السلام عليكم

احكموا ياجماعة بالحق

عمي ابو زوجي كل مابغى من زوجي شي جاء يدق الباب بصورة مفزعة لدرجة بنتي تخاف منه

دايماً اتحمل رغم انه يفجعنا ويخوفنا واروح من الصاله جري لأني اكون لابسه ملابس البيت وبنتي تخاف وتجري وراي

ولأنه اذا كان باب الشقة مو مقفل يفتحه عادي ويدخل!

تحملت كثير بسبب كبر سنه وقرابته لي

المرة الأخيرة كان ليلة دوام وكنت صاحية من الفجر نومت بنتي ونام زوجي وصليت العشاء ونمت

ع الساعه تسعه ونص الا الباب يدق بقوة وزوجي قام مفجوع وهو مكانه يقول طيب طيب وانا جلست اهديه لانه كان مفجوع مره

بعدها حاولت ارجع انام ماقدرت وبنتي صحيت وحاولت انها ترجع مارضت وماقدرنا نرجع ننام وغبت عن الدوام اليوم اللي بعده وزوجي غاب عن دوامه


انا قلت لزوجي يكلمه يقول له لا يدق الباب بهالصورة المفزعة اقلها يتصل ع الجوال

وزوجي يقول هذا ابوي لو يدق الباب عشان منديل يحق له
علما انه ماكان يدق الباب عشان شي مهم بس عشان يقول له يروح لعمارة اخوه

طيب احنا ايش ذنبنا ؟؟

يفجعنا بهالطريقة ويصحينا من نومنا ونغيب عن الدوام!

لسى تناقشنا انا وزوجي وقلت له هالوضع مو مريح بالنسبة لي قال لي ترتاحين في بيت اهلك

هل أنا مخطئة في شي. ؟؟




تم تعديل العنوان
مستجدات
رد 24
http://www.66n.com/forums/showpost.p...9&postcount=24
مستجدات
رد 47
http://www.66n.com/forums/showpost.p...0&postcount=47

عن تجربة .. مهما كانو اهل الزوج غلطانين .. وحتى لو يدري الزوج انهم غلطانين .. مايتقبل الكلام يطلع من زوجته .. وصعب يبين لها انها على حق .. بالعكس بيغلطها وبيطلع اهله صح ..
وعن تجربة .. صرت ما اناقش زوجي في اخطاء اهله .. هو شايف وعارف .. وكلامي ماراح يزيد الا الفجوة بيني وبينه ..

فالافضل .. ندور لك افكار .. مثلا :
تبطنين الباب من الداخل باسفنج متين وفوقه قماش مخمل بشكل راقي .. اذا فضيت بكرا وتذكرت بدور لك صور فالنت .. هي فكرة تخفف الصوت وتعزله .. ممكن محلات الديكور ينفذونها لك ..

وان شاء الله الاعضاء اذا عندهم افكار ثانية يفيدونك ..

فعلاً دوري لك مخرج من هالموضوع بس بحكمه ورويه .. طبيعي جداً زوجك ماراح يتقبل ومهما كان هذا أبوه بيعذره لو يكسر الباب كسر .. فكرة ام الدانه لتبطين الباب حلوه جداً .. وترى طبع عمك مستحييييييييييل يتغير .. تلقينه عارف انه خطأ بس خلاص هذا طبع فيه .. ترى هالعينات عندنا وعندك منها خير ..

__________________
استغفر الله العظيم وأتوب إليه .. سبحان الله ..الحمد لله.. الله أكبر

الموضوع ما يسوى..

والرجال كبير.. والكبار صعب تكلمهم وتفهمهم انهم غلطانين.. وراح يفهم ان ولده ما يبيه ويتضايق منه..

زوجك ادرى بشخصية ابوه وردة فعله..

بر الوالدين ما يكون بس باحسان المعاملة.. وإنما بالصبر على الأذى أيضا..

هوني الموضوع.. واحتسبي الاجر في تحمل بعض الازعاج..

وخلي الباب دايما مصكر.. حتى ما يدخل وانتي بثياب ما يصلح يشوفك فيها..

