|
|
16-09-2016, 02:53 PM
|
المشاركة الأصلية كتبت بواسطة سديم الذكريات14
الله يفرج همك ويعوضك بالزوجه الصالحه
اما طليقتك تقدر تنقل بكل سهوله المطلقه تنقل بسرعه بسبب ضروف خاصه وتنقل بجنب بيتها بس هي ماتبغى |
16-09-2016, 08:32 AM
16-09-2016, 03:03 PM
|
المشاركة الأصلية كتبت بواسطة روح الطير
بالضبط ، المطلقة طلاق بائن ..
بسرعة تنقل و بدون انتظار .. قريبتي مطلقة عن زوجها و أخوانها اجبروه يطلقها بالثلاثة عشان تنقل لمددينة أهلها .. و جاها النقل مباشرة .. هي واضح ما تبغى تنقل .. و لها الحرية في قرارها .. و لو هي تبغى ترجع للطريق السابق لا سمح الله ، بترمي الأولاد عندك و بتخلي عدم نقلها ( حجة لها عند أخوانها ) .. يعني الأولاد مو هما السبب اللي خلى أخوانها يسمحوا لها بالمكوث بمدينة أخرى .. . . انت حالياً .. تجاهل ماضيها .. و تعامل مع الحاضر .. و انظر لإيجابيات ( عدم نقلها ) بالشكل التالي : 1. أولادك قريبين منك .. و قريبين من أمهم .. كل خميس و جمعة .. خذهم عندك ( يومين ) و خرجهم و وديهم عند أهلك يتقربوا من أولاد أعمامهم و عماتهم .. 2. وسط الأسبوع ، أولادك بتهتم فيهم أمهم و ترعاهم و تذاكر لهم .. و إنت ما تحتاج وقتها لأحد عشان يهتم في أولادك و يذاكر لهم و يرعاهم .. و مرة وحدة هما قدام عيونك ، و إنت تقدر تراجع المدرسة و تتطمن على وضعهم ,, على عكس لو كانوا في مدرسة بمدينة بعيدة عنك .. 3. تقدر تتزوج و تعيش مع زوجتك ، و أولادك عند أمهم .. و لو أمهم رمتهم مثلا عناد فيك ( فـ عز الطلب ) .. و اشترط على زوجتك المستقبلية إنك احتمال كبير تجيب أولادك عندك .. 4. لا تكلم أخوها الكبير و لا تقابله .. لو انها أرسلت لك رسائل غرامية من جديد .. وقتها نفذ تهديدك .. لكن الآن ( لا ) .. 5. ريلااااااااااااااااااكس أخوي الوحيد .. |
16-09-2016, 09:44 AM
|
المشاركة الأصلية كتبت بواسطة الـــوحيد
السلام عليكم ورحمة الله وبركاته
لاحول ولاقوة الابالله مدري هالمشاكل متى راح افتك منها طلاق وطلقت وعيال وارسلت كل ماقلت خلاص راح ارتاح يجد شي جديد وشكلهم ماعندهم شغله الا يخططون واخوانها مدري وش عجينتهم !! قبل البارح اتصل علي الولد وقالي امي ماجاها نقل وراح نجي حنا وامي ونسكن بشقه!!!! ومعنى فلان اللي هو ولد اختها وهو شاب عمره 20سنه المهم اتصلت على اخوها قلت ابي اعرف وش السالفه وخصوصا ان الدراسه باقي لها يومين كلمته وقالي لا تصدق هذا كلام فاضي قلت اوك المهم البارح اتصل علي الولد مره ثانيه وقالي خلاص نبي نجي وخوالي حجزوا لنا بالنقل الجماعي !!! وامي اتصلت على سواق تعرفه من اول وقالت له شوف لنا شقه مفروشه واستقبلنا انت من النقل الجماعي وقال طيب السواق على اساس انهم يوصلون بكره ان شاءالله المهم اتصلت مره ثانيه على اخوها وقال ايه صحيح لانها لازم تباشر وتجلس ترم وبعدين ينقلونها وقال وبعدين ابي اكلمك يابو فلان يقصدني بخصوص المصروف قلت ايوه وش فيه قال المصروف مايكفي ونبي مصروف لهم اقل شي 2000ريال انا ساكت وخليته يتكلم وانا اغلي من الداخل المهم يوم خلص قلت اسمع يافلان انا اول شي متصل عليك بخصوص ان اختك مرسلينها بشقه مع بزر انتم وش جنسكم انا اكلمك عن اختك وعن هالبزران اللي بهذلتوهم معكم كل يوم مجرجرينهم لديره وانت تقولي المصروف مايكفي وقلت له انا عرفت منين هالبرود وشدينا بالكلام وقال اذا انت ماخذتك الحميه سكنها ببيتك وانت اطلع استأجر !! قلت هذا الباقي تطردوني من بيتي بعد صحيح انكم الحيا صفر عندكم وقفلت الخط بوجهه واتصل مره ثانيه وقفلت بوجهه وبعدها بساعه اتصلت على اخوهم الكبير اللي مايدري عن شي وكنت ناوي اقوله كل شي بس مارد علي لانه حسب ماسمعت انه واصله اني مطلق لاني اشك فيها وزعلان واتصلت مره ثانيه ولارد وارسلت له اتصل فيني ضروري ولا اتصل فكرت اني اسافر له واقابله الاسبوع الجاي واقوله كل شي وبالاثباتات لان الدعوه احسها مصخت واشوف انها ماهي عامله للثور اخوها هذا اي اعتبار انا مدري وش هالاخوان بصراحه ماكنت ادري انهم بهالشكل يعني حتى اللي مايدرون عن السالفه مافكروا يجيبونها هم وياخذون لها شقه مع ولد اختهم ويامنون اختهم او يراجعون ادارة التعليم علما انهم غثوني بسرعه طلع الصك عشان نقدم لها نقل ولاقدموا نقل ولا شي يقولون باب النقل مقفل طيب روحوا لادارة التعليم نفسها مو المدرسه مدري وش اقول الا الله يفكني منهم على خير |
.
