13-07-2007, 01:09 AM
|
المشاركة الأصلية كتبت بواسطة Wingz_of_Hope
شوي شوي على الأخ..يمكن لم يحسن صياغة أحرفه لكن كلامه في منه..!
على كل حــال..ما عليك فعله أخي الكريم..هو أن تقنع أهلك بضرورة الشوفة الشرعية.. لأنه كما قلن الأخوات..الجمال شيء نسبي..و نظرة أخواتك تختلف عن نظرتك.. و الجميلات موجودات و بكثرة ما شاء الله..لكن يعتمد على ما تريده..طويلة ..قصيرة..و هكذا إذا لم يقتنع أهلك بالشوفة..حاول البحث عن فتاة خارج محيطك..و قل لخواتك ماذا تريد بالضبط.. لــكن لا تنسى أن لا تبالغ بالوصف.. و دقق بكلام إحدى الأخوات اللي نصحتك بالذكية  .. يعني فتاة متوسطة الجمال لكن ذكية..و الله يوفقك لما يحب و يرضاه..و يرزقك باللي تتمناه |
13-07-2007, 01:14 AM
|
المشاركة الأصلية كتبت بواسطة فراشة جميلة
شكلك بطيح بوحده عاديه وتقول عنها ملكة جمال الجمال شيء نسبي
|
13-07-2007, 01:17 AM
|
المشاركة الأصلية كتبت بواسطة nedaa
واحب اقولك ان فيه ثلاث اخوات سبحان الله اللي رزقهم الجمال في الشكل والاخلاق وحافظات القران ومن عائله طيبه لكن الحمدالله على كل حال ماحد يجيء يخطب عندهم الا ويروح ولايرجع لين ماصاور في الثلاثين كلهم .. يعني موشرط كل عانس قبيحه ولا كل متزوجه جميله هذا ارزاق وقسمه ونصيب تكفين وينهم؟؟؟؟ دليني عليهم تكفين؟؟؟؟ امنية حياتي اتزوج حافظة قران..حتى لو كان شكلها عادي والله العظيم والله يزرقك ويقر عينك انت وجميع اخوانا واخواتنا بالازواج الصالحين |
13-07-2007, 01:23 AM
|
المشاركة الأصلية كتبت بواسطة حرم فلان فلاني
أولا أهلا وسهلا ومرحبا فيك اخوي.....أخي في الله لو تستغنى عن بعض الألفاظ (جياكر وشواذي وقرود.....الخ) قال الله تعالى ﴿ولا تنابزوا بالألقاب﴾ لا تقل لأخيك المسلم ذاك فاسق وذاك منافق.. نهى الله عن ذلك. ويقول ابن جرير أيضاً: «وعمم الله تنبيهه ذاك ولم يخصص بعض الألقاب دون بعض، فغير جائز لأحد المسلمين أن ينبز أخاه باسم يكرهه أو «صفة يكرهها».
