بالعكس اجابتي واضحه جداً وع راسي ياخوي ليه ازعل

وبعدين برأيك هل يوجد إمرأه عاقله تفكر في الطلاق بسبب وزن زوجها ؟

أنا أشوف نفسي ان شاء الله من العاقلات وان لمحت بشيئ فلا أقصد الطلاق أبداً وأكيد أخطأت في تفسيرك لكلماتي الي ربما كتبتها عفويه

الحمدلله هذا الذي كنت اريده ...!
الله يحفظ لك زوجك ويقر عيونك بصلاحه ورشاقته بعد ...!

__________________
رَبِّ أَعِنِّي وَلَا تُعِنْ عَلَيَّ، وَانْصُرْنِي وَلَا تَنْصُرْ عَلَيَّ، وَامْكُرْ لِي وَلَا تَمْكُرْ عَلَيَّ، وَاهْدِنِي وَيَسِّرِ الهُدَى إِلَيَّ، وَانْصُرْنِي عَلَى مَنْ بَغَى عَلَيَّ، رَبِّ اجْعَلْنِي لَكَ شَكَّارًا، لَكَ ذَكَّارًا، لَكَ رَهَّابًا، لَكَ مِطْوَاعًا، إِلَيْكَ مُخْبِتًا قَلْبِي

اولا اختي اكبر غلط هو التأليف في نظام الحميه وممارسة الرياضه اعتباطا ..
الفحص ثم الفحص ثم الفحص .. من بعدها يقرر الدكتور مع اخصائي التغذيه كيف يقدر اخينا بالله انه ينحف .. يعني اول خطوه تبحثون عن السبب .. لاني مريت في مثل ها المرحله وكنت اتبع نظام غذائي من النت ومشي مع جري لمدة ساعه كامله ولا خفيت .. بس لما عملت الفحص طلع عندي احتباس املاح .. فكانت العله في اني لما اشرب ماء وامارس الرياضه تتفاقم المشكله اكثر فكان الحل في البدايه اني اكثر ماء بدون رياضه وخفيت قرابة الــ 20 كيلو بدون رياضه ..
لذلك اول خطوه تبحثون عن المشكله ..
النقطه الثانيه كل ما زاد العمر قلت قدرة الجسم على حرق الدهون .. فأنا قبل الثلاثين كانت اموري في السليم .. اما بعد الثلاثين من العمر اصبحت السيطره على الوزن صعبه جدا ..
النقطه الثالثه .. لا تضغطين عليه .. انا كنت امشي في بداية المطاف على اني انزل نص كيلو او كيلو بالشهر .. الموضوع يبغاله صبر وموضوع الضغط ابدا ما ينفع .. خصوصا نحن كعرب اكلنا كله دسم ودهون وبلاوي سوده .. عكس الاجانب اكلهم اليومي يساعدهم ..

بعد استشارة الطبيب خل ينزل برنامج في الاندرويد او الابل ايهما يستخدم الاول للمشي وهو NIKE يحسب لك كم تمشي في اليوم
والثاني لحساب السعرات الحراريه ممتاز جدا .. يحصل فيه نوع الاكل وكم سعره حراريه ويحسب له كم لازم يحرق وكم يمشي من الالف للياء ... MYNETDIARY
وان شاء الله انه راح يستفيد ..
وتنزيل الوزن مب عشان يصير شكله احلى .. لكن عشان صحته

تراها صعبه على السمين انه ينحف .. عكس الضعيف يحسب الموضوع سهل .. اسألي المجربين ^_^

وعلى وزنه الحالي لا يفكر ابد في العمليات الجراحيه ... العمليات هذه للحالات الميؤوس منها للي تعدت الــ 200 كيلو .. اما زوجك وزنه سهل ينزله ..

..

انا اتفق مع الاخ خالد
لازم اخصائي وخليك انتي معاه بالخط
عشان يتشجع
وترا الاخصائي يخليك تختارين الوجبه الي تحبينها
اويحبها زوجك باقل سعرات حرارية
وبكذا مايحرم نفسه من الاشياء الي يحبها
بعكس لو هو سوا نظام غذائي من نفسه

__________________
استغفر الله وأتوب إليه

شكراً لك أخ خالد مااعرف كيف اشكرك لكن جزاك الله خير

المشكله في الخطوه الأولى اذا تسهلت بتتسهل معاها الأمور الثانيه

وفي شي ذكرته انه تتحسسو من الموضوع هذا صح طيب كيف اطلب منه الذهاب لأخصائي فكرت الفتره هذي اتركه لانه زاد وزنه اكثر من 9 كيلو في شهر والى الان حسسته إنه مافي فرق بين قبل ماشفته وبعد واحسه ارتاح ووقف تلميح ع ردة فعلي ع زيادة وزنه

