اشكرج عزيزتي لتواصلج معاي بالحل ..
وفي ميزان حسناتج ان شالله
والله يجدم اللي فيه الخير ويهدي اخويه ان شالله

يااختي سؤال اخوك يحب بنت عمك ولالا ..
والله يغفرللوالده يجعلها بالجنه والله الي صاار يجرررح ومستحيييل انساه لو صار لي الموقف ....وليه يوووم ماجاها ولد الحسب والنسب رجعت لكم الله يعينك

هو ماقال احبها بس تحمس لها وايد وقال اباها وكانه احد مدح البنت وجي جدامها فجاه يفكر بالزواج وللعلم
كان يقول بكمل دراستي وبستقل ولاحق على العرس
..
وانا بعد اقول في خاطري خل تتريا ولد الحسب والنسب
موب اخوي كان طايح من عين امها
شو اللي تغير وصاروا متحمسين له .. نصيييب؟؟؟
اشكرج غناتي لتواصلح معاي .. ربي يحفظج

الله يفرج همك وييسر امرك
انا مالومك يمكن اسووي نفسك لان الام مهما كان لايمكن نرضى لها اي اهانه عاد كيف بحراج واستهانه قدام الحريم لا اخلي عاليها واطيها وخليها ماتسوى ولا ريال لكن ستر الله

اختي روضه تاكدي ان زوجه عمك غيرانه من امك لان ابوك ماتزوج عليها ولافكر بغيرها عكس عمك
والغيره تفعل الافعال واكيد ماسبت امك الا من الحقد والغيره من امك لانها شايفه امك افضل منها وفي حكمه تقول لايرمى الا الشجر المثمر
عشان كذا هالجاهله تلفضت على امك الله يرحمها ويسكنها فسيح جناته
انتي فكري شوي وتعوذي من ابليس وصلي صلاه استخاره انتي واخوك وبعدها بترتاحين لانك فوضتي امرك لله اذا فيها خير راح يتم واذا مافيها خير راح ربي يصرفها عنكم وبكل الحالتين راح ترتاحين لانك استخرتي وماخاب من استخار

وبلعكس طرحك للموضوع كان صائب ودليل على وعيك وحرصك على اهلك

الله يفرج همك ويسعدك ويشرح صدرك يارب

صحيح فديتج لو اجوفين المنظر موقف ماتنحسد عليه وخصوصن انه كنا بالصاله الداخليه وكان بنات عمي وكذا حرمه من صوب اهل حريم عيال عمي ..
واذكر في حرمه تقول لحرمه عمي استهدي بالله يا ام حمدان البنت وين بتحصل احسن من ولد عمها ..
بعد مااحرجت امي ..
اكيد الغاليه وصحيح كلامج الغيره تلعب دور لانه مرينا بفتره احد عمومتي يقول لابويه تعال بزوجك .. وابوي كان يرفض امي على نياتها والحمدلله اللي سخر ابوي لامي انه مايتزوج عليها لانه مرتاح معاها فضل من ربي
وبالنسبه لحرمه عمي . انا وايد متاسفه لطريقه تفكيرها وخصوصن هي اهل ابوي ..
المهم انا متمسكه بموقفي لو شو مايصير ..

الا انه هالفتره الحمدلله مااسمعهم يتكلمون بهالموضوع او رددوه جدامي وهالشي اللي مطمني انه اخوي ذياب طول الاسبوع بالعسكريه وماينزل الا نهايه اسبوع بحكم انه قوانين العسكريه ودراسته تطلب هالامر ..

وحتى اختي ماسمعتها طرت الموضوع .. وان شالله ماتطريه .. على الاقل لين مايقتنع اخوي انه هالبنت ماتناسبه

..

