خواتي (لولو وشوبارد ) هونوها وتهون وهذا كله قسمه ونصيب أدري صعب عليكن بس شو نسوي؟!! هذا زمانا
وانا حاسه فيكم وماتكلم من فراغ
انا مريت بالشوفه الشرعيه أكثر عن مره وكلهم هم اللي يكنسلون وأخر مره تقدملي واحد مهندس قبل سنه عن طريق عمي وقبل لا يقرب به عمي قاله البنت تدرس هندسه وهي طالب دارس بالجيش يعني بتخرج وبشتغل ملازم ومهندس بالجيش وهذا حالي الحين
المهم عمي وضحله علشان مايقول عقب ماحد خبرني أو يحرمني من دراستي ولا شغلي, مابطول عليكن بس عمي سأل عنه وشاف فيه شاب صالح ومكافح وهو أكبر خوانه وجدا بار بوالديه وصلاته بالمسجد المهم الشاب طلب الرؤيه الشرعيه وعمي وافق (وعلى فكره الموضوع ماكان شوفه بس يعني خلاص خطبه والرياييل عطو كلمتهم ,هلي وأبوه وعمه والمهر كان بيتسلم قريب)
المهم وبالمختصر بعد إنه شافني (وانا بحجابي طبعا بس لمن كنت لوحدي مع أمه فليت شعري عشان مايقولون فيها شي البنت)
.
.
.
.
.
كنسل الريال وقال ( خلاص انا ماريد أعرس الحين والله يوفق بنتكم وووو) طبعا بالتيلفون <<< عمي ماكثر معاه بالرمسه وسكت وهو محترق ومستغرب
تعرفوا ليش الرجال إنسحب (خمنوا!!!)
لأني شقره طالعه على أمي المصريه وهو يريد بنيه سمره ملامحها بدويه علشان ماحد يعيار عياله بعدين ويقول عيال إنجليز هههههههههههههههههههههههههههههه قسم بالله هم يظحك وهم يبكي
تعرفوا شو كان ردت فعلي خص إنه السالفه إنتشرت بين الناس فلان خطبها وشافها وهون ( قلت حسبي الله ونعم الوكيل وبسسسسسسسسسس) وانا لو أردي أطنز عليه أو أقلل منه بقول هو اللي ماناسبني لأن أمه هنديه وانا ماريد عيال يظهروا نفس الهنود والناس تعايرهم!!!
وعلى فكره أمه وأبوه زعلوا عليه وقالوله مابتحصل أخير من هالناس تناسبهم وعقب فتره رد بس عمي ماعطاه فرصه وهو حاول يخطب أكثر عن مره بس الناس مايزوجوه لأن هله مو راضيين يروحوا معه!!!
وأخيرا كل شي قسمه ونصيب والحمد لله على كل حال
30-05-2006, 12:59 AM
ضوابط المشاركة
العرض العادي
