بصراحه يا ألماسه والله انه محزنني
احسه كاسر خاطري لما قلنا له بنقاطعك بس احنا مسامحينه من داخل
بس نبغاه يعرف ان اللي سواه مو سهل وبسيط علينا
ونبغاه يعتذر ويحس بغلطه
حسيته جدا انجرح من كلامنا و انصدم لانه ما عرف يرد !

بالنسبه لمواقفي معاه ماااااااعرف ايش اسوي
خلاص انا احاول احبس نفسي بغرفتي قد مقدر عشان مايشوفني
لانه اليوم لما قلت له لو سمحت ما ابغاك تكلمني جججججججدا تنرفز
ولما سكت تنرفز اكثر
ولما نظفت ما عجبه و قرر يحبسنا اكثر !
ما اعرف صراحه اتفاهم معاه ومابي اتكلم وجلسات مصارحه لاني احس
ما بطلع ب نتيجه افكاره جدا ما اقبلها !

يا حبي لك
ويا حبي لشخصيتك
حبيتك يا بنت
والله يخلي لك الوالد اللي رباك هالتربية الحلوة
ويارب بناتي يطلعون زيك
ما شاء الله تبارك الرحمن

__________________
.
هناك من يتذمر لأن للورد شوكاً، و هناك من يتفاءل لأن مع الورد شوك.

صورت كلامك و احتفظت فيه ب جوالي
لانه رفع لي معنوياتي كثير !

شوفي زي اللي احس صار في غشاوه على عيني
انا محبوسه وبدون تيلفون و ماعرف لمين ألجأ من اقاربي
واخوي جلس ينتقدني بكل شي بحياتي 3 ساعات يعتذر و ينتقد !
تعرفين اللي احس تلخبطت
صرت احس العالم حدوده اخوي و تفكيره !

لما طلعت مع عمي امس
ولما كلمت عمي الثاني
وطرحت لهم افكار اخوي 1 2 3
ارتحححححححححت لما حسيت في ناس تأيدني انه مو طبيعي
و انه افكاره غلط !
وانه اللي انا كنت افكره و اعيشه و ابني عليه حياتي سنين
ك افكار انه الرجل المفترض ما يمد يده على الحرمه
ما يسبها بكلام قذر
ما يرميها بالأيام ويصيرون اصحابه رقم 1 وهي تكون ب حمايته
ما يطلب منها اي ريال حتى لو عندها مال قارون الا ب رضاها و يتولى هو الصرف عليها

ارتحت لما كلمت عماني وحسيت ان العالم فعلا نظيف و أبيض
ولسه فيه خير وان الأفكار الحلوه اللي كنت افكر فيها موجوده ولسه تتطبق عليها !

شكراً لأنك دعيتي لأبوي الله يجزاك خير
هو اللي له الفضل بعد الله بكل شي حلو بحياتي
لأنه هو الشخصيه المحوريه الوحيده بحياتي اللي آمنت فيني و صدقتني و وقفت معاي و شجعتني بكل شي + اختي الله يحفظها

والله لو اقولك ب إيش دعمني ما بتصدقين
بتقولين مافي رجل بمجتمع مغلق ومحافظ ب يدعم بنته ب شي زي كذا

- والله يجعل بناتك افضل مني و تقر عينك فيهم ويرفعون لك راسك يارب

صح كلامك هو يتعلم مايمد يده ،
طمنينا عليك ..

__________________
اللهم أجمعني مع أحبتي في الفردوس الأعلى من الجنة ،،


[IMG]http://im67.***********/mg87DX.gif[/IMG]

[img]http://im81.***********/aTanJF.gif[/img]

مررررره خايفه
اكتب لكم وانا حابسه نفسي بالغرفه

اليوم كلمت عمي العصر وحكيت له كل شي
قلت له ايش وجهة نظرك بالانسان اللي يمد يده على حرمة ضعيفه ؟
قال طبعا شي غير مقبول
قلت له شوف انا طحت بمشكله وابي ألجأ لك فيها بعد الله
ولجأت لك لانه ابوي مو موجود و راح يتأخر ب سفره
وانا اثق فيك و اثق ان هالموضوع ما بيطلع بيني وبينك

وكان ردة فعله مره رائعه قال بيجي بيتنا و بيسمع من الطرفين
بس قال ضربه لك غير مقبول وماراح يعيدها ابد بعد اليوم خليك واثقه من هالشي
وقال اللي يسوي كذا فيه نقص او خلل بشخصيته او خلل ب دينه
و مو رجال
قال لان الدين والرجوله و مباديء العرب كلها تنهى عن هالشي
وانه المفترض يكون امانك وما يسبب لك خوف
وقال اخوك من زمان احسه مو طبيعي للحين مو مستقيم وهو بيصك الثلاثين
ولا يحافظ على الصلاه !
احس في عنده اضطراب ب شخصيته
( طبعا هالكلام ما فرحني بالعكس حزني و جرحني لانه يبقى بالأخير اخوي )

بس كنت مصدومممممه
انه في ناس يشوفون اخوي زي ما انا اشوفه
وكنت مصدومه انه كلام عمي عكس احساس اخوي عن نفسه
لما قال كل الناس يحترموني ويعتبروني ناجح وانتي فاشله حتى عماني يدرون بهالشي !


قال لي ايش المطلوب ؟ تبغيني اكلمه ؟ اخاف احرجك
قلت له بالعكس انا ابيك تكلمه وابيك تسمع من الطرفين
ولو غلطانه ب اعتذر بس ما يمد يده

قال انا والله ما كان ودي اتدخل عشان ما احرجه ودي الموضوع يبقى بينكم
بس دامك قلتيلي ابوك مو موجود لي الشرف اكون بمقام ابوك

وقال لي لايطلع هالموضوع لأي طرف بالعايله خليه بيني وبينك لانه محرج

وحكيت لعمي عن الطلعات والفلوس
قلت له ما يعطينا او يطلعنا !

