حبيبتي فكري لو اصيب بمرض وانتقل لك كيف بتكون حياتك لا تجازفي بحياتك مع شخص تعود على الحرام
كفايه ان ولدك محروم من ابوه لا تحرمينه منك ....

طلبت منه تحليل وفحوصات وقلت يكلم اهلي ويقسم عندهم
بس ردة فعل ابوي بارده خلتني اتراجع عن انهه يحلف عندهم ولو صار اي شي طلاق ع طول
ابوي دخل علينا صدفه وقتها لما كنت انكلم معاه ودعى لنا بالتوفيق ويكتب لنا الخير
وامي لما اقولها تشوف مالها داعي هالشيء يعني في مسأله انه يقسم
امي قالت لي كذا من البدايه مابي اتدخل وبكرا تلوميني لانها تشوف الطلاق افضل وبعدها ماصارت تتكلم معي في هالموضوع
وطلبت رضوه ثلاثين الف وراح يتعذر بالمسؤليات رغم اني ادري ربي مغنيهه وعنده خيررر كثيرر
قلي كذا ثلاثين الف كبيره ماهي سهله اتعب انا طول عمري اجمع ومادري ايش وتروح بكل سهوله وهاذي اتزوج فيها وانا متورط في اهلي و ابوه ويصرف عليهم ومادري ايش
ولا اصعبها يقول انا سويت وحاولت بكل ماقدر انتي لاتصعبينهاا بالفلوس هاذي حياه وبينا طفل تضيعينا ونتشتت ومادري ايش
يقول خليك منها والايام الجايه بثبت لك فيها وبسعدك وبعوضك عن كل الي راح
مادري حسيت انه صادق بتوبته يقول بحول مية الف حقة العماره الجديده وخليها بحسابك ولاترجعينها لي الا لمما تثقين فيني ولو صار اي شي اخذيها

هذا لعاب والأيام راح تثبت لك .... مافيه شئ اسمه يقسم عند اهلي لازم يجيب ابوه وأخوانه ومعاه رجل كبير وعاقل يكفله ..... بعدين بكل برود يقولك الثلاثين ألف أتزوج بها ومستخسرها فيك وانت باقي تفكري ترجعي له

والله من كلامك ماحسيت انه جاد يبغى يرجعك وبس ويوم قلك راح تشتتي بيتنا وولدنا ليش ما رديتي عليه وهو ليش مافكر في بيته وولده يومنه يسحب الحريم لبيته ...

والتحليل ما اتوقع راح يسويه واذا سواه تأكدي من نفس المستشفى لا يزور على كيفه وتصدقيه

شوفي أختي واضح انك عندك رغبه قويه للرجوع زوجك لأجل طفلك و لأجل انك تحبينه ولا تقدرين تنسينه
ولا ألومك الطلاق شي صعب و خاصة في هذا الزمان
أنا من رأي ترجعين لكن تتقبلين زوجك مثل ماهو ولا تضحكين على نفسك
زوجك ومن هم على شاكلته مالهم توبه ألا في حالات نادره وتكون التوبه سببها تدين قوي او مصيبه تجعلهم معقدين من الحرام
ومع ذلك خلي أملك في الله كبير وادعيله
وأخلييه يحلفلك على القران
ويقول اللهم اذا رجعت للحرام صيبني بمصيبه و طبعا قبل ما يحلف لازم تعليمنه و توضحين له خطورة الحلف على القران وان الحلف على القران ماهو مثل الحلف العادي
أنا شخصيا شفت شخص حلف على القران كذب وبعدها بشهر أصابه مرض ومات الله يرحمه و يغفر له
والله يهديلك زوجك و يرده لكي رد جميل أمين يا رب العالمين

يا أختي هذي حياتك وانتي حره فيها
بس لاتتنازلين عن الثلاثين الف واذا فعلا متمسك فيكي والله مو خساره
واذا بايع تكوني عرفتي قدرك عنده وبالتوفيق

ليش مهولين امر الطلاق وكأنه نهاية الحياة ... الطلاق رحمة من ربي افضل من العيشه مع واحد نجس ....

نصيحتي لك ...
1_ يجيب شهود ثقة
2_ تحليل للامراض الجنسية وما ترجعي الا لما تشوفي النتيجه
3- رضاوة بالمبلغ الا يرضيك
مانفذ هذي الشروط لا تفكرين ترجعين ..

يا اختي احنا نطرح الحلول وهي تتأخذ القرار
سوا طلبت الطلاق او جلست معاه هذي حياتها
مو احنا نقرر
ياليت ماتضغطين عليها وهي في حالة ضعف

والله مافي كبيرة غير فعلته ..!

__________________
فقدتك يا بعد عمري وحبي وأطهر أشواقي، فقدت أيام ما ترجع فقدت البيت واللمة، رحلتي بالفرح كله وبعدك مابقى باقي، وتركتي وحشة الذكرى تجر الروح يا يمه، يا أغلى قلب ودعني ومثله صعب أنا ألاقي، يا أروع من عن الدنيا رحل وأطهر ثرى ضمه ..💔

استخيري استخيري لاتفكرين ب العاطفه
صراحه زوجك ماله امان اذا كلامه كذا اغسلي يدينك اللي يبي يرجعك يدفع اللي عنده كله عشان يثبت هذا كانه اللي عندي حسبي الله ونعم الوكيل

انا ما ضغطت عليها عرضت عليها حلول و انت ماراح ترضي لأختك لو كانت مكانها ترجع كذا من غير شروط وشروط منطقيه وما تساوي شئ قدام الا سواه زوجها