|
|
11-02-2011, 11:30 PM
11-02-2011, 11:45 PM
|
المشاركة الأصلية كتبت بواسطة صابرة بدنيتي
قبل شوي مرني زوجي
طبعا الليلة بايت هناك بحكم انه جابهم من السفر المهم موده مش ولابد ضايق خلقه مدري هل من البكاء الي بكيته امس يوم لقيت جواله مشغول ولا شى ثاني الله يستر من الي جاي مرة ثانية عموما سالته قلت له ابيك تصارحني الحقيقة ماقدرت اسكت قلت له كم مرة تزوجت؟ قال:شنو هالسؤال قلت ابيك تصارحني ارجوك قال وش الطاري وش الي صار قلت ابد ماصار شى بس ودي اعرف قال مرتين الاولى ام عياله والثانية انا المهم سكت حاول يعرف وش الموضوع قلت له مافي شى انا ابي منكم طلب واخر طلب بطلبه منكم خواتي ابي من الان اتعلم اشلون افصل حياتي عن زوجي واعيش سعيدة سواء معه ولا بدونه انا تعبت من هالتعلق تعبت من اني ابوسه وهو نايم واتغزل فيه وهو صاحي والله حتى كلمة وحشتيني ماقالي من جا حيته وجلست على ركبته وقلت له حبيبتي ماوحشتك؟ قالها ببرود واحس ان الوضع بيرجع يتغير لمن جات زوجته كيف اتغير وكيف اقدر اخليه جزء من حياتي وليس محور حياتي اشلون امسك نفسي معه واحنا بسرير واحد مابي احضنه باليل لانه هو مايحضني اذا جاه النوم عطاني ظهره ونام مابي اتعب يوم يروح عني ابي اعيش حياتي عادية واعتبر روحته عني اجازة منه مو فراق وعذاب ودموع كيف مابين له غيرتي كيف اكبت نفسي امام اي موقف غيرة ابي اتغييييييييير صدقوني انا تعبت تالينا انا لازلت انتظر حلك بس انتي مارجعتي لحد الان روح الطير ذكريات شيخة كلكم ابيكم هالمرة تعطوني جهدكم عشان اتغير لاني انا الان احس لاني لازم اتغير باي شكل من الاشكال ارجوووكم مالي الا انتم بعد الله ياعالم اذا ناظرت بعيونه احسه يجذبني واضيع اذا حضنته احس اني مابي افكه طيب الي متى الي متى ليه هو مايتعلق فيني مثل تعلقي فيه انا ابي اتغير ابي اهتم بنفسي وبس ابي اعيش لنفسي وبس انا وبس بس دفوووووني تكفووون |
12-02-2011, 12:01 AM
|
المشاركة الأصلية كتبت بواسطة شيخة البنـــات
عيووني صبوووورة انتي ماطلبتي شي الدفااااا كله لـــج عيوننا لج يالغالية عن نفسي بحاول كثر ما أقدر والأخوات ما راح يقصروون ممكن يفيدونج أكثر مني أكيد آنا بحاوووول أكون معاج وأعطيج حلول جذرية لأن هالشي مستحيل ينحل بين ليلة وضحاها لازم انتي تبدين شوي شوي ولاحظي شي مهم بتعانين من صعوبة بداية الأمر ربما أول الأيام تقولين لا خلص معاد أقدر أكمل لا آنا ابيج تظلين بقوتج هذي وبكلامج هذا ابيج دوم تقولين لنفسج أقدر اتخلص من هالمشكلة وارتاح وصدقيني بتقدرين عن نفسي آنا معااااااااااااج وما بخليج لما تحسين روحج قاعدة تضعفين تعالي هني كتبي لنا وآنا بعطيج باور وقوووة وبحاول اعطيج كذا حل مفيد يساعدج ويخليج تتغيرين وايد وببحث لج وبدور لج في كذا مكان وبإذن واحد أحد كل شي يتغير وتصيري بأحسن حال أحبــج واااااااااااايد ,, يالله نبدأ إن شاء الله إي قبل لا أنسى حابة أشجعج وأصفق لج بحرارة شديدة وانحني لج على هالمبادرة الحلووة منج وأحييج وأشد على إيدج على روحج المشجعة هذي والله يكووون ويانا ويساعدج ويوفقج يااااااااااااارب ياحلوووتنا |