__________________
سأكتبُ شعريَ الباكي ..... بدمع القلب لا الحبرِ
أُسَطِّرُهُ على كبدي ..... وأتركُ دَفْتَرَ الشِّعْرِ
جراحُ أحبتي في الأرضِ ..... تبعثُ عاصِفَ الفِكْرِ

كفو والله..

لو انه ابوك بتسمعين كلام زوجك لو قالك كلمي ابوك ما يدق الباب بهذي الطريقه..؟!
وما فهمت اش دخل عدم روحتكم لدواماتكم في طرقه للباب!!

__________________
( والذاكرين الله كثيرا والذاكرات )
ادعوا الله ان يجعلكم من الذاكرين له..

اشكركم

أم الدانة

انكسار حلم

وحسن السجايا


نسيت اقول لكم ان بنتي قالت لجدها ليش تزعج ماما تصحيها من النوم


وزوجي زعلان مره من هالنقطة وقال لي تعلمين بنتك تشتكي جدها علما اني ماقلت لها جدك ازعجنا بس قلت انه صحاني من النوم

وزوجي قال لي انه متعود على ابوه انه كذا يصحيه من زمان .

لا تتكلمين قدام البنت ولا بتعليق وحاولي مايظهر ضيقك على ملامحك قدامها عشان مايتكرر الامر وتقول لجدها وتنحطين في موقف محرج ..

انا بعد مافهمت ... هو طق الباب 9 ونص .. ماتروحون دوامكم ليش؟ ترا 9 ونص يا دوب الناس تبتظي تنيم عيالها عشان تنام ..

1_دمعت عيني من بر زوجك كأبن-تعود الروح بغتة لجسده وهو ينادي نداء البر:"طيب طيب",
2_زوجك حاذق جدا جدا ماشاء الله, هو صاحب مبدأ ويوظف راحته لمبدأ البر, فالمبدأ عقل والراحة قلب, فحين طلبت الراحة ومحلها القلب نقلك للمبدأ ومحله العقل, اسمه"الزواج والميثاق الغليظ" ((ترتاحين بيت اهلك))هنا انت تتزنين وتدركين ان قيمة البر لاتقل قيمة من الزواج فلا تناقشي احدهما كي لا يتزلزل الاخر.
3_لما بتبطنين الباب لاتقولين له عن السبب فقط من باب الزينة
4_اخبريه انك فخورة ببره وانك ستعينيه في ذلك وان الراحة تكمن في البر.

__________________
الحمد لله..اللهم صل على محمد و ال محمد

التفريغ المنهجي

وعليكم السلام ورحمة الله وبركاته

بنتك قامت بالمطلوب وصلت رسالتك بشكل ينعكس عليك انت سلبا ..
مهما كان ابوه يضرب بقوة بهذا الشكل انت تحملي واصبري ..
وكوني سند لزوجك بالبر بوالده ..
ومهم كان الازعاج هو رجل كبير
ممكن السمع قليل
او من النوع العجول

نصيحة كوني معينه لزوجك بالبر بوالديه مهما حصل منهم ..

طيب ماهي الافادة عندما اصريتي على زوجك يكلم والده وانك تريدين الراحة ..
قال لك كلام لا يرضيك وازعلك ..
في حرم الوالدين ... الصمت حكمة .. وجمال .. والصبر عليهما قمة الاخلاق وحسن السجايا ..بر بهما ..ورضا الله ..

الله يوفقك ..ويرضى عليك

نعم.. علمي بنتك ما تتكلم عن أي شي يصير بالبيت..

والأمور اللي ما تبوها تطلع.. لا تناقشوها بوجود الاطفال

برائتهم بالكلام قد تسبب مشاكل..

...
..
.

__________________
سأكتبُ شعريَ الباكي ..... بدمع القلب لا الحبرِ
أُسَطِّرُهُ على كبدي ..... وأتركُ دَفْتَرَ الشِّعْرِ
جراحُ أحبتي في الأرضِ ..... تبعثُ عاصِفَ الفِكْرِ