بس عملتهم بريال مو الدينار وهناك فرق بالعملة 14 ريال مقابل الدينار
فاتفرق مبالغ المشتريات...حبيت اوضح بس

__________________
سبحان الله وبحمده سبحان الله العظيم

يوه يا كنافه
صدق نكدية ومتعبة وما ترتاحين لين تاخذين حقك
وإذا فكرتي تاخذينه، تاخذينه في الوقت الغير مناسب
كنت أقول زوجك كربون من اللي عندي وأتعاطف معاك جداً لكن من مواقفه ومواقفك لا والله
زوجك فيه خير لك مهما سوى!
ماخذك السوق بعد فطور عند أهلك تغثينه وتنكدين عليه ليه
تستغلين الموقف الجميل بإنك تنتقمين لنفسك ليه؟!
طالما إنك من النوعية اللي تشيل في قلبها
وطالما زوجك يحاول يسعدك لما يكون رايق فليه ما تتعلمين إنك لما تبين تعاتبينه تعاتبينه في أوقات روقان ولطف مو بنفخه وتكشيرة ومدة بوز ؟!!
تصدقين بتوصلين مرحلة تنفرينه منك ، ويكون زعلك ورضاك بالنسبة له واحد!
نجي لحركة الفيزا
أمي كانت تقول لنا وإحنا صغار لما نزعل وما ناكل ، ازعلي على بطنك ماحد بيحس فيك!
على فكرة عندي سالفة الكرامة عالية مثلك ، بس اكتشفت إنها قصور في الرؤيا وغباء مني!!
اللي غيرك وتبي تطوع طبايع الرجال تشتري لنفسها وتشتري له معها، وتشكره وتمدحه وتدلع عليه
بكذا يلين لك مع الأيام
زي الصخر قطرة ورى قطرة مويه تنزل عليه تفتته.
تبين صفحات من مواقفي الموجعه في هالحياة
على شينه وعصبيته ولسانه الزفت ما يقدم شي إلا لو أعطيه وجه حطني على الحديدة
حتى كلمة تجبر الخاطر ما فيه
زوجك والله موب شين وبيتعدل مع الأيام ، بس الصبر وحسن التصرف.

__________________
.
هناك من يتذمر لأن للورد شوكاً، و هناك من يتفاءل لأن مع الورد شوك.

جزاكِ الله خير

هذا اللي نريد نوصله لها

اعجبتني المشاركة72 عين العقل

__________________
سبحان الله وبحمده سبحان الله العظيم

كلام جميل واحس نابع من خبره ، وتمنيت انك تداركتي هذا الشي مع زوجك والحمدلله على كل حال اعيد شكري لك

__________________
رَبِّ أَعِنِّي وَلَا تُعِنْ عَلَيَّ، وَانْصُرْنِي وَلَا تَنْصُرْ عَلَيَّ، وَامْكُرْ لِي وَلَا تَمْكُرْ عَلَيَّ، وَاهْدِنِي وَيَسِّرِ الهُدَى إِلَيَّ، وَانْصُرْنِي عَلَى مَنْ بَغَى عَلَيَّ، رَبِّ اجْعَلْنِي لَكَ شَكَّارًا، لَكَ ذَكَّارًا، لَكَ رَهَّابًا، لَكَ مِطْوَاعًا، إِلَيْكَ مُخْبِتًا قَلْبِي

كنافه
تقدرين تكونين متبلدة احساس مع زوجك؟

كنافة واااضح فيك إنك بنت شايفه خير ومحترمه وكرامتك فوق كل شي

زوجك ياكنافة ماينفع معه إلا الصمت إذا استفزك اسكتي واسمعيه وامشي صدقيني بيفكر مليون مره بطريقته معك
لما يشوفك ساكته وتسلكين له اوكي يبي لها صبر وتصبر بس ان شاء الله تكونين قدها اهم نقطه احترميه وعطيه حقوقه مع الصمت عند المشاكل
والله يهدي بالكن

موقفك الاخير معه ماله أي معنى إلا انك غاوية نكد وفعلا متعبة ومتكبرة ونكدية مثله الله يهديك
كل هالكلام وهالغطرسة عشان قال لك غيري الكعب!!
زوجك ويغار عليك ومن حقه مايبغاك بكعب في السوق وين المشكلة؟
لخبطتينا معد عرفنا المشاكل بينكم بسبب مين

قلتي كلام ما ينقال والرجال مو مقصر معك ولسه جايب لك هدية وموديك السوق ومعطيك فيزته
وش تبين أكثر؟
ليه حاطة المجهر ع الاخطاء وتاركة الاشياء الحلوة
بتخربين حياتك بيدك وبكبريائك وقولي ماكنت ادري
اغتظت منك يا كنافة لأني أبغى لك الخير

نفسي اكتب الي بقلبي لكن بصراحه مااحب اكتب ولااعرف اوصل كلامي 😔

المهم لاتزعلي احسك نكديه 😙

على فكره تصرفات زوجي كانت شبيه من زوجك تقريبا ... لكن الحمدلله بشطارتي وتعاملي معاه تغير وتغييييير كتير للاحسن ...ربي يسعده ويرزقه الصحه والعافيه

__________________


سبحانك اللهم وبحمدك، أشهد أن لا إله إلا أنت، أستغفرك وأتوب إليك

الحمد لله على السلامة اختي

عندي تصحيح بسيط

"لكن الحمد لله بتوفيق من الله ثم بشطارتي ( الافضل : اجتهادي) وتعاملي معاه ، تغير كثير للاحسن"

لاتنسبي اي نجاح لنفسك اولاً وانما انسبيه لله سبحانه وتعالى

سلامي لاسرتك وزوجك الكريم

__________________