12-02-2011, 12:52 AM
12-02-2011, 01:57 AM
|
المشاركة الأصلية كتبت بواسطة بنت الحكمي
مساء الخيرات والليرات يبنات الله يحفظكم صابره وشيخه ولاهانوا الباقين جيت بنام ماجاني النوم مدري وين طار عني رغم إني دخلت البيت وأنا ياالله أسحب نفسي من التعب والنعاس والحين رديت لكم لأن بالي مشغول عليك ياصابره ولو تشوفيني متغطيه باللحاف في غرفة النوم على الكرسي وجالسه أكتب وزوجي يعزف السيفونيه شخيره واصل الصاله وشكله لو يسمع صوت أزا رير
الجوال وأنا أ كتب ويصحى شكل جوالي بينخبط على راسي اليله هههههههههههههههه ونرجع أنا وأنتي ياصابره نكتب مواضيعنا سوى مع بعض كل وحده تشكي زوجها أما أنا شكل زوجي لو ياخذ الزوجه الثانيه راح تطلب الطلاق منه اليوم الثاني بسبة شخيره المهم ياصابره أنا عندي لك حل علشان البيت شوفي أول شئ خلي زوجك يدور لك شقة صغيره على قدكم يستأجرها ثاني شئ أنتم إفرشوها وجيبوا لكم أثاث موضروري تجيبونه مرة وحده الأثاث إذا كان ظروف زوجك صعبه جيبوا الأشياء الضرورية بس والباقي معاكم معاكم حتى تجيبونها كلها وإسكنوا واستقروا أحسن لكم من الشحططه بالشقق المفروشة وأنا أعرف إن إيجاراتها غالية بجده أنا دائما أرو ح جده وأجلس أحيانا فيها يومين وحنا مسافرين للجنوب نمر نريح فيها ونستأجر يومين أحيانا ثلاثة أيام نتمشى ونرجع نواصل سفرتنا لديرتنا وبصراحه شفت إجاراتها غاليه جدا أحيانا نستأجر جناح غرفتين ودورة مياه اليوم الواحد 400 إلى 500 ريال اليوم الواحد لحاله وأحس إنهم مبالغين بالأسعار هناك فأفضل شئ إنك تفتحي الموضوع مع زوجك وتخلينه يستاجر لك بيت وياكثرها الشقق الديلوكس ما منك إلا تفرشينها وتأثيثينهاوتسكنين وإيجاراتها أرخص من المفروشه وفي نفس الوقت أنت تحسين إن وراك مسؤلية بيت وتصيري تهتمي في بيتك وتبدعي وتتفنني في الطبخ والحلا وتشغلين نفسك في بيتك تغيرين ذا وتنقلين هذاك وترتبي هاذا وماعاد تحسين بوقت فراغ كبير جدا بتحسين بوقت فراغ بس مو مثل فراغك إللي أنت حاسه فيه الحين بالنسبه لكلام أخته ليه هي وصيه عليك ولا كيف المفروض مالها شغل ولادخل بحياتك مع زوجك طلبتي بيت ماطلبتي مو شغلها حتى لوسكنتي معاه في خيمه ما أحد له شغل فيك أنت حره وأنت إنسانه كبيره وعاقله ولا أنتي بحاجة لأي أحد يتدخل بحياتك وشؤنك أنا ما أطيق هالنوعية من الأخوات إللي تنصب نفسها الناصحه الأمينه لزوجة أخوها وأنتي تراك سلبيه مره ياصابره في أسلوبك تجاه حقوقك وأنا لومكانك مو كل مالمح لي بسفره لعند أهلي أقول له خلاص أحجز ليه تذكره لا ياحبيبتي هاذا زوجك ولك حق فيه والله وأقسم بالله لوأنا مكانك لو أسكن معاه بسيارته ما أسافر وأتنازل عن حقوقي إللي كفلها لي الإسلام أخذ لي لحاف وأجلس