أنا ما عملت منها مشكلة ، لا أحد يفهمني غلط
ترى أطخكم بمسدس موية ، و لا عاد أحكيلكم شئ مرة ثانية

بس الموضوع مضايقني لإني فاهمة حركات زوجي :

1 - زوجي ذكي ماشاء الله في الشئ اللي لصالحه فقط ، يعني مثلا جاب لي هدية عطر زماااااااااااااااااااان صغيرة مرة
و نفس الوقت جاب لنفسه عطر من الحجم الكبير وو المااااااااااااااااااركة و مو أي ماركة ماشاء الله ، ماركة عالمية و اللي
أول شئ تنزل ، فيضرب أكثر من عصفور بحجر واحد
( أصلا لإني كاشفته فيجلس يضحك و يقول إبليس ما يقدر يضحك عليك )

ماني حابة أتفصل بالموضوع هذا ، بس عشان لا أحد يقول اتركيه براحته و لا تدققي ،
يعني وحدة شايلة مسؤولية البيت و كل شئ ، و زوجها يرمي فلوسه على العطور ، ماحد يرضاها ،،
و الحمد لله إني عالجت المشكلة هذه من زمان

-----------------------------------------------------------

2 - بأشرحها بالتفصيل :
هو عنده عطور و عود ماشاء الله و نفسه في عطر جديد من أسبوعين و انتبهت عليه من أول ، كانت الظروف المادية شوي
تعبانة ، عشان مشاكل الملحقية و فواتير تراكمت عليه (يعني عنده عطور ، و أنا عندي الحمد لله ، بس كذا نفسه في عطر)
و أنا جالسة أضغط على نفسي من كم شهر عشان أساعده في تسديد الفواتير اللي عليه

فقال بداخله :
أنا لو جبت عطر دحين لنفسي ، راح تقول زوجتي ، يعني بأحرم نفسي عشان تجيب عطر لنفسك و عندك عطور ؟؟؟؟؟

قال بداخله ، أضرب عصفورين بحجر :
أجيب عطر هدية لها ، و ما راح تتكلم و منها تفرح إني افتكرتها بهدية ، و منها استخدمه أنا و يرجع لي في الأخير

أعرف تفكيره ، لإنه هذا تفكيره مع الناس دايما ، فيقول لي ما ينضحك عليك إنت ،


فزعلت ، أقصد تضايقت وقتها لإنه الموضوع عادي مشيته :
لإني حسبته تغير و إنه افتكرني بشئ ، و بجددددد فرحت بالهدية حتى لو كانت عينات صغيرة ،
بس يوم شفت حركته اللي عملها ، ( فهمت على طووووووووول إنه جابها لي عشانه مو عشاني )

و بعد كم يوم يخلصها ، و يروح يشتري لنفسه ..
يعني بدل ما يجيب عطر لنفسه الشهر هذا ( كويس صارت بالشهور ، أول بالأسابيع :14
و يخلص العطر و يجيب الشهر التاني عطر جديد له ..

يقول ، أضحك على مخها و أجيب لها عطر على إنه هدية و أستخدمه و أخلصه ( يعني هو أصلا لنفسه )
و بس يخلص ، أجيب تاني غيره



يعني بإختصار ، حزّت علي نفسي ..
بس ما عملت منها مشكلة ..

انت خلج مثله

وداوني بالتي كانت هي الداء

جيبيله عطر واستخدميه انتي وخلصيه لين تشبعين

ولا يحز بخاطرك ولاشي

الزم ما على المنتدى راحة روح الطير

__________________
لا اله الا انت سبحانك اني كنت من الظالمين

يسعدها ياااااااااااااارب موهبة الكويت

لا ياستي ، أنا اشتريت راحة بالي ، أطمنك

ليه أخسر حالي و أجيب عطر ؟؟؟ كنت دايم أجيب له ، و تخلص في أسبوع و يجيب وحدة تانية لنفسه


بس تدري ؟؟؟؟؟
و الله جاتني فكرة جهنمية ، بأعكس الآية


بأقولها بس أخلص الردود ..

إيه بالنسبة للتويكس ( ما أبغى أخرج عن الموضوع )

بس كان مسافر من يومين ، و يوم رجع ،،
و بعد كم ساعة تضايقت شوي من الموضوع هذا و خلاص رجعت عادي اتكلم ..

