هذا الكلام عشان كذا انا ماحب اعتذر واجد لأن فيه ناس يطيريهم بالعجه الاعتذار
وبعدين ليه هالنسبة المحبطة ياستّي !
اي مسلسل اقولك الدعوه فيها ارهاب وضغوط نفسيه تقولين مسلسل هههه

الله يعين




تبين الصراحه وعشان اكون صادقه معك ومع نفسي
عشان مصالحي ماتتعطل
لأني جد ما اخطأت وزعله مبالغ فيه ومصيره يرضى اليوم ولا السنه الجايه بس انا اللي بتأثر هالفتره


يازينك ياداني ههههههه انا وانتِ لازم تنختم ردودنا بختم الجوده
اكذب عليك انا ماعندي نفس طويل وماحب الحروب البارده ولا احب اللعب من تحت الطاوله كل شي عندي فوق الطاوله هههه جلسة وحده عشردقايق انهي فيها كل الخلافات


هو في جدوله قهوة العصر لازم في البيت قبل يروح عند خالتي
بكتب الرساله وبخليها على طاولة القهوه

دعواتكم

__________________
﴿رَبِّ إِنِّي لِمَا أَنْزَلْتَ إِلَيَّ مِنْ خَيْرٍ فَقِيرٌ﴾

‏هُنا دلال ، حيثُ نجد وحيثُ الشمال

كيف ما اخطأتي ؟؟

خروجك من بيت زوجك من غير علمك غير جائز شرعا ,هذا غير انك كسرتي كلمته , وهذا اكثر شي يقهر الرجال انك تكسري كلمته

وبصراحة تبي تصالحيه عشان تعتذري فعلا ؟ ولا عشان الروحات والطلعات ؟

اذا الى الان مو شايفة انك غلطانة , فهذه مشكلة اخرى والله يعين زوجك

ثلاثة ارباع شخصيتك اشوفها فيني

عموما انا اتوقع مو عشان الطلعات ودك يرضى

هو منعك خوفا عليك وصاحبتك ربي يهنيها لو انك ماعليه بلعتيها وزرتيها بعد الزفاف في بيتها بيكون افضل وبعدها بتواصلي زيارات لها

شوفي شخصية زوجك ما اظن يحب احر يلح عليه للنقاش خليه براحته وجربي الرسالة رغم ان احس مافي نتيجة لكن جربي

وبعدها لا تكليمه ولا تناقشيه انتظري حتى اسبوعين واعترفي له بخطأك لكن مش عنادا فيه وانما شفتي من الواجب انك تروحي تباركي لها في أهم يوم بحياتها وتوقفي معها مثل ما وقفت معك بزفافك

انا مرة راضيت زوجي بمقطع شعر جميل جدا لبدر عبدالمحسن والله جاني ركض قلبتها عليه ههههههههه لان اعرف مداخله
بس زوجك لا ما يرد له راسه اعطيه فرصة يدرس الموضوع عدل

الله يوفقك

__________________
يا رب خاتمة حســنة ، وزلفى ، وحسن مآب ..

أفا يا أبلة دلال...ما توقعتها منج..وإنتي العقل والرزانة ..لكن فعلا لكل جواد كبوة ..يا عزيزتي هذا حق من رب العالمين ..والله زوجي مثل زوجك وأشد ..وأرضخ لﻷمر الواقع ....يمنعني أحيانا من استقبال أمي الحبيبة في المطار(وأمي الله يحفظها تحب هالحركات وان تشوفنا مجتمعين في المطار عشانها إذا جت من السفر) وأقوله ليش ..خلص بدون سبب بس ما في داعي حتى العيال يحبون جدتهم ويبون يروحون وما يرضى ..وأنا عندي سيارتي بفضل الله والمطار جنبي ..وأقدر أعاند وأقول هذي أمي ومش عارف ايش ..بس اختصر وأعوضها فيما بعد وهي فهمت شخصية زوجي..المقصد أبي ثقة زوجي تكون كاملة فيني ..من أمامه ومن وراه...والنتيجة كان يقول ﻷصدقائه لما يسافر شهور ويتركني لحالي وأنا في عز شبابي ..يقولهم والله أثق في أم عمر أكثر من مما أثق في نفسي..صح بعدين خربها لما تزوج بالسر ..لكن رجع لي متمسك فيني أكثر مما كنت أتصور بعد ما جرب غيري...الله يهديك ويلهمك رشدك أبلتنا العزيزة

كان بإمكانك تهنئتها بالتلفون ..وبعدها تزورينها في بيت زوجها..والحلول كثيرة لو أردتي

آمين الله يعينه ويعيني ويعين الجميع
لاتبالغون في الأمور هو عارف اني حاطته على راسي وماعمري كسرت كلامه
وان في مبرر قوي خلف تصرفي



اذا تركته بتطول السالفه
مع ان افضل اني اتركه فعلاً


مو من صالحك ان شخصيتك نفس شخصيتي هههه
اعطيه فرصه يدرسه لين متى ! اخاف تطول الدراسه واتوهق
المشكلة لما تتعبين تناقشين احد عشان تفهمينه نقطة داخلك لكن عجز يفهمها !
انا زميلتي شبعت من وجهها وشبعت من وجهي مو هدفي ابارك لها ولا الا
لكن هدفي انه مهم اشوفها في هاليوم وفي هالصوره وفي هالشكل و و

يعني هي لحظه في حياتها وحياتي مهم اعيشها
وين المشكلة اذا نزلت من برجك العاجي واعطيتني هاللحظة ؟!