ودعواتج الغاليه بظهر الغيب لاختج روضه بوظبي

ياعمري ان شالله ماراح يصير الا الي يرضيكم ويريحكم
والله يخلي ابوك ويحفظه ولايحرمكم منه
والله يكفيكم من فيه شر او غل او حسد ويجعل كيده بنحره
ودام اموركم شوي متلخبطه ليش ماتروحين تغييرين جو وتاخذين عمره راااح تفيدك كثير
اول شي منها عباده وفرصه تكونين في بيت الله تطرحين همومك وشوفة الكعبه وصلاة في بيت الله تنسيك الدنيا ومافيها
ومنها تغيير جو
جربي راح تدعين لي


وابد يااختي ماراح انساك بدعاء صراحه تدخلين القلب انتي
الله يوفقك وينورلك طريقك بطاعته

اشكرج على كلماتج الرقيقه اللي لامست مشاعري اختي سمو الذات وانا بدعيلهم من قلبي . والله لو الود ودي اعيش عمري كلها في الحرم
مكان انسى نفسي واحس بعالم ثاني ..

وخصوصن يوم اقعد بالدور الثاني آآه يالعالم اللي تتوجه لله عالم وناس وراحه مابعدها راحه الله يبلغني واسير جريب ان شالله
وابشرج . ووم الجمعه ببلغ ذياب ان شالله وبقوله شو صار على شمسه .. وبمدح فيها هي تستاهل المدح ابصراحه بس مااتخيلها في بيتنا لاني بجوف امها فيها وبذكر الموقف الف مرة وهذا اللي مقطع قلبي على امي هذا اللي معور قلبي على امااه .. ماتساهل والله ماتستاهل اللي صارلها .. طيبه كانت والله طيبه .. وقسمن بربي طيبه وملااك .. كانت ملاكك على الارض .. ملااك يا سمو ملاااك امي . لو اجوفينيها واجوفين سماحه قلبها تقول الله يسامحهم ماعليه الله يسامحهم . اذكر امي يوم تقول .. بتتغدين في البيت والا اوزع على الغدى على العمال ... كانت تراعي الغدى لايبرد عشان تعطيه العمامل بالشارع اللي ينظف ويزرع ..
لو اجوفينها كيف مدلعه خليفه مايتغدى بايده هي تلقمه تقول هذا اخر العنقود وكان يرقد عند امي تقول خليفه بينام عندي لين مايعرس مابخليه يخليني .. وخليفه يضحك يقولها امي لو عرست برقد حرمتي عندنا ثلاثتنا ونضحك على سوالفهم

لو اجوفي اختي بعرسها اقولها اماه تعالي تعدلي بالصالون تقول لا انت خذو راحتكم وانا لاحقه
امي ملاك يا سمو.. غير الحريم ..
ويوم ييونها حريم في البيت وقت العشااء تستأذنهم تقولهم بو بطي يتريا عشااه بوديه وبرجعلكن ماكانت تترك الخدامات يحطن لابويه ..
.. امي ملاك محد قدرها .. محدر بيرد بحقها .
بس ماراح اشاركهم الفرحه والله ماراح يصير باذن الله بدعيلهم بس موب مجبورة اشاركهم .. خلهم الله يوفجهم برايهم ..
مابا شي منهم ولا من خواتي ولا من ذياب .. كل اللي اباه يكون مستانس وفرحان الله يوفجه ان شالله ويحفظه يارب ..
انا لابوايها ولا بحضره عرسه حتى وبسايرهم لكن حزة الحزة بغسل ايدي . والله يهنيهم ...
صحيح نسيت اقولج .. انا استخرت ربي بس صادفني حلم غريب ..

والله اعتقد ان ام شمسه مازالت معترضه الزواج


وزوجها غصبها توافق وصار الكلام بين الاخوه كلام رجال فلم يعد لها كلمه

وهكذا تكون امك اللي انتصرت في الاخير رحمها الله لانها اساسا هي تريد شمسه لذياب



صدقا ان تم الزواج الخاسر الوحيد ام شمسه وامك ردت كرامتها وتحقق حلمها



الزواج رح يكون رد شرف لامك ولكرامتها


اعلم ما تشعرين فيه وخصوصا انها توفت رحمها الله


دايما اررد لزوجي والناس اي اساءه لي يمكن اسامح ولكن اي اساءه لاهلي مستحيل اسامح او انسى


