أبشركم زوجتي عادت الي (فارس الهم)الرد 88 - الصفحة 6

24-09-2009, 07:15 AM

#51

فارس الهم

عضو نشيط جدا

تاريخ التسجيل: Aug 2009

المشاركات: 312

قال : وش دعوى . قلت اسمح لي قال : يعني نجلس في الشارع ، قلت : مدامك تشوفني و اشوفك و تسمعني واسمعك يكفي ، وقسم بالله اني ما تذكرت الا كلام عاشق الجواهر عن اخوه يوم يقعد هو ونسيبه في المسجد و يحلون موضوعهم قلت : نروح للمسجد ، قال : اللي تبي
المهم دخلنا المسجد و بدا يتكلم و يبين إن الإنسان لا بد ان يصبر على القضاء و القدر إن خير فخير و ان شر فشر ، و من كلامه حسيته يبيني اطلق فقلت ياولد تغده قبل لا يتعشاك و قلت له : و الله ياخالي اني جاي ابي الخير وابي الصلح قال : و حنا بعد ما نبي إلا الصلح ، قلت : الحمد لله ، قلت سلامات وش صاير << حسيت وده يجلدني اجل وش صاير يا فارس . قال : انا بصراحة ما توقعت و لا خطر ببالي انك بتمد يدك على زوجتك فكرتك أكبر من كذا ، قلت : و الله العظيم اني ماندمت على شي مثل ماندمت إني مديت يدي على زوجتي ، قال : اللي صار صار ، و انا مثلي مثل غيري ما أرضى ان بنتي بنتي تنهان ، قلت : و الله و لا انا اضى بس مثلك عارف مشلكه و دخل الشيطان فيها و بنتك رفع الصوت و صار اللي صار وقلت : ياخالي ما فيه دخان من دون نار قال : وشلون ؟ قلت : المفروض انك قبل ما تتصرف في أي شي تسأل عن السبب عشان تعرف من الغلطان ، قال : مهما كان ماترفع يدك ، و انا اتوسم فيك الخير و سمعتك ما تعرف غلا بالعلم الغانم و قام يمدح و يريش لين معد قويت اشيل راسي بس بيني و بينكم عنده أسلوب إحراج لأني حسيت بالخجل ، قال : ممكن أعرف السبب ؟ قلت : ممكن ليش لا ؟ قلت بنتك جرجتني بقولها ............... ما اقدر أفصح عن هذا ، المهم يوم سمع الرجال انبهر و ما صدق ، و قسم بالله ان وجهه تغير ، وقلت : حط نفسك مكاني ترضى زوجتك تقول لك كذا ؟ سكت شوي و قال : بس فيه حل غير الضرب ، قلت : لا تلومني لحظة غضب و انفعال و رفعت صوتها باللي قلت لك و صار اللي صار ، طبعاً هو منصدم من كلامها لي بمعنى تأثر و ما توقع هالكلام يطلع من بنته ، و ما حاول يدافع عنها زي اول و قلت له : يا خالي لا تفكر بقلبك فكر بعقلك و قس على نفسك و تشوف و تعرف من الحق معه ، هو حاول ينهي الموضوع وقال انا ما ارضى ان بنتي تنضرب قلت و انا بعد ما أرضى ان زوجتي تنضرب و تكون هي السبب في وصولنا لهالحالة .