__________________
﴿رَبِّ إِنِّي لِمَا أَنْزَلْتَ إِلَيَّ مِنْ خَيْرٍ فَقِيرٌ﴾

‏هُنا دلال ، حيثُ نجد وحيثُ الشمال

ابله دلال زوجك نسخة شخصيتي شمالي
تبين الصراحه اللي سويتيه كبير وكبير
وبينرصد لك عنده

انا لووصار شيء يزعلني بقوه
وجيتيني وتبين تنهين الموضوع بسرعه
ماتلقين الى التطنيش والسكوت هذي شخصياتنا يالشماليين

لاكن اتركيه على راحته وخليك طبيعيه ماكان شيء صاير

هو راح يدرس الموضوع بينه وبين نفسه
وراح يجيك ويحاسبك ويعطيك عقاب
وبعدها بيرجع لطبيعته
لان اللي سويتيه موهين بنضره لانه سبق ونبهك

__________________
أيّــــها الحـاملُ هـمــاً .. إن الـهم لا يدوم
مثـــلما تــفــنى السعـــادة .. هكذا تفنى الهموم

زين يسوي فيك ...!
لاتزعلين بيت فيه ناس غير محترمين صعبه صعبه على الرجل يخلي ام عياله تروح لهلبيت امكن الاخت تخرب امكن تتغير ماتدرين ....!!!
وامكن وهذا وارد جداً انه يطل اخوانها من الشباك ويصورونك وانتي بالصالون وهذا حصل كثير ويبصبصون ....!
اتمنى ماتزعلين من صراحتي ...!

__________________
رَبِّ أَعِنِّي وَلَا تُعِنْ عَلَيَّ، وَانْصُرْنِي وَلَا تَنْصُرْ عَلَيَّ، وَامْكُرْ لِي وَلَا تَمْكُرْ عَلَيَّ، وَاهْدِنِي وَيَسِّرِ الهُدَى إِلَيَّ، وَانْصُرْنِي عَلَى مَنْ بَغَى عَلَيَّ، رَبِّ اجْعَلْنِي لَكَ شَكَّارًا، لَكَ ذَكَّارًا، لَكَ رَهَّابًا، لَكَ مِطْوَاعًا، إِلَيْكَ مُخْبِتًا قَلْبِي

حياك الله أم عمر
ترى انتوا فهمتوا الموضوع غلط !
انا ما اعصيه واطلع بدون أذنه ومزعلته لا والله بالعكس حليله ومؤدبة ومطيعه
الانسان تحكمه ظروف وتقوده عواطف وفيه احيان امور مركبة تجبره على بعض التصرفات
مدري وش اقول صراحة وماعاد فيني شده أبرر لأني جد مكتئبة الآن




الله كريم
وشكراً على حضورك واهتمامك
الله يسخر لنا ولكم


ياشينكم يالشماليين مع انه مو شمالي صراحه كنت اظن اني انا الشماليه وهو الجنوبي بس العناد واللؤم اذا تجمعت تسبب لخبطة في البوصلة
ياملح الشمال بس واهلها

الله المستعان



سبحان الله جيناتكم وحده !
نفس كلامه لين قال وش مدريك مايدخل واحد منهم يسوي نفسه بالغلط ؟
وش مدريك مايصورونكم
وش مدريك لا مدري ايش

عاد بالمنطقيه مجلس داخل مليان حريم في بيت عرب مارحت نايت كلوب !


الله المستعان والحمدلله على كل حال

__________________
﴿رَبِّ إِنِّي لِمَا أَنْزَلْتَ إِلَيَّ مِنْ خَيْرٍ فَقِيرٌ﴾

‏هُنا دلال ، حيثُ نجد وحيثُ الشمال

زوجك يحبك، بس بيلقنك درس
وصراحة تصرفك خطأ كبيييييييييييييييييييييييييييييييييير
لأنه أنا من نوعية زوجك، أعطي الضوء الأخضر بحياة زوجتي، مع تنبهي لها لنقاط صغيرة جداً ماتتجاوزها.
في حال تجاوزها لها يعني أنها تهدم كل الثقة وكل المساحة اللي اعطيتها لها
هي طعنة بالظهر ولا فيها احترام ولا تقدير
وصراحة لا ألومه

الاعتذار: أقدر أن لكل شخص أو زوجين لهما طريقتهما في الاعتذار، ربما لاتوجد صيغة معينة، ولكن عليكِ بأن تبحثي عن أبلغ أعتذار يصل إليه من خلال أجمل وسيلة.

__________________
ياصبحِ لاتِقبل !!
عط الليل من وقتك..

حبيبتي غلطتك كبيرة لا تبرريها
كسرتي الثقه اللي بينكم
حسستيه انه اخر من يعلم
واظنه يشوفك استغفلتيه

انتبهي لاسمح الله يردها لك
بكرا يسوي أمور تضايقك من وراك
بعض الرجال عندهم حس انتقامي
فحاولي تمتصي غضبه بهدوء

نصيحة اعتذري منه بجمل قصيرة
ولا تبرري تصرفك ابدا
وبعدها اتركيه مع نفسه
لا تلحي بالاسف والاعتذارات
ولا تحسسيه ان الطلعات والسفر هم المهمين عندك

سبحان الله الصدق منجاة