها تم وعندي ثلاث خوات جاتك وحده منهم قاله زوجي نتفق شرطي عيالي وقبلت
هالحوار مو لتبرئة زوجي لأنه لو كان مايبغى يتزوج كان بيرد نفس رده الاول ام عبالي مرتاح معاها وماأبدلها هالحوار
عشان موقعها هي واهلها من السالفه انا هذا سبب حقدي عليهم وأظن والله العالم في نفس زوجي حبها وارتاح لها وشافها المسكينة اللي اهلها ماخيروها رغم انها دخلت نظرة شرعية وبرضاها ومن اول مادخلت حياتها جالسه تحارب تحصل عليه يعني بإختصار لامسكينة ولا شيء

من بعد ماتزوجها زوجي تناقشنا مرة ومدح اهلي وقال ناس شريفين في ناس يبيعون بناتهم بيع كلمته يومها وقلت محد يبيع بنته بهالزمن بالذات قال في شفت فلان زوجوها لفلان وهم مو اصول بس خدعوه عشان يزوجون بنتهم
المعنى إني لهالسبب كارهتها ومو حابه حتى هو اعيشه سعيد ولذلك انا مخليته لها وفي قلبي ظن يقول ان الله بيذيقه مااقترف من الظلم
اي نعم والله كنت انام احيانا وانا مشتاقه له واقوله من حقي تكون معايا وجنبي وهو يتجاهل ويروح لهم

فعلا لازم انساها من كلامي معاه عشان انسى وجودها

ولذلك يلزمني التسليم بالقضاء والقدر وأتمنى فعلا اوصل لذلك
أما التغييرات فأنا عارفه بوجودها بحياتي وانها راح تزيد مع الأيام لذلك لازم فعلا مايصير بيني وبينه علاقه إلا وانا فعلا راضيه داخليا لان قلبي فعلا فعلا ماعاد متحمل صدمات ثانية