قلت هذا اللي مزعجكم بس قال لا فيه موضوع اللي هو انك ما تجيبها لنا إلا في الشهر مره اومرتين مهما كان هذي بنتنا و نبيها على اقل الأحوال كل اسبوع قلت : بس يا خالي السبب هو اني ما لقيت تقدير منها و لا حتى كلمه شكرا لما اوديها لكم و نرجع للبيت تقول إيه انت موديني عشان تفتك مني ؟ وو الله ياخالي اني اجيبها و انا لا بس قميص النوم و اتعمد عشان تدري اني راجع للبيت و بدور لي شغله اشغل نفسي فيها لكن ما لقيت تقدرير و لا حتى خلتني في حالي لو تسكت ارحم و برضوه حط نفسك مكاني تسوي خير و يقابلونك بشر بس تبون الصدق الرجال و قف معي و قال ما معها حق تسوي معك كذا لازم على الأقل تقدير للزوج وانا راح انبهها قلت هذي ما يبيلها تنبيه انا ما ابيها تشكرني ابي إذا جبتها لكم لا تقول لا تتهمني بشي ما قصدته و لا نويته ، قال هو خلصنا من هذي نجي للسهر و انت راعي سهر و بلوت و استراحات قلت في هذي معك حق و قسم بالله اني ما شفت منها إلا البلاوي و تضييع الوقت عشان وجيه ما تستاهل و قال كلمه اثرت فيني (بنتي تقول دمه خفيف لما يكلمه و ربعه ما يخلونه في حاله عشانه يفطس من الضحك) قال : ليش يا فارس ما تكون كذا مع زوجتك ؟ و الله ان تحطك في السماء قلت انا قررت اتغير و راح تشوف ان شاء الله من انت مناسب وراح اكون قد اللي اقوله ان شاء الله ، و قلت عندي مشكله بقولها لك قال وشي : قلت لا تحسبني منصدم من خروجها معك بدون ادنى إذن لأني متعود و قسم بالله يوم سمع هالكلام قال وشلون وعلمته و قلت انها اكثر من مره تسويها معي و انا اسكت و اكظم و اعلمها ان هالشي ما يصلح و لا تفكرين إن الإستئذان بيمنعك لا والله ما راح امنعك بس حسسيني إن زوج له كلمه في بيته و طبعا استفسر و استفصل وقال اكيد ما تسئذن قلت إذا رجعت من اللي راحت له قامت تعذر بانها مستئذنه بس انا ما سمعت قال : انا اللي باخذ حقك و الله (لأطقها و اتفل في وجهها ) و الله اني ما توقعت ان كل هذا بيصير انا فكرتك انت المخطي بس ويشهد الله اني توي ادري عن هالكلام قلت : المهم دريت و انا ما ابيك تطقها و تتفل في وجهها اللي جاها يكفيها و انا جاي اصلح يا خالي و الله ما جيت اخذ من زوجتي حق انا وياها ما بينا حقوق و قلت يا خالي انا مخطي و اعترف بهالخطا اللي سويته لكن انا ابيك تحكم بيني و بينها بالعدل و لا تأخذك العاطفة و تصير معها و قسم بالله اني يوم تقدمت لكم وشفتك و جلست معك فرحت بك و بأخلاقك وقلت الحمد لله ربي رزقني ابو ثاني لكني انصدمت بتصرفك معي ياخالي لا تعدني إلا ولدك وجهني و علمني إن اخطيت و يا خالي الشي اللي تبيه يتحقق لك بالحلم اكثر من انه يتحقق بالتعصب ترى مهما كان انا منكم وفيكم و لا تفكر اني مكابر و لا ما اسمع منك مثل ما نقلت بنتك عني و قاطعني وقال : مدامك تكلمت ذكرتني ، البنت تقول انك ما تجيب سيرتنا إلا بالعاطل ؛ قلت : فعلا انا ما ادجيب سيرتك إلا بالعاطل مثل ما قلت استغرب من الجرأة و قتلت الإستغراب و قلت له بنتك في الصغيرة والكبيرة تهددني بك في الطالعة و النازلة يا خالي مستحيل اجي من الباب للطاقة و بدون أي مناسبة اسبك و ا شتمك و الله هي اللي تبدأ و قال على العموم انت مخطئ و انا مخطئ و هي بعد لكن الحمد لله الحين زال اللبس الله كان موجود و نص رجب و رمضان في هم وغم و ان شاء الله انه ابتلاء المهم ختمت الجلسه و حنا طالعين قال بالنسبه للبنت هي الحين نفسيتها تعبانه قلت يا خالي انا ماجيت اقول طلعها لي ولا خلها تسلم علي انا جيت ابين موقفي لك و اني ظالم و مظلوم في نفس الوقت قال الله يعين لكن لا تفكر يا فارس انه من باب التغلي انها ما تطلع لكن نفسيتها تعرف لازم تتأقلم على الكلام اللي قلته لي و انا بدوري اقنعها قلت اجل فمان الله و ما تشوفون شر و قال : تعال في يوم ..... < منيب معلم بخليه مفاجأة