في المرتبه الخلفيه لسيارته وأقوله أنا معاك في رحلك وترحالك شوف إذنك إذا كان لك فكه من إذنك إللي تسمع فيها ترى لك فكه مني ماراح أسافر ولاراح أرو ح لأي مكان أنا أحبك وأبغاك وما أقدر على فراقك قولي له إذا ماتقدر تستأجر بيت خلاص خذ لي خيمة ورواق وأنصبها لي بأي قطعة من أراضيك وأنا مستعده أسكن فيها معاك أنا ياصابره عارفه إنك خوافه ماراح تسكني بالبر لحالك بس ترى هاذا إقتراح هو ماراح يسكنك بالخيمه بس إذا شافك متمسكه برأيك بعدها رايح يفكر فيك و يهتم لأمرك وبالنسبه للعلاج ياحبيبتي ليش تتركينه وإلا ماتبغين تجيبين لولدي سلطان سمي على إسمه وإلا ماحنا قد المقام ياصابره وبعدين إذا جاك إبن هاذا لصالحك ياحلوه زوجك راح يحس بالمسؤلية تجاهك وتجاه إبنه إللي هو ضناه ماراح يتخلى عنه بالذات إنه إنسان ملتزم ويخاف الله فماراح يظلم ولده أنت بس واصلي في علاجك وهدي بالك كيف بتخصبين وأنتي كذا معصبه شكل عندك الخصوبه صار فيها جفاف كيف تبغين تحملين ونفسيتك كذا فكري بعقلك ياحلوه و إن لم تكن ذئبا أ كلتك الذ ئابو الحرمه الذكيه تفكر بللي في راسها من داخل الجمجمه ماتفكر بللي في صدرها تحت ضلوعها فكري بعقلك وأتركي قلبك على جنب بكره يجونك عيال بحاجت قلبك بللي فيه من حب وحنان وعاطفه وأنت أشوفك ماوفرتي للأجيال القادمه أشوفك أ عطيتيه لشخص واحد فقط أبرجع أشوف ردك ولاتنسين زوجك لوقال لك بسلم الشقه جهزي لحافك زين وأسبقيه على السياره وقولي له خلاص بسكن بسيارتك سفر ماني مسافره بظل جنبك وبس . |
بس اخاف حية تلدعني وانا عندي فوبيا من الحيات ياساتر
12-02-2011, 12:25 AM
12-02-2011, 12:47 AM
|
المشاركة الأصلية كتبت بواسطة شيخة البنـــات
صبورة حبيبتي آنا ببدي معاج محاولة إن شاء الله تكون نافعة للتخلص من هالمشكلة وأتمنى تركزين معاي خطوة بخطوة , برتبهم لج على شكل خطوات وحدة تلو الأخرى علشان ما تتلخبطين , اليوم ببدي معاج بالخطوة الأولى والثانية , وباجر نكمل , وهكذا وإن شاء الله مع هالخطوات , ودعم اخواتي ونصايحهم وتشجعيهم وتأييدهم راح تتخلصين من هذا إن شاء الله وتعيشين مرتاحة وسعيدة بإذن الله . بسم الله نبدأ الخطـوة الأولى : " حظر التفكير السلبي " التفكير السلبي هو أخطر شي وأهم شي لازم تتخلصين منه , اشلوون ؟ انتي لازم يكون تفكيرج خالي من التفكير السلبي تماما والأهم قبل النوووم البرمجة ستقوي أضعاف سلبيا , مثلا : تخيلي إنج ترددين آنا مشتاقة له طول الليل وانتي نايمة لأنج نمتي وانتي تقولين آنا مشتاقة , أول ما تفتحين عيوونج راح تتذكرين آخر رسالة سلبية نمتي عليها " آنا مشتاقة " تخيلي نفسج بمشاعر الشوق المؤلمة , الم يعصر قلبج ويضايقج ويسبب لج ضيق طوول النهار وانتي في هالتفكير السلبي , وهذا خطير وايد على حالتج النفسية , فلازم انتي تنتبهين وتراقبين تفكيرج , وتحاولين قدر الإمكان تبتعدين عن التفكير السلبي وتخلين صورة التفكير الإيجابي