الى الآن تمام احسه مرتاح نفسياً تجاهي اني مو مهتمه لزيادة وزنه فإيش الخطوه الي بعدها كيف أبدأ أفهمه بدون مايتحسس نفسي يستغل الإجازه بالذهاب لأخصائي وبعدها للجيم

هل اطلب من رجل ( اخويه او خالي) يقوله أفضل من اني أنا اقله ؟ حبيت استفيد منك بما إنك مريت بظروف مشابهه ان شاء ماتسحب علي زي الأعضاء الي قبل

موضوع الاقناع بيكون صعب شوي .. خصوصا ان امراض السمنه ما تبين الا بالفحص .. وان شاء الله يكون سليم وما عنده اي مشاكل صحيه ..
في طريقتين عشان ينتبه على نفسه ..

الاولى .. الانسان ما يتجه للفحص الا اذا حس باعراض بعض امراض السمنه واهني يكون طاح الفاس بالراس .. فاتمنى انه ما يوصل لهذه المرحله ..

الثانيه .. تحنين وتزنين على راسه عشان يروح يسوي فحص شامل .. واحبذ لو انك تروحين بعد تسوين فحص شامل وتقولين له تراني سويت فحص شامل والدكتور عطاني ارشادات وكلمني بخصوص امراض السمنه من سكري وضغط وقلب وشرايين وكل ما يخطر على البال عشان يخاف ويروح ركض يعمل فحص شامل من نفسه .. انا لما سويت فحص قال لي الدكتور انت معرض للاصابه بالسكري بعيد الشر عليكم فــ اول ما طلعت من عنده قمت اخفف بالاكل وامتنعت عن السكريات نهائيا وصرت امشي الفجر ساعه والعشا ساعه
في بعض الحالات لازم الشخص يحصل له لسعه خفيفه عشان ينتبه على صحته ..

وما انصحج تلجئين لشخص اخر يكلمه نحن راسنا يابس في مثل ها الامور ويمكن يعاند اكثر واكثر وتسوء حالته اكثر .. فخلي الموضوع بينك وبينه وان شاء الله راح يسمع الكلام ويروح ركض يعمل الفحص ..

ونصيحه اخرى لا تلجئون لاي من مراكز النيوترشن .. روحوا لطبيب ومستشفى مختص في مثل هذه الامور ... لي تجارب مع مراكز النيوترشن وعرفت انه شغلهم كلام فاضي وتجاري بحت ما همته صحتك انما همهم مافي جيبك ..

هي اكبر مشاكلنا العناد .. متى ما تخلصنا من العناد امورنا راح تمشي في السليم باذن الله .. يعني بين فتره وفتره ذكريه بالموضوع .. بس مب يوميا .. راح يطفش ويزيد الطين بله ..

واي مساعده اخرى انا حاضر .. لو تبغين برامج تغذيه مشيت عليها وكيف كان جدولي بحط لك اياها .. بس مو بالضروره تنفع زوجك لانه لازم يشوف دكتور ويعرف حالته ..

خلي يسوي تكميم ويرتاح وترتاحين ....

شكراً لك ظل الياسمين 😘


الفلوجه وزنه مايحتاج لتكميم وبعدين انا من الأشخاص الي مو مقتنعه في العمليات لأجل التنحيف ممكن حبوب

لكن عمليه يعني ذبح وتقطيع جسد عشان ينحف مو لازم ينحف

وي وي وي شدعوة اختي 😂😂😂😂 كلها ناظور صغير وخلال 45 دقيقة وتخلص اسهل منها مافي .... ترة اتكلم عن تجربه انا ما كنت متينه بس في فترة فقدت السيطرة على جسمي ومتنت كرهت روحي واعتزلت الحياة الاجتماعيه وما خليت طريقه ومعند جسمي ما يضعف تالي رحت سويتها وارتحت 😊
والحين في بالونه النايتروجين شي سهل واثاره الجانبيه مو كثيرة وما فيها على قولتج تقطيع جسد 💉🔪🔪🔪

حبيبتي ليه ماتروحين إنتي وياه تسوون فحوصات
قولي له أحس عندي نقص فيتامينات
على فكرة نقص فيتامين دال يأثر بالوزن
وبرضوه نشاط الغدة سوو فحص للغدة والفيتامينات كالسيوم ، حديد ، فيتامين دال فيتامين بي المركب ، الزنك
زوج أختي ماشاء الله سمن بس ولا فارقه معه لين راح سوا فحوصات ولقى عنده أملاح وكلسترول من بعدها خاف وصار يهتم بأكله ويمشي كل يوم ، هي فرصتك تاخذينه يسوي فحص شامل ويمكن ينصحه الدكتور إنه ينزل وزنه

__________________

وبدأت تحدي إنقاص الوزن الهدف إن شاء الله 55 كيلو