ياليت تخبرنا بالمستجدات

__________________

اخي في الله موضوعك بسيط ولكنها بالفعل مشكله ولها ابعادها

ولكني اود ان ارد على الاخت ريفان لاني لاحظت انها متحامله جدا وارائها قويه

اولا اختي الغاليه راعي بان زوجته نفاس وواغلبنا مرينا بهاالحاله والنفسيه ماشاء الله

تكون سيئه ونكون محتاجين من ازواجنا كل تعامل طيب وراقي وبحنيه

وثانيا كل طبقه او مجتمع له عاداته الي يمشون عليها

وثالثااذا كان زوجك مايعطيك فمو شرط انك تحكمي على الباقين وتكوني سبب انه مايعطي زوجته وخصوصي اذا اقتنع بانها مو لازم

اخي العزيز اسال الله ان يهدي زوجتك ويحنن قلوبكم على بعض

بس ياريت تراعيها بها الفتره والله احنا مجربينها ونحس بشعور غريب جدا وان ازواجنا مايحبونا او انهم بعد مجي الطفل خلاص راح يبعدوا عنا شعور صعب اوصفه ولكن والله متعب

وثانيا زوجتك لاتشيل في قلبك عليها ابدا كل موضوع وضح لها وجه نظرك فيه من البدايه
وكون صارم فيه بس لاتكون لين فتعصر ولاقاسي فتكسر

واذا زوجتك وضعها المادي ميسور خلها تبسط نفسها لانه مالها ومن حقها وموشرط يكون على قوله البعض من الناس ممكن والدها او والدتها اهدتها مبلغ وقدره

انا لو بنفس وضعها راح ارد نفس الردو لا اشتري فستان بس والله بتجلس بخاطري دام عندي فلوس وملكي ليش تحرمني؟؟؟ وما راح انساها مع اني موعنيده لكن مومعقلوه افصل فستان يفشل والبسه واتفشل قدام الناس واطلع ان زوجي بخيل علي بالعكس كل مالبست لبسه حلوه قالوا ماشاء الله مومقصرعليها

طبعا مو مهم نظره المجتمع لي ولكن الاهم انا وش ابغى واذا بمقدوري اشتري ليش لا؟؟

وبعدين وبكل صراحه وبدون زعل وش تودي الفستان عند الخياط

الا اذا كان الخياط مضمون 100%

اغلب الخياطين تعطيهم القماش وبعدها على التبرعات والله ماينلبس يطلع يفشللللللللللل قدام الناس

برائي بعد ماتنتهي فتره النفاس تحاول تجلس وتتحاور معاها بكل جديه
وتفهمها وضعك المادي انه مو مضبوط وانا بنمر هالفتره بمرحله صعبه وابغاك توقفي معاي وقفه ما انساها لك يالغاليه
والله النساء يحبوا الكلام الطيب الحلو بينلها ولاتجلس نتقد
من الخطاء عدم التفاهم وان كل واحد يشيل بقلبه
لاتخربوا حياتكم على مواضيع تافهه حلوها باسلوب جيد وبدون عناد عندكم بيبي جاي لاتخلوا حياتكم تخرب بل خلوها تحلوا يوم عن يوم

وايضا انت هنا طرحت مشكلتك لنبين لك وجهات نظرنا ومن ثم انت من يقررويتخذ الاجراء المناسب لحياته وليس انت تعمل بكل ماقلنا
تخيل زوجتك تعرض مشكله تمر عليها معاك وتجلس تاخذ باراء الناس اللي موجودين بالمنتدى وش بيكون وجه نظرك
افض ما نراه ونحبه في شخصيه الرجل ان يكون هو من يتخذ قراره ويبنيه عن قناعه ورضى ويكون سليم
ولو لاسمح الله كبره المشكله وكلن راح بحاله انت تسخسر بقدر ماهي تخسر

