شو اسوي ما حصلت مكان احسن من هني ارمسها فيه لأنها كله هني

وابووووووووووووووووووووووووووووووووووووووووووووووو يه ..

ليش ماحد خبرني عن هالموضوع ؟؟!!! مسوين حشره ومعلنين حالة طواري والكل يدور عليه

وحاطين جااائزة للي يقبض علي كان بلغتوا الأنتربول وريحتوا عماركم خخخ

وانا وحلييييييييلي جايه اتحوط هنيه ومب عارفه شو مستوي .. حراااااااام

( وأنا أشوووووووف بو حارب يسألني كل شويه أنتي ما دخلتي المنتدى الجديد اللي خبرتيني عنه ..؟؟)

ما يتوب عنه هالحركات الخايسه .. يتشكى هني ومسوي مظلووم وبيتجنن منى افاااا ..

وانتم بلاكم صدقتوا كلامه وكل حد يدخل يحطلي هزززبة محترمة

ترى تهزبت باااطل ><

كان انتظرتوني اجي واسمعوا كلامي , ايش قايل حكمتوا علي غيابي ؟؟؟؟؟!!! ظللللللللللللم

ابا أعتذار رسمي من الجميع ما يخصني مابا اكلم حد دون ما يعتذر وخلو بو حارب ينفعكم إذا خسرتوني >> وااثقة خخخ

ما علينا بخبركم عن سالفة القهوة " انته اللي بديت بوحارب والبادي اظلم تحمل مايجيك "

صديقاتي العزيزات الخاينات واخواني المحترمين وااايد اللي وقفتوا بصف بوحارب المدعي ترى انتم مب عارفين

السالفة الصدقيه اللي على اساسها حرمت بو حارب من القهوة وسويتله وقت ياني اكبر طاااف ..

بخبركم لييييييييش سويت كذا ؟

انا سلمكم الله نظااامية واايد وهذا تعلمته من زوجي العزيز النظام يمشي عالكل ممنوع الواسطه

واحب امشي عالنظام خاصة وقت ماحس ان الحبيب تملل >> نذاااله مثل ما يمشيه علي امشيه عليه

وبما أنه عنده حرمه ثانية فالنظام يقول : " ان وقت يومها اكون انا بإجازة حررره وكل خدماتي له مقفله

يعني عطلة رسمية معتمده , والعكس " >> وهذا الفقرة انا وشريكتي حطيناها ضمن النظام العام اللي هو مسويه .. ولازم نلتزم فيها عشان بو حارب لا تسول له نفسه بالتلاعب بالطرفين انا وهي

وبو حارب المظلووم جاي في يوم العطلة الرسمي >> والله العالم شو مسوي هناك يبدو انه منازعها خخخ

وطبعا ما راح اسويله شيء ولا اقابله عشان لاعرض نفسي للمسالة القانونية وكون شريكته بالجرم ..

وبعد كان عندي مشوار وكنت خلاص بطلع من البيت ..

فقلت له : يشرب قهوتي الماااصخة لأنها باارده من صحيت الصبح سويتها وما عندي غيرها..

ومع السلامة بابو حارب وشليت حارب وطلعت بيت جدتي وتمشينا بسياره جنب الحديقهالعامة الجو كان خبااال ..
ومريت على امي فديتها حارب حشرني ابي جدتي

ورحنا للمزرعة واستانسنا واايد ..

وما دريت إن بو حارب حااقد علي و جالس يدمر علاقاتي هنا الظاهر إنه كان جالس بروحه خخ

النظام نظام يابو حارب ولا شو ...

وخلوه يرد عليكم الموضوع موضوعه ><

__________________
ساعات احس ان الزمن قاااسي ولا يمكن يلين
وساعات احس ان الفرح محاااال ولا يمكن يحين

يا سلام عليج يا أم حارب .. عيبني وايد انج متفاهمة مع شريجتج .. ما شاء الله تبارك الرحمن الله لا يغير عليكم.


يعني السالفة طلعت تنظيم إداري داخلي

السموحة منج يا الغالية .. وترا كله من بو حارب ما وضح الصورة كاملة.


وانت يا بو حارب .. ما دام السالفة جذي فصراحة ما لك حق تشتكي على بنت الناس.

بس تبا الصدق .. كان ممكن نسوي لك واسطة ونرمس أم حارب ونحنن قلبها عليك ونطلب منها تكون مرنة شوي يوم تييها في يوم شريجتها .. بس انت اللي يبته لنفسك ما دامك نظامي وما تحب الواسطة

__________________


اللهم طِيبَ الأثر .. وحُسْنَ الرحيل.

النظام نظام صحيح لكن المدير العام له إستثناءات خاصة
وام حارب مب طايعه تفهم وترى ام سيف مسيكينه وحليلها
التخطيط كله من راس ام حارب

مب مهم تخطيط منو .. المهم ان عندكم نظام محدد ولازم يمشي على الجميع .. والا انت تبا ام حارب وام سيف يطيحن في بعض؟؟

ترا الاستثناءات اذا تكررت النظام كله بيخترب .. وبيبدا الزعل الصجي.

خلهن متفاهمات يا ولد الناس ولا تييب لعمرك صدعة الراس .. ترا اذا ضاع التفاهم بينهن بتطيح في راسك انت وبتيينا تشتكي وتقول: ليتني تحملت فنيان القهوة الماصخ



الله يسعدكم جميع ولا يغير عليكم يا رب.

__________________


اللهم طِيبَ الأثر .. وحُسْنَ الرحيل.

يامهرة لا تصدقين رمسته ترى يسولف ماعليج منه ...
وهو مسيطر على الوضع لاتحاتينه .. ما ينخاف عليه مب سهل ..

هو بس بيكرهني بهالمنتدى قام يخرررط عناد عليه دخلت الحينه ومالي بارض ارمسه
يقول قومي ابا اللاب حتى انا عندي ربع مو بس انتي خخ غيااااااار ..

__________________
ساعات احس ان الزمن قاااسي ولا يمكن يلين
وساعات احس ان الفرح محاااال ولا يمكن يحين

ظهر الحق وزهق الباطل

وانت يا ابو حارب جاي بنص الحقيقة .. تقول اللي لك وما تقول اللي عليك ؟

ما عليك يا دفرنت احنا مع النظام والنظاميين وممنوع الخروج عن الدور .. سيري ونحن من وراءك

نبغاها مثل اليابان على رأي أحمد الشقيري اللي حسد اليابان وجاب خبرها.

منتظرين دفاعك وردك يا ابو حارب .. بس ما تروح ترد على حرمتك وحدكم وتجينا باكر وعينها زرقا

__________________

احم احم .....!


انا الاولى في الاكتشــــــآآف الخطير ...

وبعدين عيبتيني فيه استمري هكذاااا ...!

توووج حرمه ...



سامحنا بوو حااارب

ويلوموني ليش اباها تودر هالمنتدى ؟؟؟!!!!!

مب ناقصينكم واللي يعافيج

لو اروم ارد عليها جان شفتوني ارمسها هني من وراء الشاشة ومن دوامي

ترى هي دوم تكسر النظام وتتحايل عليه بس وقت تبا لا تصدقون رمستها