المشاركة الأصلية كتبت بواسطة نور فلسطين

وربي وجعني قلبي
اللي استشفيته من بين السطور
إنه زوجك من بداية زواجكم
1) شخص موسوس
2) شخص عنيد كتير
3) شخص بيحب كلمته تمشي وبس وما عنده نقاش بأي شي
4) فيه من الأنانية عنده هو وبس
5) بيفند رغبات الناس التانية متل ما ذكرتي حضرتك عن الأكل إنه مستعد يكب الأكل اللي هو ما بحبه
6) ما عنده استعداد يكون مرن أو يلتقي معاكي بنقطة
7) ما عنده إحساس بالغير
8) مادي نوعاً ما

بكل اسف اكتشفت ذلك متاخر جدا وبعد ما فات الفوت ما بنفع الصوت مثل ما قال ابو حكيم 1 في احد المواضيع هل الحب اعمى بس حاليا عملت له عمليه وصار اعور بعيد عنكم

غلطتك من البداية إنه ما حاولتي يكونلك زاوية بعيده عنه
غلطتك من البداية إنه كنتي تستخسري بحالك أشياء وهي أصلاً حقوق إلك مثلاً إنك تزوري أهلك أو إنك تطلبي عفش بيت
إنتي خليتيه محور حياتك وكلشي غيره لأ
يعني لو بحكيلك اللبن أسود فرح تسكتي وتقولي اه أسود
،،،،،،،،،،،،،،،،،،،

بكل اسف كلامك صح مليون في الميه
اذا ما ابتسم او اتكلم معه لا ابتسم ولا اتكلم مع احد
ما بعرف يمكن كلامي قاسي شوي أو ما إلي حق أحلل وأحكي كل هالكلام

لا خذي راحتك انا كتبت لاتقبل الردود مهما كانت
بس كتير قلبي انحرق عليكي
انتي يمكن كنتي تحكي عن محاسنه أدام اللي حواليكو
أدام هاي العجوز اللي بتحكي عنها

لا ما يحتاج اتكلم معها هو كان يحكي وهو واقف على الباب ويبرر لها انو لنا زمن ما شفنهاهم وانو كان مشغول يقور لي الكوسا ويلف معي الورق العنب او ناخذ لهم معمول العيد ويقول لها على الطريقه اللي عملها وهو اصلا اخذ الطريقه من امي وكنت اساعدها بس هو ما بدو ياني اتعب

دايما يردد انو ما محتاج مرأه في البيت الا للفراش فقط لا غير والا ما محتاج لها
يا ريت وقتها اشتريت له واحد بلاستيك افيد له
( ما حد يحذف ويقول قلة ادب بتعملو معروف )
عن شو بيعمل وشو بيسوي وعن ......
وشكلها عين وصابتك يا دلي علي أنا
والعين زي ما بنعرف حق
مش عارفة شو أكتب كمان
أنا قليل ما أرد على مواضيع هون
بكون دايماً متابعة بصمت
بس موضوعك جد حرقلي قلبي

الله لا يحرق لك قلب
متابعة معاكي
وربي ربي من فوق يفرجها عليكي
وحسبنا بالله ونعم الوكيل علي كان السبب باللي صار بينكم