وايضا طفلكم وش ذنبه والله حرام

والى الاخوه والاخوات ساعدوا في حلها ولاتزيدوا الطين بالله

اسال الله لكم التوفيق والسداد يارب العاليمن

__________________

ام السوسه
الله يجعلك في كل خطوه سلامه ويردلك اولادك ردا جميلا ياااااااارب
الأخ صالح بن صالح
اسمحلي ولاتزعل ( رحم الله امريء اهدى الي عيوبي ) <<<< مقولة احد الصحابه الله اعلم عمر ام ابي بكر رضي الله عنهما
اسمحلي سبب عناد زوجتك ..... اسلوبك الجاف معاها
صدقني المرأة مهما كانت قوية مايلينها الا الكلام الحلو والهديه
ومن طريقة حوارك معاها انا فوجيئت منه .....فيه نوع من الغلاظه {ولو كنت فظاً غليظ القلب لانفضوا من حولك }صدق الله العظيم .
سبحان الله نكدت عليها عيشتها عشان فستان ب 500 ريال ومن جيبها وتعبها 9 شهور وولاده لاإله الا الله
ومااقدر اضيف على ام السوسه رأي
المهم لو بغيت تلين زوجتك خلك انت قدوه لها كيف ؟؟
انا اقولك مثلاً ( لو يوم ماطبخت تعبانه .. دلع ..نامت) قولها معليش ياحياتي راحتك اهم شي ومو لازم ناكل شي دسم ممكن جبنه وزيتون من اللي متوفر وان شاء الله لاقمتي بالسلامه تعوضيني ...وانا من حبي لك سامحتك واهم شي اشوفك سعيده ....وهكذا ...
انت بكذا علمتها درس
عشان هي تطبقه .... واذا ماعرفت تطبقه ذكرها فيه لما ريحتها يوم ماكانت تعبانه ...
هالمره خيطي الفستان ... بس بعدين لازم تراعي ظروفي ووووو
واللي نعرفه خياطة الفستان في الزواجات ... هي ليه ماتاخذ لها لبس شيك سبور ومع قصة شعر وصبغه ومكياج بتطلع احلى طلعه نيو لوك ...كان من البدايه احد اقنعها !!!.... بس الله اعلم يمكن عاداتكم ...
ولاحظت من خلال ردك على المرمر المسكينه انك قاسي شوي وسليط اللسان <<<< اتفقنا ماتزعل
والله يسهل امورك....

__________________

حياك ربي اختى

انا مو متحامله على البنت ولا علي منه الله يسعده ويوفقه

بس اولا انا تقريبا من نفس بيئة زوجته وعرفه تفكير البنات الان

وغير كذا المشكله مو بالفلوس فقط او انه فتره النفاس ياليت ترجعن وتشوفين مشاكله مع زوجته واسلوبه وضروف الزوج الماديه هي تسمح بالمشغل والمظاهر
وجزاك الله خير

__________________
سبحان الله وبحمده

والله يا آخي تابعت موضوعك وكان بدي اقول شي وكتبته مرتين بس خفت ترد على بـطريقتك

بس سؤال


زوجتك ما تستاهل هالفستان ان شاء ب5000$

والله انها بفترة نفاس والزعل مو حلو عشانها

ثاني شي هي هلا حاملة إسمك ما صارت الناس تقول بنت مين

الا بيقولو زوجتة صالح بن صالح



والله سمعت ومني متأكدة انو كمان النفقة على الاهل مع احتساب الاجر من أسباب سعة الرزق

اكيد انت ادرى بمجتمعكم بس الحريم صنف واحد بأي مجتمع يحبون المظاهر

وزوجتك ما طلبت شي كيير ومقدرة مشاعرك وظروفك وبدها تدفع من مالها






نصيحة اخيرة

المرة الجاية وفت زيارة مدامتك




خد إبنك بحضنك و وحط عينك في عيونه

دخيل الي خلقه ما يستاهل تفرح إمه للصبي


خليها تفرح الله يرضى عليك ولا تكسر بخاطرها بأول فرحتها


الله يرزقك من واسع فضله يطعمك الرضا




الله يهدي بعض الاخوات فوق ماهي والعة بدهن يولعوها

قال جبناك يا عبد المعين لتعين


الله المستعان

أم وليد

__________________


اللهم بارك لي في أولادي ولاتضرهم بإحد من خلقك او بشي ووفقهم لطاعتك وارزقني برهم,اللهم يامعلم موسى وآدم علمهم , ويا مفهم سليمان فهمهم , ويا مؤتي لقمان الحكمة وفصل الخطاب آتهم الحكمة وفصل الخطاب,اللهم علمهم ماجهلوا وذكرهم مانسوا وافتح عليهم من بركات السماء والأرض إنك سميع مجيب الدعوات, اللهم أني أسألك لهم قوة الحفظ وصفاء الذهن وسلامة القلب وسرعة الفهم ,اللهم اجعلهم هداة مهتدين غير ضآلين ولا مضلين

والله انا مع ام وليد كلامها زي السكر وحتى لو بتعلمها انك مديون وووو مو بطلريقه بعض الاخوات هذي زوجه مو تلميذه تعلمها مو للدرجه يا اخي وبعدين كل الازواج يجيبو لزوجتهم هديه بعد النفاس والهديه عاده تكون مبلغ وقدره ما جت على 500 ريال ومن فلوسها وبعد تعب حمل وارهاق ولاده ونفسيه نفاس تخربها وتكون جلف باسلوبك راعيها ولكن بينلها ظروفك وان المره هاذي علشان خاطر عيونها مشى الي في بالها ولكن انت مو مستعد ابدا تتدين مره ثانيه علشان المظاهروهالكلام هي بتستحي من نفسها لما تشوف طيبتك وكرمك
وفقك الله اخي واصلح بينك وبين زوجتك
قول امين