الآن هذا اللي دار بيني و بينه بالحرف الواحد و مثل ما قلت لكم البنت حطت صورة قبيحة عني عند اهلها لكن الله يسامحها و انا مسامح كل ما جاني منها و الله ييسر امورها معي و لا مع غيري لكن بروحتي لابوها حطيت النقط على الحروف و تخلصت من هم كنت شايله و ما توقعت الأمور بتنحل بهالسهوله لكن يبدو و الله العالم ان هذا من دعائكم لي فجزاك الله عني كل خير.
من لديه ملاحظة ؛ عتب ؛ مدح < لابد منه ؛ أي شي في باله يقوله لي عشان استفيد و بطلع الحين اكسر البكت اللي في السيارة و لا وش رايكم افحط عليه ههه و اكسر الولاعة << ولا اخليها يمكن احتاجها ، واتوب و اريح صدري و اروح اضبط اموري و اعيش حياتي بها او بدونها لأن الحياة لا ترحم وهذا الدرس او الإمتحان اللي صار لي خير دليل و الله محد ينفعني غير اهلي و بيتي و ناس مثل الأعضاء اللي في المنتدى اللي احترقوا عشاني ، و بسحب على كل اللي في الإستراحات و انتبه لنفسي و اعدل و ضعي في الصلاة و بمسك لساني عن الناس و ما راح اكثر ضحك مثل اول و بصير ثقل .
أي نصيحة تناسبني عليكم برزحها أي و ضعها هنا لان سبب تغيير حالي الآن بعد الله هو هذا المنتدى لما رأيت فيه من احترام و تقدير من كلا الطرفين
و السلام عليكم ورحمة الله و بركاته

__________________

عناد منيب حاط توقيع ، على كيفك انت وياه ؟

24-09-2009, 07:17 AM

#52

jeans

كبار شخصيات المنتدى

تاريخ التسجيل: May 2006

المشاركات: 4,360

انا كنت متابعه قصتك من قبل

وشفت موضوعك هذا وفرحت انك حسيت بغلطتك وذنبك واسأل الله لك الثبات

بس نجي للجد وش معزم عليه من ناحية زوجتك عساك بس نويت تصلح غلطتك ترا بنت الناس رايتها بيضا وصابره

حاول تحل الامور بسرعه

ولاتنسى رفقا بالقوارير شف حالتك شلون عقب زوجتك فكمل مبادرتك ببشارة الصلاح وعودتها للبيت

وربعك الي تسولف عنهم اتركهم ماوراهم الا الهم وخراب البيوت ولاتنسى الصاحب ساحب

__________________

24-09-2009, 07:18 AM

#53

فارس الهم

عضو نشيط جدا

تاريخ التسجيل: Aug 2009

المشاركات: 312

عزمنا وخلصنا وانا اخوك اطلعي على موضوعي

تفاصيل الحلقة ما قبل الاخيرة من مشكلتي

__________________

عناد منيب حاط توقيع ، على كيفك انت وياه ؟

24-09-2009, 07:31 AM

#54

سافر معي

عضو مثالي

تاريخ التسجيل: Aug 2009

المشاركات: 847

الحمدالله ..... والله اني فرحتلك..... بس تكفى دير بالك عليها
اغلب الرجال لأسف ما يشوف زوجته اذا كانت جنبه ... بس اذا صارت بعيييييده عنه شااافها كويس ....
انا افكر باللي فاتك من رمضان .... القرآن..... والتراويح ...
مع ان الله سبحان اكرم عليك .... وانت قصرت في حقه .... ما العمل الحين ....
لتكفر عن ذنوووووبك ...

اللهم سخرهم لبعض... اللهم قربهم اليك وقربهم لبعض

24-09-2009, 07:39 AM

#55

رابع

عضو مميز

تاريخ التسجيل: Sep 2004

المشاركات: 234

الحمد لله الذي بنعمته تتم الصالحات
الله ييسر أمورك ويثبتك على الحق ويجعل زوجتك قرة عين لك ويجعلك قرة عين لها ومن أمن
ولا تنسانا من دعاك
وفقك الله

__________________
اللهم اشف أبي واهده وأطل عمره
http://www.66n.com/forums/showthread.php?t=175017

24-09-2009, 07:48 AM

#56

صديقة احساس

عضو نشيط

تاريخ التسجيل: Jul 2006

المشاركات: 126

فارس الهم انا تابعت موضووعك(أكثر صراحه)) بصمت وعن بعد لانه ادري مصيره بينحل
وهاذي الخطوه الثانيه تمت بحمد الله بعد خطوة الاعتراف بالخطأ
ننتظر بفارغ الصبر الخطوة الثالثه وهي الاخيره باذن الله عودة زوجتك لكن اصبر