قال ابشري انا بخلي عمك ( فلان ) الحين يرسل لكم فلوس
على اساس انه ابوك محول لكم

اوك ردة فعل عمي رائعه
بس الحين صارت مصيبه !

عمي الثاني ( مايدري بالضرب ) دق ع اخوي وقال له اطلع بعطيك الفلوس
واخوي دخل وهو معصصصصب
واحنا اول ما دخل ركضنا لغرفنا وقفل الباب
وصار يدق بقققققوه يقول افتحوا
وينادي اختي الثانيه يقول افتحي انتي الطيبه انتي اختي الحبيبه
بموت من البكي جرحني ليش يحسسني اني نذله واني شريره !
يقول لا تخلينها تأثر فيك

يقول والله لا اوريك
بدق على خوالي و اشوه سمعتك وما اكون رجال
يهددني

والحين انا بغرفتي حابسه نفسي
وهو بالصاله يهدد ويتوعد


يارب احفظني

انا عارفته ب يدق ع خوالي ويكذب ويفتري
لانه ما له ممسك علي ما غلطت عليه !

يارب والله خايفه ع سمعتي عندهم

ارسلت كولمي لعمي الحين ابغاه يشوف حل !!!!!!

حسبي الله والله صرت اخاف منه
..

ايوه فقط هذا اللي ابي اوصل له

حبيبتي بعد كل هذا تأمنين على نفسك معاه بالسفر .؟!،،،
حاليا انتظري لوقت رجوع والدك وابعدي الاحتكاك عنه بشكل كامل وان طلر شي اعمليه وانتي مطنشة ولا تناقشيه او تردي عليه! هو قاعد ؤطلع حرته فيك ،، والسبب ثقتك بنفسك ونجاحك واسلوبك وهو العكس تماما رغم كبر سنه فيحس بالنقص بالتالي يبغيك تكوني مثله لحتى يحس بالرضا عن نفسه ،،، السفر انصحك حتى لو زعل لا تسافري معاه! انتي ببلدك وبين اهلك واويلاه فشلون بمكان غربة ومحد لك ؟

لا والله ابدا ما أأمن على نفسي : (
هو صح ماراح يذبحني او يقتلني بس بعد خلاص ما ابغى اعيش ب خوف مره ثانيه

هذا اللي اسويه مره ما احتك فيه ابدا
اساسا بقول لك شغله : بالاساس احنا مانشوفه الا مره باليوم ولدقايق بسيطه
يمر يتلقف ويشوف ايش الشي الغلط بالبيت ويسب ويصارخ ويلعن !

حياته زي ماقلت لأصحابه وسفراته فققققط ما يسأل علينا
وهذا كان اكثر شي مستفزني لانه يحاول يفرض سيطرته رجولته علينا فقط ( من باب الطلعات والخروج ) و يبررها بأنه يخاف علينا
طيب الرجال فعلا واللي يخاف فعلا ( يعرف عن خواته يعطيهم فلوس يسال عليهم يسكر الباب وراه لما يطلع )
معليش انا مقدر اقتنع او اصدق هالمبرر انه خايف علينا
لانه اللي يخاف ما يخاف من ناحية وحده بس ، يخاف من كل النواحي

شوفي انا لو ب استرجع تصرفاته كلها معانا طول هالايام بموت قهر
ف بحاول اتناسى لان الموضوع قرب ينتهي

و ان شاء الله طلباته راح تكون اوامر
وانا فعلا احسه يحس بالنقص بشكل كبير وهالشي بالعكس مزعلني عليه : (
ومتأكده بعد زي ماقلتي انه ماراح يسامحني لو رفضت اروح معاه

لانه مره ارسل لي قبل فتره وانا ب دوامي
انه لو وافقتي على اللي متقدم لك و تزوجتي وسحبتي علي والله ما اسامحك طول عمري

ألزم ما علي نفسيتي صراحه ..

ماراح يقدر يشوهه سمعتك ،،
ولا تحطي هالشئ في بالك ،،
ولا أتمنى تطلعين من غرفتك ،، وان فتحتي
الباب لا تستفزينه ،،

وان شاء الله عمك يرد ويجيكم ويحل الوضع ،،
اخوك ردة فعله جدا مبالغه ،،

الله يهديه ويحفظك من كل مكروه
أوصيك بالاستغفار ،

__________________
اللهم أجمعني مع أحبتي في الفردوس الأعلى من الجنة ،،


[IMG]http://im67.***********/mg87DX.gif[/IMG]

[img]http://im81.***********/aTanJF.gif[/img]

هو ماراح يقدر يشوهها
لانه اللي فهمته من كلام عماني امس عن اخوي
انه واضح ان شخصيته مو مضبوطه
بس يقدر يكسب تعاطفهم لو حكى لهم موضوع السواق والتنظيف من وجهة نظره

لانه عنده اسلوب بالكلام : (

- ان شاء الله
صارت غرفتي حبس انفرادي
اساسا كلما اسمع صوت باب غرفته اركض لغرفتي خايفه منه ومن كلامه
اخاف يجرحني بالكلام حتى لو ما مد يده
مررررررره ما اتحمل : (

- مررررررررررررررره مبالغه صادقه
- بإذن الله بلتزم بالاستغفار ، هذي سبحتي جمبي شكرا لك لأنك تذكريني بالله سبحانه و تعالى