اقول ابحثي واسألي وشوفي كيف ام شمس وافقت على الخطوبه وهل هي وافقت باللضغط وغصبا عنها


اتمت الخطوبه حبي ارفعي وقتها رأسك عاليا وقولي تحقق حلم امي وامنيتها كانت تتمناها عروس له وها الله سبحانه وتعالى استجاب دعاها



وقت تقولي هذا الكلام ام شمسه رح تحس بان الاهانه ردت اليها وان امك اللي انتصرت


حتى وهي في قبرها انتصرت امك عليها

فكري بكلامي


ومن ثم انا اريد وانت تريد والله يفعل ما يريد




وانتي كل ما شفتي شمسه بصوت عالي وباي مجلس رحبي فيها بصوت عالي :


رحم الله امي كانت تحبك وتتمناكي زوجه لابنها والله سبحانه وتعالى استجاب دعاها



الله يختار الخير للجميع ويوفقهم



تعجبني ردودك ومواقفك احس فيها تمرد على المجتمع


واتاري وراء كل هذا قلب مجروج على امك رحمها الله

ومن ثم لا يصيبنا الا ما كتب الله لنا



اخي بعد ان خطب ووصلت العروس البيت جا اهل امها واخذوها من بيت اهلي يريدون فسخ الخطوبه في يوم وفاة والدها



وسبحان الله العظيم اصبح عندهم اربع اولاد



ابوكي بخطبته لابنة اخيه انتصر لامك ورد اليها كرامتها بعد وفاتها


ليت الرجال يتعلمون منه كيف احب زوجته

ابوكي يثأر ويمشي كلمة والدتك فوق كلمة سلفتها


وهو لا يهم من سيتزوج ولده


الاهم عنده ان لا ينكسر طلب والدتك رحمها الله

والدك يثأر لامك رحمها الله



اخوكي والباقين لا يهمني افكارهم انما انا دخلت لاعماق قلب والدك

اختي مفارق ..
في البدايه اشكرج لمداخلتج وتحليلج
الغاليه كلامج صح حمدان طليق اختي وامه امه شمسه هم للحين معترضين بالفعل اصبتي بتحلليج
والكلام وصل عن طريق بنت اختي خبرت امها وامها خبرت اختيه ومن جي
قال عمي لزوجته .. حلف عليها بالطلاق .. وحتى واحد من عيال عمي قالت يمدح باخوي جدام امه

وابوي مايبا شمسه الا يوم ذياب فتحله موضوعها وذياب متواصل مع بنت اختي لانها من عمر المرحوم بطي اخويه متواصل معاها من جي اثرت عليه وفتحت عيونه على هالشمسه ..

انا مايهمني كل اللي يصير ولايهمني يفرحون من بعد موتها
كل اللي يهمني ماتركوها تفرح مثل ماكانت تتمنى بس الحين بيفرحون على حسابها هالشي مستحيل يصير ولايمكن يصير طول ماراسي يشم الهوى
انا شو اللي يضمني ام شمسه ماتاثر على بنتها باجر وتحول حياتي اخوي لجحيم
لاتنسين انه هالششي بيصير غصبن عنها وعن ولدها
اللي صار الاطراف فيها



موافقه شمسه وابوها وخواتها واحد اخوانها
موافقه ابوي وخخواتي وذياب صاحب الشان ..


والمعارض انا واعوذ من كلمه انا x ام شمسه وولدها حمدان ..
وكأن اتفقنا انه مانتفق ..
انا مايهمني شي انا اللي بسعاله وبكل اللي قدرني اني انقذ اخوي ذياب من هالزواج الفاشل اللي مستحيل يتم طول ماانا اخت ذياااب

انا مااقدر امن على اخوي عند شمسه وامها وباقي العايله .. شمسه طيبه بس هذا موب معناته انه بتستمر بطيبتها دوام الحال من المحال باجر ماردها تسمع كلام اههلها ومااظمن ابصراحه ام شمسه واخوها ..