اذا انتي من نفس بيئتها موشرط تكوني بنفس نيتها وتفكيرها

وفيما ارى ان زوجها كاتب انها تحترمه وتبادله نفس مشاعره

وضروف زوجها هي الوحيد اللي عاشرته وعارفه وش وضعه ومقدره ضروفه في اشياء

احنا لانعلمها وهي ماطلبت تضيق عليه بالعكس قالت هي راح تسويه

وهذا اول مولود ومن حقها تفرح زي ما انتي وانا وغيرنا فرح


وكل وحده وهي حره بطريقه اللي تنبسط فيها احنا نحاول نساعده في كيفيه تجاوزه

للمشكله وحلها ومراعه ضروف زوجته وهي نفاس

اسال الله التوفيق للجميع

اختي الغاليه سابرينا اساالله ان يصلح لنا ولجميع المسلمين ذريتهم ويهديهم يارب ويحفظهم من كل سوء ويرد اولادي لي كما رد موسى عليه السلام لحضن امه انه على كل شي قدبر
والله يجزاك بالف خير على الدعاء الطيب لي والله انك اخت عزيزه وغاليه

__________________

أنا برجع ياجماعة
وبرد على الجميع بس الإنترنت
يوم ردي اللي قبل ماضبط معي وطلع الرد مبتور
بس أبغى أقول ياجماعة


أنا مطالب بـــ ( 50.000 ) في 1 / 4 / 1429 هــ
ياجماعة الخير لا أملك منها شيئا ً يعني مثل ما أنا مسعدها الأيام
اللي راحت ما استاهل منها نظرة إشفاق ، نظرة عطف يعني
كلام الناس أهم عليكم يالي تتكلمون من سمعة أزواجكم .


ياجماعة ليش أشتري بفلوس الناس راحة
زوجتي وأتعذب أنا اسدد سنين عشان زوجتي مايقولون عنها
الناس ياحرام مافصلت في مشغل .


ياجماعة الخير انا تصالحت مع زوجتي واتصلت بها وقلت لها
بالححرف الواحد بعد ذيك الليلة اللي رحت لها فيها بتفاهم معها بس ما
عطتني وجه أتصلت بها بعد يومين وقلت بالحرف الواحد :


( الله أكبر يا . . . من قبل ولادتك وأنا أروح بك للأسواق
وتشترين من أحسن اللي تبين وتتفرنكين باللي تبين يوم جت اللزبة
والضيقة تروحين تصيرن مع الدهر على زوجك .

وين كلا الحب ..
وين ياعيوني وياعمري والله لو تبي قلبي
والله لو تبي روحي كلها فداك

كله كلاك فاضي صار
لأني دريت فعلا ً أنه صالح تحبينه
مادام يعطيك المادة ، مادام يشتري لك
مادام ملبي رغبة كبريائك بس لما يكون مايقدر
ما يستاهل حتى كلمة زينه من فمك
ما يستاهل حتى تسمعينه .


أنا منب رجال يوم أجي لمك بالبيت لأني
ماقدّرت أبدا ً إني بواجه حرمة الرجل بالنسبة لها المادة
الرجل بالنسة لها اللي يلبي لها الرغبة لوكانت غبية .


والله ماكنت اتصور إن قدري عندك هذا هو
لكن أبشري والله باللي تبينه بس تراني بتعامل معك بنفس أسلوبك
بزعل لما أجي أشوف ورقة طايحة بالبيت لانه أنتي
مادة بالنسبة لي بزعل لما أشوف الطبخ مب زين
لانك مادة وآله مثل ما أنا حمار مهمتي أجمع لك قروش .)


المخطي يا أخواني يعرف خطاه
والله ياجماعة أني أتكلم من قلبي قسما بالله
والله ياجماعة إني أحب أشوف عليها اللبس الزين واللبس
الجميل ، والله ياجماعة الخير إنها استحت لانه تدري
مابخلت عليها وانا معي فلوس ليش تبخل علي
تتحمل شوي معي لما نعدي هالأزمة .


أنا تعبت
ولي عودة

الله يفرج همك ويسدد دينك ويصلح احوالكم

__________________

الله يكون بعونك ياخوي
ياليت الاعضاء الى وقفو ضدي
وردودي عليك يتاملون بردك الاخير
وياليتهم وقفو ضدى
الا صارو ينقلونه ردودي عليك بموضوعك للموضوع ثانيه يثبتون فيه
اني قاسيه وزيد النار بينك وزوجتك
وماقول غير الله يسدد دينك ويرزقك ويبارك لك براتبك
وعليك اخوي بكثر الاستغفار والدعاء

__________________
سبحان الله وبحمده