الله يجعله في ميزان حسناتك اختي الكريه..وشكرا على التنبيه تعوذ من الشيطان وادعي ربك يسخرلك ويزقك ببنت الحلال اللي تقر بيها عينك وتحفظك من الحرام وخل عنك المقارنات بين بنات الناس عايز تتزوج وبالش نفسك بالبنت اللي كذا واللي عمرها كذا واللي مادري إيش لو كل اللي يبي يتزوج يفكر بطريقتك كان انقرضت أمه محمد صلى الله وعليه وسلم... اي طرررريقه اختي اي طررررررررررريقه  ؟؟؟؟اقسم بالله الذي لا اله الا هو انك مافهمتي ماقصدته انا من طرح هذا الموضوع؟؟؟ ولو فعلا فهمتيني ماكان قلتي لو كل واحد فكر بنفس طريقة تفكيرك....كان ..؟؟ اتمنى عليك اختي انك ترجعين لموضوعي..وتقولين لي وللاخوان ماهي طريقة تفكيري؟؟؟ اتمنى لك التوفيق يارب...... |
13-07-2007, 01:28 AM
|
المشاركة الأصلية كتبت بواسطة t3b2006
الله يسعدك ياميترو
كلامك طيب وأطيب منه عنوانك .. . ليش التعميم وهالنظرة بالعكس موجودات اللي فيهم خير وفيهم جمال لكن تذكر المسأله والنظرة للزواج تبقى نسبية ومسأله البنت تنحجز فثق مافيه بنت ترتبط بشخص إن لم تكن مقتنعه به وخصوصاً هذه الأيام .. . وبنات هالأيام أغلبهم يتزوجن بعد 22 أنا من مجتمع البنات ومعظم صديقاتي لم يتزوجن فيه للآن فالمسأله ليست كما تراها .. . بل أغرب ما أراه أن العوانس بصدق هن الأجمل وكأنهن يبحثن عن مواصفات غير متوفره .. . بقي شي ذكرته أخت هنا نظرة الشاب للجمال تختلف وأحياناً متعبه لدي أخوين كل واحد يصرخ من ناحية زوجوني واحد في 23 والآخر في 21 أحدهما يقول بيضاء شقراء تسر الناظرين .. . وكنت أضحك لتسر الناظرين هل سينظر لها سواك .. . والآخر يقول أبشوفها أحس إن عندي شيء مو عند غيري وكل يوم المواصفات تتغير .. . لابد من بعض الموضوعية وثق هناك من تجد فيها العنقود مكتملاً فقط إسأل الله من فضله .. حفظك الله ووفقك ومبروك مقدماً .. . |
13-07-2007, 01:34 AM
|
المشاركة الأصلية كتبت بواسطة um soso
أخوي المترو
من حقك تشترط الجمال لأن هذي عشرة عمر وأذا ماكنت مقتنع من شريكة حياتك مستحيل تعيش معها بسعاده وأقولها من قلبي الله يرزقك بزوجه جميله تملى عينك قبل قلبك وكل الشباب العزاب. |
13-07-2007, 01:36 AM
|
المشاركة الأصلية كتبت بواسطة ensaaan
الجمال شي نسبي
بعدين ليس دليل على التوفيق أنا مطلقة , زميلاتي بالمدرسة يقولون : وراه زوجك أعمى , فيه واحد يطلق مثل هذي ... حتى زوجي السابق يوم انه راضي علي يقول أنتي كاملة والكامل وجه الله , ويوم تطاقينا يقول مافيك شي زين ...(عين الرضا) الجمال ليس دليل السعادة الزوجية ....فكم من جميلة يعاني معها زوجها الأمرين ......وكم من جميلة مطلقة .....وكم وكم أهم شي تكون الحرمة مقبولة , فيها لمسات جمالية , والزين اللي ماتشوفه في وحدة يشوفه غيرك فيها , ومقاييس الجمال مختلفة من شخص لآخر , وتظل الراحة النفسية والاطمئنان للطرف الآخر سيدة الموقف ... |
13-07-2007, 01:51 AM
|
المشاركة الأصلية كتبت بواسطة أم لسانين