وعفى الله عما سلف والله يتقبل التوبه

__________________

24-09-2009, 08:11 AM

#57

حديث الوقت

عضو مثالي

تاريخ التسجيل: Jul 2009

المشاركات: 1,527

نصيحة ثمينة للأخ الفاضل / فارس الهم

أخي هنيئاً لك العودة لله واسأل الله لك الثبات على دينه وأن يريك الحق حقاً ويرزقك اتباعه ويريك الباطل باطلاً ويرزقك اجتنابه

أخي

كوني امرأة سلبت منها حياتها الزوجيه بدون وجه حق أقول لك :

الحياة الزوجية أجمل ما في الدنيا فلا تخسرها ، أسعى حثيث الخطى في الحفاظ عليها ، كم يا أخي زوجة خرجت من بيتها ولم تعد

من تجرع الألم سوها هي وزوجها ، بناء البيوت المستقرة مطلب يستحق منا الصبر والكفاح .

أخي

أنصحك ونفسي بالتمسك والمداومة على قراءة كتاب الله العزيز فوالله أنه سبب لخلو الحياة الزوجية من المشاكل

سوف ترى ثماره عند المداومة علية وحفظه ، هذه مجربة البيت الذي يقرأ فية القرآن يخلو من الشياطين ويكون

مجلس لملائكة الرحمن الرحيم ، فتشعر في كل لحظة وأنت خارجه بشوق وحنين لبيتك ولزوجتك ، والله أنها بركة القرآن لا يشعر بها إلا الذي جربها ((.القرآن راحة القلوب ))

أخي

الصلاة عمود الدين أجعلها عمود متين لبيتك ، أصلح بالصلاة صلتك مع الله ، يصلح الله صلتك مع زوجك ،

سابق لصلاة في المسجد ، تصغر الدنيا في عينك وتكره في قلبك كل معصية وتحقر كل صحبة فاشلة .

أخي

الزوجة الصالحة زينة الحياة الدنيا ، فحافظ وأحسن لزوجتك بارك الله فيك ، أجمل الكلمات أسمعها ، وبأحب الأسماء ناديها

حسن عشرة الزوجة عبادة تتقرب بها الى الله .فأغنم ذلك الأجر العظيم ،. وأحرص على بناء أسرة يفخر بها نبينا محمد صلى الله علية

وسلم. ربي أبناءك على الفضيلة وحب الخير وأعمال البر بذلك تكون قد تركت خلفك ولد صالح يدعو لك .

وأخيرا

خطوت أول خطوات التغير ..................... فأرجوا أخي الكريم أن تكتب بلون أخر غير الأحمر فقد أوجعتني عيني

بارك الله فيك

وليتك تبدل من فارس الهم >>>>>>>>>> فارس الحق أو الهمة , أو فارس السنة

اسأل الله جل في علاه أن يجعل السعادة طريقك أين ما ذهبت

24-09-2009, 08:12 AM

#58

نـ و اا ري

عضو نشيط

تاريخ التسجيل: Feb 2006

المشاركات: 176

الله يزيدك من تقواه ويصلح حالك

24-09-2009, 08:28 AM

#59

shreen240

عضو نشيط

تاريخ التسجيل: Dec 2005

المشاركات: 179

الله يزيدك من تقواه ويصلح حالك

__________________
--------------------------------
( اللهم اكفنيهم بما تشاء و كيف تشاء انك علي ما تشاء قدير )

24-09-2009, 08:29 AM

#60

متعبة

عضو نشيط جدا

تاريخ التسجيل: Nov 2005

المشاركات: 218

الله يصلح حالك
الصراحة الحوار الى دار روعة
انت كنت مهذب جدا مع الرجل
والرجل بارك الله فية
اكيد زوجتك زوجة محترمة جدا لان ابوها هذا الاب
الله يردها لك بالخير عاجلا غير اجلا
ورجاء شديد من اخت
اصلح علاقتك مع الله ينصلح لك كل شئ
دمتم طيبين

__________________
حسبنا الله ونعم الوكيل

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه