احترم رايكم بس انا ماني زعلانه عشان الكعب
ولا عشان اللي عمله بذكرى زواجنا
لاحظوا قلت اني رجعت طبيعيه دايركت
هو بعد يومين شافني مروقه قام نكد
وفتح الموضوع بلوم وقلبها ضدي
وقال كلام ماينقال وصعب اكتبه
من بينه انو انا واهلي طمعانين فيه
واني اشفط فلوسه اول باول
كلام مريض وبعيد تماما عن الواقع
واني زي الخدامه يتجدد عقدي
وياشر باصبعه باحتقار من فوق لتحته
اقدر بفلوسي اجيب 10 مثلك
واجدد عقودهم كل 5 سنوات
يقصد ذكرى زواجنا الخامسه
وانو بعد كذبي عليه مو كفو تربيه
وخساره جاب مني بنت وولد
وجلس يمدح زوجات اصحابه اللي يساعدونهم
رغم انه هو اللي رافض اتوظف
كلام كثير يغث
نمت وصحيت مشحووونه عليه
وانفجرت فيه بطريق السوق
زي ماهو ياذني انا اقدر اغثه بالكلام
قال ايش: خلاص ليش زعلانه خلصنا امس
ايش اللي خلصنا امس
قول مسحت فيك البلاط امس
وفي سبات ماراح اقولها لانها بذيئه
كلام - انقال قدام بنتي
ماعمري شفته الا بهوشات اليوتيوب


انا امس نكديه
اوكي اعترف.. تعمدت انكد عليه
ابيه يذوق من نفس الكاس
ولاحظوا لما سميت بدنه اخذني السوق
ورجع مد الفيزا
وعصب لاني ماصرفت منها
كان يبي يكسر عيني بكم الالف ويكمل زعل
ماعطيته فرصه وقطعت الطريق

اخذت اللي ابي وزياده
ولو نقصني شي اهلي ماراح يقصروا
عمرهم ما منوا علي بريال واحد
مو هذا يتمنن ويتشرط بالهدايا
ويحسب كل الناس بيلهفون فلوسه
فوق كذا افتعل معي مشكلتين برمضان
والغى شغلتين كان واعدني فيها
من بينها عمره مكه وتجديد الصاله
وكل مشكله هو افتعالها يقول بعدها: ماتستاهلي
ويرجع بكلامه وانا اسكت
فوق كذا حتى اغراض العيد يقول ماتستاهلي
وهو ثاني يوم العيد بيسافر برا مع اصحابه
وبيرمني ببيت اهلي انا وعيالي
وباذني اسمعه يقول لواحد تعال معي محمول مكفول
تخيلوا يصرف على الناس تذاكر وسكن وسفر
ومصاريف كثيره لسفره اسبوع برا السعوديه
وانا يقول ماتستاهلي اخذك السوق
ماتستاهلي مكه
ماتستاهلي تجددي شوي ديكور
ماتستاهلي نطلع نتسحر اليوم
ماتستاهلي ماتستاهلي
ذلني بكل شي
حتى هديته اللي جابها لي
امس راح اخذها وهو معصب كان بيرميها بالشارع
وانا مسكته وطلبته يهدأ
وقلت خاف الله بالنعمه
قال ماتستاهليها

ليتني متزوجه واحد فقير وابن حلال
بس هذا النصيب

كنافة أنا ما ألومك في ردود أفعالك

اللي تمري فيه صعب ويبغى له جهاد مستمر

وما يحس بالنار إلا واطيها

الله ينزل عليك السكينة وراحة البال...

كنافة
ما فيك تتواصلي مع اخصائي أسري عبر النت ?
انتي بحاجة له و طالما رافض هو .دوري على النت
اكيد رح تلقي
و بخصوص السفر
اذا يقبل تروحي مع اهلك بسفرة و ما عنده مانع
روحي و انبسطي مع اهلك .
الله يهدي سركم

والله الله يعينك عليه ومالومك لما تدورين الزلة عليه من كثر ماهو مستقعدلك
وتعليقا ع اخر جملة قلتيها وحدة كاتبه متحسفة ع نصيبها وتبغا وسيم و غني قلتلها اهم شي راحة البال مع اي زوج كانت فقير ولا غني

شطحه بس كنافة زوجك مستحيل يكون جنوبي غربي على الاغلب جنوبي شرقي هم اللي عندهم نقطه الزعل والنكد وعدم الرضا بسهوله والتعلق في الام والشك والظنون السيئه
جربي حظك بالانماط شوفي كيف ممكن تتعاملين معه

جنوبي غربي شرقي خرابيط
ماعدت اصدق هالسوالف والله
بس قبل فترة اعدت الاختبار وطلع فعلا جنوبي شرقي
مثل امه جنوبيه شرقيه بامتياز
بس هو بطبيعته اذا قربت منه وضمني نكد علي
قليل خاتمة


سنديان يا قلبي ياما كتبت اني تواصلت مع مستشار
وزوجي رافض تماما هالفكرة


ربي يسعدكم

اليوم سويت الفطور زي كل مرة
وبالاصناف اللي يحبها
بس حطيت له سفرة لحاله
وانا اخذت فطوري بصينية صغيره للصاله
ما أكل ولا شيء
بس شرب كوب شاي
وبعد العشاء ترك البيت وطلع

وانا فطرت واكلت بنتي حبيبتي
وسويت تنظيف شامل للبيت قبل العيد
باقي النص الثاني بكرا ان شاء الله
عشان اذا رحت لاهلي يكون كل شي تمام
لان زوجي بيرمينا ببيت اهلي ثاني العيد ويروح يهيص برا مع اصحابه

شكراا عالتنبيه

__________________


سبحانك اللهم وبحمدك، أشهد أن لا إله إلا أنت، أستغفرك وأتوب إليك

شفتي الفرق اللي بينك وبينه
هو ياخذ حقه وينكد عليك بعدين يرجع طبيعي
أنت تنكدين عليه وتاخذين حقك بس تمصخينهاما تقولين خلاص أخذت حقي وترجعين طبيعية معاه.

__________________
.
هناك من يتذمر لأن للورد شوكاً، و هناك من يتفاءل لأن مع الورد شوك.

شوك قلبي
انا كتبت امس اني اعتذرت له بالسياره واحنا بطريق السوق
وهو سبني ودعى علي وطنشت
بعدين تسوقت بحسابي (يعني ما اخذت حقي زي ماقلتي)
ولما عطيته الفيزا حقته شكرته مارد
واليوم سويت الفطور كالمعتاد ما اكل ولا لقمه

ما اخذت حقي لا ماديا ولا ادبيا ولا معنويا
ترى لي شهر اتلطش مو الحين بس
ولأول مرة بحياتي احط له الاكل على سفره لحاله