متفااءلة
يعني من شو الاكتئااب!
ما يحتااج دواء . شوي تغيير و تنظيم و تتعدل الامور
خصوصااا ااني ااعرف دكاترة هالعيادة يصرفون ادوية بدون داعي ولا تاكد من الحالة

لو عنده شي تراكمي .. اسلوب تربية او ضغوطات ممكن يطبق طريقة الفرمته النفسية
لكن مب ادوية مفعولها مؤقت و مع الوقت يصدق نفسه انه مريض

هو بيرد من االسفر يوم االسبت .. و بشوف شو بيصير
بحااول معااه يتكلم بس بدون ضغط

اممممممممم
بطلع حديث فضل التلبينة و احفظه واقوله اياه و بسويله تلبينه واقوله انها تشرح الصدر و تبعد الضيق

و كنت ناوية استقبله استقبال عااادي وبدون مبالللغة بلبس او حنا ااو كلاام
بس خلاص بستقبله عدل

االي صاار ذكرته لكم قبل و هذا نسخ له

كملت الاربع اسابيع الماضية .. بالتطنيش . اخدمه واقوم بواجباتي لكن بدون ضحك وسوالف
ردة فعله .... الصمت وممشي الحال

قبل يومين مرضت بنتي ووديناها العيادة .. ونحن رادين اشوف الطريق غير .. شوي الا نحن قدام مطعم
وللعلم .. كل ما توتر الوضع بينا يسكت و بعدها يدويني مطعم و نرد طبيعين

ففهمتعلى طول انه يحاول يعدل الوضع بس بصمت
تعشينا وردينا .. وشوي بديت اكلمه ويكلمني
لانه هو من يشوفني زعلانه يسكت وما يسوي شي

اليوم الصبح قلتله اهل زوج اختي مسوين لها حفلة لانها عروس .. و اريد اروح
الجواب مثل كل مرة ( لا .مب ضروري )


حاولت وياه . مارضا .. قلتله زين باجر اهلي بيؤوحون الحديقة وبسير معاهم رفض


بصراحة انفجرت وقلت ربع اللي داخلي ..

من اللي قلتله
- انا دابما اتنازل وانت ما تتنازل ..
- انسى اني احبك وامسح هالشي من مخك
- عيش عزوبيتك مثل ما تبا و لما تحس انك محتاج زوجة دور لك غيري
- وجودك في حياتي صفر .. طول وقتك برع و الا فاعد مع التلفون وحتى عالفراش فونك معاك وتنام وتعطيني ظهرك
- طلعت من الغرفة غسلت بنتي ورجعت وانا البسها . قلتله .. ليش ماخبرتني هالاطباع قبل لنتزوج ؟ بس الحين خلاص

كلامي هذا كان بهدوء وهو يقول كلمتين و يسكت ..
قال .. انتي مثلا زوجة كاملة .. قلتله لا لكن اي شي تباه مني قول او شي مضايقك تكلم

و انتهى الحوار



االيوم الللي بعده نش االصبح وراح العيادة
وما سألته ليش .. لأأني كنت مضايجة منه

بعدها بأسبوع أهله كانوا رايحين لعمته وما رضيت اؤوح معاهم سألني ليش ؟
قلتله انت دايما تمنعني من الزياؤات اللي من صوبي وتحرجني مع الناس فاي حد من صوبك ما بؤوح له

ومن الكلام شدبت شوي و قلتله انت دايما ما تخليني . وحتى زيارة اهلي تماطل فيها وتاجل
وخبؤته انه وحده من الاهل قالت لي انتي من متى وافق زوجج دايما يخليج ويطلع يتمشى ويستانس

بعدها سكتني ومارضى يسمع
اقوله ليس تسكتني .. خلينا نحل مشاكلنا و نرتاح .. واشياءنا لسيطة
و طول الوقت يسكتني وتمدد ومسك تلفونه

يا الله لو كل انسان مر بضغوط الحياه اخذ ادويه
اظن بتخلص ادوية القلق والاكتئاب من الصيدليات
صحيح ان البعض يحتاج للضروره وهذه الادويه لا تؤخذ الا للضروره والاثبات للحاجه
اما كل من سمع كلاما مثلا او ضغوط او تعب الدوام وارهاق البيت ومتطلبات الحياه
اعتقد بتكون علبة الدواء في جيب كل انسان فينا ,

نقطتك الاساسيه تحويل الادويه الى علاجات طبيعيه وتفريغ تدريجي
والاستعانه بالطاعات والروحانيات , والراحه والتفاهم بدون ضغط ,

