اليوم يعتبر من اسواء ايام حياتي

دريت بخطبة اختي اللي اصغر مني بسنتين

الخبر نزل علي صااعقه طااامه لا والله اكبر من كذا بعد

والله ما اقدر اوصف لكم شعووري


والحين اكتب لكم قصتي والله العالم بحالتي

من يوم دريت بالموضوع وعجزت دموعي توقف


مو قادره استوعب

صحيح كل شي قسمه ونصب

بس والله صعبه صعبه


كلمت خواتي الاكبر مني وقلتلهم وعاتبتهم على هالشي ليه يوافقون على زواجها وانا لسه

وش بتقول عني الناس

والله بيتشمتون فيني


ياربي رحمتك بس


صحيح لازم افرح بس موقادره والله العظيم

من يوم دريت بالخبر وانا بغرفتي مابي اشوف احد ولا اواجه احد خصوصا اختي

صحيح حنا خوات بس بيني وبينها حزازيات كثيره

امي تفضلها علي

تعاملها غير عني


واللي يقهر ان كل البيت داري بالسالفه الا انا

حتى هي كانت تتكلم وكنها تستغبيني يعني كانها مو داريه بشي

اللي حاز بخاطري امي

يوم كلمتني بالموضوع شفت دموعها

بس والله مو بيدي

وادري بعد ان هالشي مو بيدها

بس شسوي حاولت كثير ابين لها اني متقبله الموضوع بس عجزت والله


حتى اني قررت افصل من وضيفتي

مابي شي من هالدنيا

بقعد بغرفتي وادعي ربي يفرجها علي


مقدر اتحمل نظرات الناس وشفقتهم علي

ولا اقدر اتحمل كلامهم



اصلا مو متخيله شلون بحظر زواجها


ياربي هل هذا ابتلاء ولا عذاااب

استغفر الله بس






اسالكم بالله تدعوون لي ان ربي يفرج كربتي وهمي


يارب رحمتك وعفوك ورضااك

الإشراف :

تم تعديل العنوان ليتناسب مع المضمون