بدالها , خصوصا وقت النوم , حطي ف بالج فكرة حلوة , مثلا : لقائج بصديقة من زمان ماشفتيها , أو تخيل خبر حملج ( إن شاء الله ) وعلى هذا الأساس مخج راح يتبرمج للأحسن . الخطوة الثانية : "الحذف " انتي متعلقة فيه لدرجة الإحساس بالألم والضجر , فلازم تتبعين خطوات الشكليات الثانوية في حذف ( الصورة ) من عقلج اللاواعي , وفي حذف ( الصوت ) من عقلج اللاواعي , وفي حذف ( المشاعر الهائجة ) من عقلج اللاواعي , علشان تتحررين من سيطرة حبه وتعلقج فيه . اشلوون ؟ بقولج خطوات مسح الصورة , انتي تحسين إن الصورة واضحة جدامج , كبيرة , جميلة , منورة , تشوفينها في كل دقيقة إلى ما تروحين تنامين , طبعا طول الليل وهي في عقلج اللاواعي حتى تفيقين من النوم , احنا نحط ونفترض إن الصورة اللي نتكلم عنها هي صورة زوجج اشلون تتخلصين منها ؟ ( بالخيال الرائــع ) , تخيلي نفسج تشوفين صورته جدامج , ابتعدي عنه إلى الخلف , إلى أن تشوفينها بدت تصغر شوي شوي , وتخيلي في هالوقت صورة جميلة ثانية , بحر مثلا , أو وقت غروب الشمس , أو طبيعة خلابة , أو جبال حسب رغبتج انتي وحسب أكثررالمناظر اللي تحبينها , الصورة الجميلة مثل شاشة السينما , حطيها جدامج وراح تختفي صورة زوجج فورا , إذا ما اختفت , حاولي تتخيلين إنج ترمين على صورته أي شي بارد , ماي مثلا , ترى طريقة تنفع وايد , ونفعت وايد ناس , لأن الماي يكون بارد فسبحان الله الإنسان راح يحس بهالبرودة , وتختفي الصورة شيئا فشئيا . إلى هني ياغاليتي , أكون قد تممت خطوتين فقط من مجموعة الخطوات , وأتمنى إني اكون وفقت فيها , وتفيدج ولو بالجزء اليسير , في حال حسيتي إن ما أقنعتج ومالها أي قيمة أو فائدة , فأخبريني علشان أتوقف عنها ,, دوما وأبدا أدعي لج بالخير والسعادة وراحة البال , وواثقة بقدرتج وحابة فيج شجاعتج لتغيير نفسج حبيبتي , آنا معاج والأخوات وياج , كلنا إيد وحدة , انتي ما انتي وحيدة أبد ياغلاي معاج على طوول إن شاء الله , إلى ما ألقاج باجر أستودعج الله الذي لا تضيع ودائعه وأتمنى الأخوات يكفوا المشوار ويساعدوج وباجر ألقاج بنفسية أحلى وبحال أحلى وأفضل أحبـــــج ,,, يا نور المنتــدى و ضياه |
 |
 |
|
| ماقصرتي فديت عمرك ان شاء الله بتبتع هالخطوتين وارد لج خبر سلمتي ياروحي والله تعبت معي واخذ من وقتك الله يقدرني على رد جمايلك روحي ياقلبي ارتاحي واسفة اني ثقلت عليك سامحيني ياعمري وانا احبك يانور هالدنيا |
||
 |
 |
12-02-2011, 03:15 AM
|
شوفي ياروحي هو طبعا ماقال بسلم الشقة قال تبين نجدد ولا ناخذ غرفين بنفس الشقق بس انا حسيت انه بيجس نبضي متى اسافر |
12-02-2011, 01:13 PM
|
المشاركة الأصلية كتبت بواسطة روح الطير
صابرة
لو تسمعي لأحاسيسك .. فراح تضيعي نفسك .. الرجال تكلم بحسن نية ، و إنت قلبتيها مية حكاية ؟؟؟؟ بأذبحك |
12-02-2011, 02:12 PM
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض المتطور