اختي ذكرتي ان زوجك يعمل بدوام طويل ثم يذهب الى الكليه
هل يعمل ويدرس او يعمل بالكليه لم افهم هذه الجزئيه
لكن بشكل عام والله اختي اكون صريح معاك دوام زوجك يحتاج منك رعايه خاصه
واظنه يعمل في شركه او قطاع خاص , والعمل في الشركات يستنزف الطاقه والذهن بشكل عجيب
حتى ان التفكير والذهن بعد ان تنهي عملك تفكر بعملك في الغد وطاقة يومك تنفذ تماما ,

انا فقط اردت ان ابين لك صعوبة العمل وطول فترة عمل زوجك
ولهذا يساعده والده احيانا لانه طول فترة الدوام وصعوبته عذر مقنع
مارايك انتي بعمل زوجك , وهل يستطيع ان يبحث عن عمل اخر اكثر راحه وتوفير للوقت والجهد ؟ ,

أشكرك جدا على وقتك وجهدك معي
دوامه حكومي .. قبل كان يداوم من 6 الصبح ل2 الظهر .. ويداوم اربعة ايام و يومين اجازة
لكن هو حب يغير شفته و يخليه بهالوقت الطويل و يداوم يومين ويومين اجازة
ما يقدر يغير شغله ... لكن ممكن يغير الوقت
وممكن هو ينظم وقته

الكلية هو يدرس فيها .. و يخلص بالكثير س 9 . لو انه يخلص ويرد البيت يتعشى وينام .. زين

لكنه يا يرجع البيت و يتم عالتلفون لين 11 ااو 12

ياانه يروح يشوف مبااراة او يقضي شغله .. هو يرهق نفسه وكلمته كم من مرة انه ارحم نفسك ايام الدوام
رغم انه كليته يتساهلون معاهم يحكم انهم موظفين

اشوف لو انه
-ينظم وقته
- يقلل جلسته عالتلفون
- يقلل مشاويره لو انه مثلا اول الشهر يشتري اغراض بنته من حليب وحفازات ووالخ باللي يكفيها شهر ويرتاح

اكرر شكري ومن يرد بحاول اخليه يتكلم و نحل هالمشكلة

فكرت اني احط سبورة صغيرة هاللي تكتب ببالمغناطيس في باب الكبت من داخل
واي حد فينا بخاطره شي يكتبه
لو كلمة حلوة .... لو زعل من شي .. شي يبا اسوي او يسويلي اياه . الخ
اي شي يخطر عالبال

السلام عليكم ورحمة الله وبركاته. .
أختي الكريمة أميرة ليس بإستطاعتك أن تحرمين زوجك من العلاج وهذا ليس عيباً، لكن طريقة زوجك في تناوله للعلاج بدون استشارة طبيب مختص هنا المشكلة ، ربما لايحتاج فقط صغوطات من جمبع الجوانب ..
أرى الحل الآن هو المصارحة اختاري لكما وقتاً مناسباً ومكان كذلك بحيث تفهمان ماهي احتياجات كلامنكما والضغوطات ووإلخ ، لاتؤجلي هذه الخطوة المهم بدون انفعال يكون الحديث ، فبعدها ستعرفين الحل ..
فرج الله همك .

إذا يتناول العلاج بدون استشارة طبيب مختص

تسبب لا سمح الله أمراض عضوية حتى ...

وعليكم االسلام ورحمة الله و بركااته
بإذن الله بصارحه في االوقت المنااسب

حتى ؟؟؟؟

في نقطة مهمة أريد أعدلها

وهي نظرة أهلي لزوجي

بشرحلكم الوضع بالاول .. قبل الملكة استوت مشاكل بين أهلي وأهله بخصوص أمور العرس مع انهم من معارفنا .. وفالعرس صار خلاف على كم من شي
فعلاقة الاهل خفت شوي .. لكن ماانقطعت بس صارت بينهم شوي حساسية و رسمية

فالأكيد زوجي نفس الشي صار رسمي وما يتقبل اي كلام من ابوي حتى لو مزح
زوجي لما يوصلني لبيت اهلي نادر ما ينزل يسلم عليهم .. واهلي يزعلون

علاقة الاهل بالصهر كلما كانت رسمية افضل المهم مو قاطعهم لو يزورها في الاعياد و المناسبات بس مليح كثير

لا تستهيني بكلام بوفارديا

من أبرز عوارض الدواء النفسي الجانبية هو الضعف الجنسي و قلة الرغبة.

تداركي الأمر قبل أن يتعود عليها و تأثر عليه سلبا

__________________

(انما يوفي الصابرون اجرهم بغير حساب )