ماسكة بطنها من كثرة الضحك  الله يهديك يالميترو !! ما لقيت موضوع تتكلم فيه الا الجمال ؟؟؟ يعني ما تعرف انه من اكثر المواضيع حساسية بالنسبة لنا ؟؟ وش دراني؟؟؟ ماتوقعت هالزوبعه كلهااااا بعد موضوع السن طبعا فكررررررررره حلوه موضوعي الجاي عن البنات اللي بيعجزون ويخرفون ياحليلك يالميترو طحت في ها المنتدى ولا احد سمى عليك وانا اختك اختي بس بالسوالف والا اذا صار الصحيح بتقلبين معاهم ضدي..والا نسيتي انك ام لسانين..خليها على ربك بس الموووهم يوم قريت موضوعك تذكرت جدتي الله يرحمها كانت دايم تقول عبارتها المشهورة (( لو ما يوخذ الا الزينات قعدن بنات الحمايل )) ههههههههه الله يرحمهااااا والله صدقت..لان العشر بيوت اللي جنبي كلهم بنات حمايل وذكرتني بسالفة ..(ابراء للذمة مادري اذا هي حقيقية او تعليق) يقولك هذا واحد جمييييييل بكل ما تحمل الكلمة من معنى كانوا اهله يدورون له عروس وبكل اجتماع يسألون ما خبرتوا لنا بنت مزيونة ولدنا مزيون ونبي له مزيونة طبعا الولد معروف انه حلو ووسيم لقوا له عروس وحددوا الموعد حجزوا القاعة وجاء يوم الزواج  يوم الزواج كل الحريم متحمسين بيشوفون عروسة هالمزيون هي مزيونة مثله او لا  يوم دخلوا العرسان للصالة وقت الزفة تفاجاوا الحريم من اللي شافوا وقالوا ووووووووووووووووووووووووووووووووع العروس اغمى عليها يوم سمعتهم مسكها العريس وقال لها ياحياتي قايل لك اقري وردك بس انتي الله يهديك  ههههه سالفه تخووووف وترعب كثيرررررررر..كل الشباب الحلوين بس بالنسبه لاخوكي المتروووو اكيد مو منهم ما يستفاد من السالفة السابقة..:: ترى نظرتنا احنا يالبنات للجمال تختلف عن نظرة الرجال يعني باختصار اطلع من محيط عائلتكم واخطب من ناس يسمحون بالنظرة الشرعية بطاطا هي اخطب من برا العائله!!!  ..يتبرون مني والله اااااه يااختي اللي يده في المويه مش مثل اللي يده في النااااار وترىمن خلال جلوسي مع اخوي عند التلفزيون لاحظت ان اللي انا اشوفها شييييييييييييينة اخوي يشوفها ملكة جمال والعكس  ههه ايه وانا وخواتي نفس الشي ..لدرجة اني انسى اللي بالتلفزيون واقلب عليهم ..وبكلمه وحده بس اقلب كيانهم  ..اذا قمت اوصف اشكالهم واقولهم انتن بعد خسوووووف شوف اخوي انا اتوقع والله اعلم ان الرجل ممكن يحكم على جمال بنات الناس من جمال اخوانهم شوف واحد من اصدقاءك او معارفك حليو واسأل عن خواته واطلب النظرة الشرعية وصدقني اذا ارتحت للبنت بتشوفها ملكة جمال ياحليلك يا ام لسانين تسولفين سوالف انتي....  ولو هي فعلا ملكة جمال وما ارتحت لها بتشوفها مو عادية بس بتشوفها قبيحة وبعدين مثل ما قالت وحده من الاخوات اذا البنت ملامحها عادية وتهتم في نفسهاواناقتهاصدقني بتكون ملكة جمال الحلو حلو لو يصحى من النووووم.....والخسف خسف لو يتحمم كل يوم  احس اني كثرت الكلام وتعبت من الكتابة مقارنتن مع انه عندك لسانين بالعكس انتي اختصرتي كثيررررر!!! ارجعي للردود وشوفي اللي عندهم لسانه واحد وش كثر لعو(بالشامي) هههه(لعو==يلعي==يهذر==يتكلم كثير) الله يوفقك ويرزقك العروس اللي تملأ عينك وتشوفها ملكة جمال ويرزقك ويطول بعمرك يارب,,كثير استانست بمشاركتك وفرصه سعيده اختي ام لسانين ياحلو اسمك يهبل. وصــــــيـــــة يا اخوات ارفقوا على الرجل ترى ما طلب الا حقه .... ومهما كانت درجة جماله من حقه يتشرط ويطلب عروس حلوة احم احم اللي يسمعك يقووووووووول بس هذا المقنع الكندي على غفله  |
13-07-2007, 01:55 AM
|
المشاركة الأصلية كتبت بواسطة ensaaan
وش قصدك ؟
|
13-07-2007, 02:01 AM
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