قلت له بعدين ..
طيب ، ما افتكرتني لو بوردة من الطريق ؟؟؟؟؟؟
قال لي ، مو جبت لك تويكس ؟؟؟؟

قلت له ، إيوة صح .. خلاص في هذه معاك حق ..
قلت له ، شفت كيف ؟؟؟
شئ بسيط ممكن يفرحني ؟؟؟

بس صحيت و لقيتها مأكولة

بالعافية
و الله جالسة أضحك ، لإنه توي رديت و أنا مبسوطة فيهم

روح الطير من جدّك رح تخليه يقرا حكينا اللي حكيناه هووون ؟؟؟

لا ،، مش معقوله تعمليها

__________________
إن كان في العمر بقية مما مضى * * فالعيش في صدق هو أول الآمال.

أختي كراي ، تطمني ..

زوجي ما يحب القراية ، يحب أنا أقرى له

فأنا أقرى له الشئ اللي في صالحي و اللي لصالحه ما أقراها له ههههههه

أختي الكريمة روح الطير

قرأت مشكلتك على عجاله ولا أعرف الجديد بالردود

ومتفهم وضعك وأعرف إن طرحك للمشكله مو قصة بخل بس تبغين شي خاص فيك هذي طبيعة النفس البشريه

لكن أعتقد أن زوجك استعمل عطورك عن طيب نيه

ولسان حاله يقول اللي لها لي واللي لي لها

وهذا اللي خلاه ما يستأذن منك لأنه مقتنع إن ما بينكم شي وما فيه شي يستدعي يستأذن عشانه

الله يزيدكم حب وسعاده ويبعدكم عن أي مشكله

__________________
إن بعض القول فن ، فاجعل الاصغاء فناً ..
>> المعرف لرجل <<

أخوي ، حتى حكاية إنه شئ خاص بيا أبدا و الله ،

أنا انسانة أحب إنه أحد يشاركني أشيائي ( بإستثناء زوجي ، خاص بيا )

يعني أحب أشترك بأشيائي مع الناس ، و الكل يعرفني ، كريمة مع الكل و اللي في يدي للكل


بس بأختصر عليك المشوار في الردود

- يعطيني العطر لإنه يحب العطور ، اسمها هدية و اسمها تكون له في الأخير

- يخلص العطر ، يجيب وحدة تانية لنفسه ، و أنا أخجل و أجيب له هدية عطر ، فيكن كسب أكثر من
شئ بنفس الوقت ، يعني بإختصار ، مستخسر فيا أي شئ

زوجي كريم مع نفسه لأبعد درجة

و ما أبغاه يستأذن ، بس لا يجيب لي هدية بالطريقة هذه ، ما أحب أحد يستغفلني
مو أول مرة ، أكثر من مرة

يعني لو قلت له ، جيب لي خاتم ذهب ، ما راح يجيب لي ، لإنه ما راح يستفيد شئ

بس لو قلت له مثلا جيب لي جوال ، بيجيب لي ، لإنه بيستفيد من الجوال و يعرفني بأعطيه

لو قلت له فرضا ، أبغى لاب توب ، بيجيبه لي ، لإنه يدري إنه هو اللي راح يستخدمه في الأخير

لو قلت له ، جيب لي مثلا فستان أو مثلا روج ، ما راح يجيبه لي ، لإنه ما راح يستفيد

أتمنى كذا الصورة وضحت


يعني النتيجة :
( زوجي يحب نفسه كثير )

و علشان كذا :
( شكراً يا زوجي العزيز ، ما أبغى أي شئ )

فهمت حبيبة قلبي

زوجك شكله متعود من صغره كل طلباته تتلبى .. وكل شي له وحده

الله يعينك .. بس ما اقولك غير تغاضي عن هالعيب علشان تمشي الحياة

المسأله ماهي عطور وبس


اللي حتى التويكس اكل منه قطعه !! مع انه قادر تماما على شراء واحد ثاني !


بس نفسه دائما تجي باللي عند غيره ههههه الله المستعان


دلليه يختي دلليه .. محتاج دلال بزوود رجالك

__________________

__________________