|
|
09-08-2014, 08:49 PM
09-08-2014, 09:48 PM
|
المشاركة الأصلية كتبت بواسطة Sandraa jeddah
اخوك حنون ولكن مندفع لا أكثر
انتي كوني ذكيه ولاتتصادمي معاه وخذيه بالكلام انتي اللي بتكسبي بالنهاية البعثة روحي وكملي اجرائاتك لكن اعتبريه محرم صوري لاتعتمدي عليه هناك نهائيا،،، موضوع التحرر في حلقه مفقوده ،،، اذا تأكدتي انو اخوك متحرر ( التحرر اللي ممكن يوصل للإنحلال) مو متفتح ،، الأفضل ماتآخديه لبرا يمكن يعتبرك جسر يوصل هناك و يعيش ملذاته ببلاد الغرب بلاحسيب ولارقيب ،،، موضوع الضرب اذا اول مرة ( اذا متعود في حلول ثانيه )لاتتجاوزيه مهما صار دخلي ابوك يآخذ حقك ولا اعمامك ويعتذر ويحلف مايعيدها ،،، انا انضربت ووصلتها للشرطه وماتنازلت الا لعيون ابويا وبمبلغ وقدره ،،، مسكين اللي يعتبر الرجوله اهانة انثى ضعيفه ،،، |
09-08-2014, 10:16 PM
|
المشاركة الأصلية كتبت بواسطة بنت الكرام
صح كلامك هو حنون ومندفع
والله يا اختي ابدا ما اتصادم معاه اساسا ما احتك فيه لانه طول الوقت برا بس يدخل ويصارخ .. ! يعني طوال ايام الاجازه اللي راحت ماحس صار في أخذ وعطا واحتكاك حقيقي بس أوامر وصراخ و سب مررررررررره خايفه من مسألة الابتعاث ، بقولك شغلة : انا انسانه ما اتحمل الألم النفسي ابدا و من بعد سالفة الضرب ما احس بالأمان معاه امممم احس مسأله الابتعاث يبي لها توازن ، يعين لو كان ضرره قليل علي ( مثما كنت اتوقع سابقا كان ما فتحت الموضوع ) لكن احسه فعلا قاعد يجرحني بالكلام والأفعال بالنسبه للتحرر : هو مو متفتح ، هو ما عنده مباديء شرعيه يمشي عليها ثوابت نص عليها الشرع بنصوص صريحه صحيحه يجلس يناقش فيها ويسمح لنفسه يفتي و يحلل مثل ( الصلاة الاستغفار العباية الساترة النقاب الموسيقى الافلام ) يعني مو مقتنع انه مسوي ذنوب بالعكس مقتنع ان كل النصوص غلط ! ودايم يقول لي انا اتبع القران فقط ! وفي القران مافي شي زي كذا ومالي دخل بتفسير العلماء لانه كل شي حرموه ! و انا شاكة بالنقطه الاخيره انه يعتبرني جسر يسوي فيه اللي يبغى لانه الحين يسوي هالشي صاير يوميا يعزم ناس للبيت ويقفل عليه جناحه كله ويخليهم ينامون عنده واشكالهم ما تريح ( اقرب للإناث ) وهالشي بوجود اهلي عمره ما سواه ! فتحي عينك أكثر ودققي الملاحظة يمكن تكتشفي اشياء ثانيه واربطي المواقف ببعض راح تكتشفي شخصية اخوك ،،،اخوك من النوع الذكي اللماح الحريص اللي يفكررويخطط ولالا على نياته زي ماتجي تجي حكاية انو ينسى باب الحوش مفتوح وانتي لوحدك بالبيت تأكدي منها،،،، مو اول مره يضربني مره قبل 7 سنين ونفس الشي ابوي كان عنده انتداب وكان يضربني هذيك الفتره على نفس الاسباب انه طلبني احط له الغدا على السفره قلت له اوك شوي و اجي ( كنت اكلم صديقتي تيلفون اخذ منها تحديد مادة للاختبار ) و انتظر شوي بعدين جا و كسر التيلفون و ضربني بالحزام و العقال ! ايش ردة فعل ابوك يومتها ولاسكتي ؟؟؟ تدرين انك فتحتي ذهني على شي ما قد فكرت فيه هو ما يمد يده الا لو ابوي سافر سفر طويل احسه يبدا يحس بٌاحساس الرجولة والسيطرة بهالطريقة ! |
09-08-2014, 11:05 PM
|
المشاركة الأصلية كتبت بواسطة Sandraa jeddah
نوعية اخوك قاعد يتصرف وعارف انو ماراح أحد يحاسبه
بالأساس انتي مو قريبه منه وعلاقتكم رسميه مالو حق بالأساس يطلب منك أي شي استغرب اهلك يعرفو انو عديم مسؤولية ويحملوه مسؤوليتك ؟ |
09-08-2014, 11:20 PM
|
المشاركة الأصلية كتبت بواسطة بنت الكرام
ايوه احسه كذا جدا من هالنوع
وقلت له هالكلام اليوم الصباح : انه انت دخلت شباب وناس غير مريحه للبيت وابوي لو درا ماراح يرضى قال مو لازم يرضى أحد انا رجال و اقرر ! و صح انا مو قريبه منه وهو اصلا يطلبني انظف البيت مع انه عايش بجناح خاص فيه وما يدري عني بس يقول انا اطلبك كذا عشان تتطورين للأفضل وانا يهمني يكون كل البيت نظيف آه عانيت من مسألة انه عديم مسؤوليه واحساس اهلي لاني قبل ايام كلمت الوالد يرسل لي فلوس لانه اخوي ما يعطيني و مجوعني راح ابوي اتصل عليه و هزأه وقال له برسل لها على حسابك وعطيها جا عندي قال انا قلت لأبوي ما يعطيك خلاص انا بعطيك و مرت 5 ايام ما عطاني شي و امس طلبته فلوس قبل اروح بيت صديقتي قال مالك عندي شي لانك تأخرتي بالتنظيف !! |