16-09-2016, 03:29 PM
|
المشاركة الأصلية كتبت بواسطة ولد الشايب1
وعليكم السلام ورحمة الله وبركاته . هالمرة أنت المخطي يا وحيد .وربما فيه شيء خفي هو سبب انفعالك الله أعلم فيه .. فأنت من البداية بمجرد أن أخبرك الولد أنهم سيأتون اتصلت على اخوها تتأكد ونفى لك الموضوع وارتحت ، ثم أكده فتضايقت ..( شيء في نفس يعقوب ) يا وحيد روحتها وجيتها مالك شغل فيها ، تنقل ما تنقل ..تستأجر ما تستأجر ترجع لسرابيتها ما ترجع خلاص ، أنت طهرت ساحتك منها ولا يلحقك منها أي شيء وخوفك من السمعة على أولادك خوف وهمي فكما قال أحد الإخوة .. أولادك ما يلحقهم شيء .. فريح ملايكتك يا شيخ . اخوها الكبير تبي تعلمه علمه والأفضل تعلمه وعلمهم كلهم حتى أمها بس بظروف غير ظرف هذه الحادثة لأن هذي ضدك ماهي من صالحك أبدا ، وش موقفك لو قال لك اخوها وأنت وش دخلك فيها الآن ؟ وش ردك . شرعا وعرفا مالك فيها علاقة . من البداية كان أخبرتهم بكل شيء ، حتى تحمي نفسك من حماقات الناس . عموما هذه الحادثة ليس لك فيها أي شأن من كل الطرق إلا من طريق واحد وهو المهم الوحيد في موضوعك ويخصك فعلا وهو المصروف وهذا خاضع لظروفك المادية والحاجة الفعلية وليس لأهواء أمها واخوانها . الذي أعرفه أن المصروف تقديري تحكم به المحكمة تبعا لدخل الأب ، فالشيخ الحاكم ينظر لدخلك ثم يخصم منه الديون إن وجدت ثم حاجاتك وحاجة أسرتك ، ويحكم للأولاد بشيء يقدر أنه كافي والذي أسمع به من الناس أن 500 ريال وأقل منها شوي هي ما يحكم به الشيخ في حالات غالب الناس . لكن 1000 للواحد ما قد سمعت . إلا في حالات خاصة لا تنطبق هنا . تخيلوا لو مطلق عنده 6 أولاد هل من المنطق إعطاؤهم 6000 ريال وراتب أبوهم 7 أو 8 . مايصير . |
16-09-2016, 10:45 AM
16-09-2016, 03:32 PM
|
المشاركة الأصلية كتبت بواسطة ( نسيمـ الجنوبـ )
عليكم السلام ورحمة الله وبركاته
أذكر الله يا وحيد وأتعوذ من الشيطان.. ولا يهمك يا عزيزي تصرفاتها... نرجوا من الله تعالى أنها تابت ولن تعود لهذا الطريق.. أنا علمتك في موضوعك السابق أن أخوانها موقفهم سلبي من البداية... كان المفروض يجلسون معاك ويفهمون الموضوع بالضبط.. مو يسمع كلام من بعيد وخلاص... عموماً... المهم أولادك... أذا تقدر خذهم معاك وريح رأسك وأنا أخوك.. وبكذا تقطع تواصلك معها ومع أهلها... نهاية الأسبوع يروحون لها... أنا أعرف هذي الحركات.. لو تعطيهم كل اللي عندك بيقولوا ما يكفي ولا يصرف عليهم... أدري وضعك صعب ومرتبط بعمل، لكن ما فيه حل إلا كذا.. أما هي مرة لا عاد تفكر فيها ولا في تصرفاتها... لا تتعب حالك بالتفكير، أيش سوت ووين راحت.. خلاص أنت رجعتها لاهلها وهما مسؤولين عنها.. وعيالك بحول الكريم يكبرون ويصيرون من خيرة الرجال.. نقطة أخيرة.. خلاص قفل على الموضوع نهائي ولا تعلم أحد تكفى وأنا أخوك، كرمال عيون أولادك.. مهما صار من تصرف منها أو من أهلها.. أذكر عيالك، أكثر ناس راح يتضررون.. أنت رجل شهم ووقفت معاها وقفّات رجال.. وسترت عليها، لا تهدم هذي المواقف.. بتصرف متسرع بوقت زعل، عشان ضمريك يبقى مرتاح... الله يعوضك ويعوضنا بكل جميل يا رب.. تقبل كلماتي.. |
16-09-2016, 11:28 AM
16-09-2016, 03:34 PM
|
المشاركة الأصلية كتبت بواسطة ريماس 3
اذا يهمك سمعة عيالك لا تخبر اخوها الكبير
وش يدريك يوم من الايام ينفلت لسانه لزوجته او عياله لاقدر الله او تحصل خلاف بينه وبين اخته فيعاير عيالك بامهم .. مهما كان لا تعلم اخوها ... والشي الثاني ابدا ماله علاقة بطليقتك وبمكان عملها وعصبيتك مالها داعي جت هي مع محرم ابو 20 سنه ماجت الحالها الشي الثالث اسرع بالزواج ولم عيالك حولك بلا زيادة مصروف بلا هم |
16-09-2016, 05:27 PM
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض المتطور