شمسه اغترت بشاب اللي هو ولد عمها وحبت وضعه وتفكيره بالحيااه ووطموحه فحبت تشاركه هالشي ..
وانا مااقدر ارحب فيها ولا في امها ولا في بنات عمي بكبرهن
سمعتي بالمثل اللي يقول العيون تتشاوف والقلوب تتلاعن ..
من بعد طلاق اختي من حمدان وهم بينا وبينهم عداوة .. حتى اختي ماتقدر اجوف عيالها اال لازم تجتمع معاهم بالمراه النهضه الضبيانيهه غصبن عن حمدان يسحبون عياله لانه مايبا عياله يجوفون امهم ... اللهم الحبل الوصل بين العيال وامهم
هي بنت اختي اللي تكلم امها بالدس والخش وحتى اخوانها يكلمونها الا بنتها وحده طلعت على ابوها تكره طاري امها ..


انا اعزي حالي على خواتي اللي ماتت اماه عندهم ولافكرن ينتبهن للي يصير موضوع مايستهان فيه
وكلهن شاهدات على الموقف .. كلهن اشهدن انه ام حمدان اجرحت اماااه .. قالني بسج واصحي وعيشي اليوم وخلينا نستانس شوي
وكان الوناسه لازم تكون على جرووح امي ..

والسموحه الغلا واشكرج من كل قلبي على مداخلتج لي بحفظ الرحمن

انا معك في حرقة القلب القويه اللي انتي فيها


ولكن ابوكي ثأر لامك وها عمك هدد زوجته بالطلاق ان لم يتم الزواج


وانا معك انو صعب وخصوصا اختك مطلقه وما تقدر تشوف اولادها


هو ذياب وشمسه ضحيه الكبار

وابوكي وعمك انصفو امك

امك ولو في القبر رح تكون فرحانه


اعملي استخاره وشوفي ان امك سسعيده لهذا الزواج ام لا



هي تأتي اليك امك في الاحلام


ماذا تقول لك


وكيف تكون سعيده مبتسه


لان تصل رسائل من الامهات رحمهم الله لاولادهم عبر الاحلام




انسي ذياب وشمسه حاليا وخلينا نروح للوالده رحمها الله


اعملي استخاره


اقري آن عن روحها



اغمضي عيونك وكأن والدتك رحمها الله امامك كلميها اسأليها


سوف تأتي اليكي في المنام ما تخافي




من حوالي عشرة ايما جا الحنين لجدتي وتذكرتها وكتب في الفايس بوك مشتاق لجدتي اسوفهها


وفعلا مشتاقه


سبحان الله العظيم جدتي لامي وجدتي لابي

اسبوع رأيتهم فيه 3 مرااات

وصلتني منهم رسايل قصدي الرؤيه تدل على اشياء




انسي الكل واغلقي عيونك وفكري بوالدتك


ومن ثم من نحن البشر للنتقم ونثور

وهناك رب يعبد يمهل ولا يهمل




امك توفت رحمها الله ولكن ام شمسه تموت كل يوم الف مره ولا تريد لهذا الزواج ان يتم


ام شمسه عايشه برعب كبير خوفا من التهديد بالطلاق اولا وفي قلبها حقد دفين لكم يقتلها ويشعلها ناراااا



اتركيها لربها هو كفيل بها


اعلم بنارك انا وشوقك لوالدتك


ومن ثم اهمس لك والكلمه في سرك

مش كل الاولاد حناين و يحملون نفس الشعور لاهاليهم يعني انتي مثلا غير اخوتك

حبك وحرقة قلبك لامك اقوى منهم


ولن نستطيع ان نقوي لهم الشعور فاتركيهم لانفسهم

ولا تحرقي نفسك


والله انا مكانك افرح سبحان الله العظيم انصف امك وحقق امنيتها رب العالمين


ومن ثم الام تفرح وتشعر باولادها وهي في قبرها في حياة البرزخ


ابوكي بسم الله وما شاء الله

ليت الازواج يتعلمون منه كيف هو الوفاء



ومن ثم الا تعلمين ان الله يخلق من بين الطالح صالح ومن بين الصالح طالح