09-08-2014, 11:44 PM
|
المشاركة الأصلية كتبت بواسطة Sandraa jeddah
لازم تكون لك ردة فعل
واستغلي موضوع السفر لصالحك خاصة انو متحمس للسفر وجالس يحط خطط لحياته هناك هوه متفوق في دراسته عشان كدا يبغى يسافر ولاعشان يبغى منبهر بالحياة هناك ويبغى يعيشها ؟؟ من دحين لاتطلبي منه شي وخلي طلباتك من ابوك مباشره وهو يكلمه واذا ما عمل لك الشي زي ماطلبتي ارجعي كلمي ابوك ،،، اعرف انها بتطول الهرجة بس لازم يحس بردة فعل منك على الضرب،،، انتي لاتتصادمي معاه ولاتغلطي بالكلام وتستفزيه وتأكلي علقة جديده ،،، خلي ردودك معاه مقتضبه كلمة ورد غطاها،،، جدا متعاطفه معاك على موضوع الضرب انتي مو حيوان يجلس يجرب قوته فيك 3 مرات انا لما انضربت وصلتها للشرطة ودار الحماية وحقوق الانسان وكان بيني وبين الإعلام شعره دحين اخواني يفكروا ألف مرة قبل مايتجرأو يمدوا يدهم وعلاقتي فيهم اسوأ من علاقة اخوك فيك سألتك عن تصرفاته بشكل عام بالذات موضوع التحرر فكري ودققي ملاحظاتك واربطي المواقف ببعض،، اول مرة اعرف أخ يقول لأخته اخلعي النقاب حتى لو كان مو مقتنع فيه أكيد بيخاف المجتمع ومن كلام الناس ،،، ارجعي تذكري لما يكون الباب الخارجي مفتوح تذكري المواقف قبلها وبعدها ،،، |
10-08-2014, 12:02 AM
|
المشاركة الأصلية كتبت بواسطة بنت الكرام
ياحبي لك حبيت فيك انك مستعده تتناقشين معاي لأبعد حد
ذقت الضرب مرة وحده تنذكر وماتنعاد ههههه عشان كدا متعاطفه معاك جداااا كلما تمر اللحظات تزداد عندي فكرة اني ما آروح معاه آبدا لانه شخص لا يؤتمن - بالنسبه للدراسه انا كان طموحي الإبتعاث وهو شافها فرصه يروح معاي لإنه معدله جدا منخفض وانا معدلي عالي هو مش طموحه الدراسه بقد ما هو طموحه ياخذ درجه علميه عاليه ويرجع ويصير معيد او دكتور عشان يضمن وظيفه مريحة بدخل عالي لأنه كان موظف على شهادة البكالوريوس و وظيفته مرهقه جدا وساعاتها طويله وانا فرصته الوحيده للإبتعاث و احس فيه نوع من الانبهار لانه متأثر جدا بالحياه الغربيه بشكل لايوصف بس احس الأكثر انه يبغى وظيفة مريحة ! كلام حلو شوفي حبيبتي هو من بدا مشوار السب عنده والإهانات صرت أخلي ابوي الرابط بيني و بينه و هالشي يستفزه ججججججججججدا اممم اجل وقفي التواصل مع ابوك وخليه مباشر وبهدوء ولاتطولي بالكلام ولاتبرري الأشياء اللي تتوقعي يكلمك عليها زي تنظيف البيت وتجهيز الاكل خليها حاهزه قبل وقتها عشان مايحتاج يكلمك ويتصادم معاك ،،، لاتطلعي مشاوير الا للضروره وكوني هاديه لاقصى درجة اذكر المره الاولى لما ضربني واتصلت على ابوي و سمعني انقهر و ضربني اكثر ! لكن خلاص انا ماعاد بطلب منه شي عشان يوصل الموضوع لأبوي بطلب من اي احد غيره ! زي مين مثلا اذا تقدري تستغني استغني ،،، بس بدون استفزاز - لا هو من النوع اللي يتأثر بكلام الناس ججججدا خاصة الجيران والاقارب اذا كان في البيت يعني هو بعد ما ضربني قال لي الحين مين بيتزوجك وانتي طالعه مع السواق افرضي جارنا شافك ؟ قلت له : طيب انت قبل ايام لما رحت عزيمة صديقتي دقيت عليك ترجعني قلت لي ارجعي مع السواق قال : لما اكون تعبان عادي ارجعي معاه قلت له : ما شاء الله والناس راح تدري انك بهذيك اللحظة كنت تعبان وراح يرجعوا يخطبوني ! و لما نبعد عن البيت العكس اكثر من مره نروح لدول مجاوره ويضغط علي آشيل النقاب اجل معناتو متاثر فقط ببعض الكلام وماعندو قناعات ومبادئ زي ماقلتي انا سبق وكتبت انا متأكده لو رحت معاه راح يبعدني عن الله ! |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض المتطور