و من الواضح أنك أيضا من أسرة طيبة و معدنك طيب و أصيل بدليل أنت ما حبيت تستمر فى خيانة ربك و خيانة زوجتك و خيانة أصدقائك . |
أتفق معك أختي أم عبدالله في مجمل كلامك ماعادا هذه الجزئية.. صدقيني صاحبنا لم يتب.. وهو يطرح الموضوع ليس بسبب أنه لا يريد خيانة ربه وزوجته وأصدقائه بل هو الآن ورطاااان ومو عارف إيش يسوي ولا يضحي بإيش.. نبدأ في الرد على ما ذكره الأخ.. بالنسبة أولاً لروحت حرمتك عند أهلها شئ جداً طبيعي وأنت ما أوردت هذه الجزئية إلا علشان تبرر لنفسك عملتك السوداء اللي زي وجهك فأول شئ لازم تحترم عقولنا وتعترف إنك غلطااااااان ومالك حجة ولا عذر بل هو تصرف صبياني ومراهقين لأبعد درجة وخل عنك الكلام الفاضي اللي ما قدرت أتحمل فراق زوجتي وزعلتني لأنه كلام كذب وأتمنى لمن ترجع ترد تعترف بهذا الشئ علشان تحاول تصلح اللي هببته وكمان تحاول تبلغ الأخوان يغيروا عنوان الموضوع إلى (بسبب وقاحتي خنت زوجتي).. وطيب بالنسبة لأنك تحب زوجتك وشوية تحب البنت هذه.. صدقني وأنا أجزم إنك ما تحب ولا وحدة وأمثالك ما يعرفوا الحب إنت مثل البزر معليش على التشبيه تتعلق من كلمة وزوجتك متعلق فيها لأنها زوجتك بس والآن صارت أم بنتك وأما صاحبتنا فمعروف هدفك منها وتعلقك بيها إللي خلاك زي الأعمى وتروح تتعرف على أخونها هههههههه (أضحك من شر البلية) يعني بالله لمن رحت تتعرف على أخوانها وأنت تكلم أختهم ما فكرت بمجرد تعرفك عليهم إنك قاعد تخونهم يعني لو تعرفت عليهم بعدين تعرفت على البنت تنبلع الهرجة لكن الآن جاي تقول أنا ما أبغى أخون أصحابي إخص على كذا رجال وصرااااحة قمة في الوقاحة والبجاحة.. يا رجل زوجتك نفاس وربنا رازقك ببنوتة بدل لا تروح وتجي عليهم وتتونس مع بنتك وتفكر وتجتهد كيف تعوض زوجتك وتسعدها وتفاجأها تروح تدور لك خرابيط وكلام فاضي وتتصرف زي المراهقين ولاكمان الحبيب مطلقها علشان حاولت تحميك وتحمي نفسها وعلشان وحدة واطية خانت نفسها وخانت ربها وأهلها والشريفة زوجتك اللي صاينتك ومحافظة على عرضك تعمل معاها كذا.. وبالنسبة للحل في موضوعك من وجهة نظري لا تفكر بتاتاً إنك تتزوجها ولا تتزوج غيرها لأنك أصلاً وفي العمر هذا منت كفو لوحدة وطبيعي جداً ما راح تقدر على إثنين يعني إنسى والحل يا ابو الشباب إنك تنهي هذه العلاقة المشبوهة فوراً وغير أرقامك وإيميلاتك وأبتعد عن هذه العائلة نهائياً وإذا أحد من أخوانها حاول يتواصل معاك صرفة وهكذا إلى أن تنتهي منهم وبالنسبة للبنت خليها تتحمل عواقب خيانتها لأنه معروف أصلاً نهاية هذه العلاقات المشبوه وتحمد ربها إنك ما أنهيت عليها ولعبت فيها وكويس لحد هنا (الله أعلم) وأرجع لزوجتك ولبنتك وأرمي نفسك تحت رجولها وأعتذر لها على ....اللي عاملتها بيها وعوضها عن لحظات الألم اللي عاشتها معاك يمكن تقدر تنسى.. والأهم من هذا كله أرجع لربك وتوب توية نصوحة وأطلب الله أن يساعدك ويعينك وأنتبه لصلاتك وفروضك وواجباتك عسى الله أن يكفر عنك ذنوبك ومعاصيك وتدميرك لحياة الناس.. يمكن أكون قسيت شوية في كلامي بس هذا أقل شئ ممكن تستاهله.. |
مواقع النشر |
![]() |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|