السلام عليكم
طبعا زعلانه منكم كلكم جدا
وكنت قررت اعاقبكم وما ادخلش ولا اكتب ولارد
لكن رجعتوا صعبتوا على
ايه ده يا رشيقات المستقبل
ايه ده
يعنى ييجى العيد نتهبل ونلخبط بالشكل ده
يا بنات لازم تعرفوا ان احنا مش فى مرحلة رجيم وبعدين هنبطل اول ما نوصل للوزن اللى عايزينه
لأ
ده ماكانش هدفنا من الأول
هدفنا منذ البدايه واضح ومحدد
تغيير نظام حياتنا ككل الى نظام صحى ابدى
فاهميينى
للأبد
خلاص اتعودنا لازم نشرب ليتر ماء قبل كل وجبة بنصف ساعه
لازم نمشى ساعه يوميا ماعدا اول 3 ايام فى الدورة
لازم ما ندخلش دهون ضاره للأكل ولا تتعدى نسبة الزيوت فى اليوم الواحد اكثر من 3 ملاعق صغيرة وتكون زيوت سائلة وليست صلبة
لازم ننسى امر كل الحلويات الشرقية والغربيه ولا نتذكرها وان كان لازم ولابد يبقى يوم الجمعه فقط وتكون قطعة بحجم علبة الكبريت ولا تتكرر ابدا الا الجمعة القادمة
لازم ندخل كل العناصر الغذائية الى نظام اكلنا (مافيش حاجه اسمها خضار وفاكهه بس لأن النشويات مهمة جدا وكمان البروتين اهم حاجه علشان الوزن اللى ننزله ننزله من الدهون وليس من العضلات والا تبقى كارثه
يا بنات لازم العوده فورا الى الهرم الغذائى والا كل اللى هتعملوه من انظمة وهتتعبوا نفسكم فيه وهتنزلوا عن طريقه فى الوزن هترجعوا تكتسبوة وزياده كمان
ما تفرحوش قوى بنزول 2 او 3 كيلو على الميزان بعد رجيم الفاكهه والحليب او رجيم ادكينز او الرجيم الكيميائى او غيره لأن هيحصل معاكم نفس اللى حصل فى العيد اول ما ترجعوا تأكلوا اكل عادى وحتى لو بكميه قليله هترجعوا تكسبوا الوزن الزائد تانى وبمنتهى البساطة وما يلى ذلك من عواقب وخيمة تتلخص فى الاحباط واليأس والشعور بعدم الرغبة فى مواصلة المسيرة وبالتالى اكتساب المزيد من الوزن وهكذا
انا داخله النهارده مخصوص علشان اشدد عليكم النصيحة باتباعرجيم الهرم الغذائى
وعلى فكره انا لاقيت موقع اكثر من رائع للهرم الغذائى يحدد لك فيه على حسب طولك ووزنك ونوعك ونشاطك اليومى الكمية اللى لازم تتناوليها من كافة العناصر الغذائية فى اليوم والسعرات بتاعتها قد ايه بس خدوا بالكم هو بيكتب لكم السعرات والكميات على اساس ان وزنكم يثبت لكن لو عايزينه يخس يبقى تقللوا من الكمية دى من 300 الى 500 سعر باليوم
الموقع هو
يمنع وضع روابط خارجيه..الاشراف
اتمنى تستفيدوا منه
وعموما انا ماشيه دلوقتى على نظام غذائى 1100 سعر
اللى حابه تمشى معايا عليه
انا ممكن انزله لكم هنا وفيه تخطيط كامل لوجبات الاسبوع كلها من السبت للجمعه
مع طريقة عمل كل وجبة وسعراتها بالضبط حتى السلطات محسوبه فيها
ولكن بشرطين
1- ان يكون عندك ميزان ديجيتال بالجرام لأن الأكل كمياته بالجرامات
2- الالتزام التام بالرجيم مع الرياضه كمان ( لازم ساعة رياضه)
قياس الوزن مره واحده فقط بالاسبوع يوم الجمعه بعد النهوض من الفراش ودخول الحمام وقبل تناول اى طعام او شراب و قياس وزن الملابس وخصمه من الوزن
اتمنى ان نبدأ سويا على خطى صحية ثابته وواضحة والا نحيد عنها حتى نصل لهدفنا المنشود
أما عن اخبارى فوزنى ثابت ولله الحمد على 47,5 كيلو ولا يزيد ولا ينقص واتمنى ان اصل لل45 كيلو ولكن على مايبدو انه صعب لكننى مواصله على امل ان ينقص ولو 100 جرام اسبوعيا
على مايبدو اان نسبة الدهون فة جسمى قلة لدرجة كبيرة والحمد لله وأهم شيئ الا يكون النزول بعد ذلك فى العضلات والا تبقى كارثه
لذلك انا لن اتعجل نزولى
وسأسرد عليكم تجربه بسيطة لى عانيت منها الاسابيع السابقه حتى تتأكدن جميعا انه ليس النزول مهما بقدر اهمية ان يكون صحى وبطيء والا نجرى وراء اى نوع من انواع الرجيم
انا استعجلت فى الشهر الماضى نزولى وقلت كل اللى فاضل لى 2كيو و نصف واوصل لهدفى وطالما ان وزنى مش راضى ينزل يبقى اتبع اى نظام سريع وأخلص فاتبعت رجيم فاشل بمعنى الكلمة اسمة رجيم سريع ينحف اربعه كيلو بخمس ايام وقلت لو حتى جاب نتيجة معايا 2 كيلو يبقى رائع
وفعلا بعد اسبوع وزنت ولقيت نفسى خاسه حوالى 2 كيلو وفرحت جدا وصل وزنى ل46,4 لأول مره بحياتى
وتركته بعدها ورجعت لنظام السعرات على امل اخفف اكثر واتبعت رجيم سعرات 800 سعر باليوم ومع الأسف لم اخس عليه ولا جرام وجاء يوم العيد ولبخت فى الأكل فزاد وزنى لل47,4
وزعلت جدا واحبطت ولكن رجعت اعدت حساباتى وكثفت قراءتى فى هذا المجال فاكتشفت ان ما ينفعش ابدا الجسم ما يأخذش حاجته الأساسيه من السعرات فى اليوم والا معدلات الحرق هتنخفض ومش هنخس
بمعنى ان كل انسان فينا جسمة محتاج لعدد معين من السعرات باليوم كى يقوم بوظائفه الحيوية الأساسيه من دقات للقلب وضخ للدم وتنفس وحتى حركة العين والهضم .................... فلابد من تناول هذا القدر يوميا من السعرات وهذا يكون الحد الأدنى للسعرات المتناوله يوميا
والكلام ده انا بأكتبه هنا بعد قرائتى لمشاركة نوره وفلافل والجورى وغيرهم اللى بيقولوا انهم مش بياكلوا غير خبز وجبن وسلطة وما اعرفش ايه
انا بأقول لكم كلكم انكم بكده بتدمروا نظام الحرق فى جسمكم ومش هتخسوا ..........
ما تزعلوش منى لو اسلوبى جاف معاكم المره دى بس ده لمصلحتكم ولأنى كمان بأكتب فى عجاله شديدة
ولكم منى كل اأمنيات بالتوفيق
ومنتظره ردودكم
التعديل الأخير تم بواسطة Crestalla ; 12-12-2009 الساعة 06:28 PM
12-12-2009, 09:32 AM
و صحتي تمام
بس اتوقع نازلت شي بسيط
ضوابط المشاركة
العرض المتطور