حبيبتى
أنا بقرأ كلامك وحاسه كأنى بفتكر مدة من حياتى وكانت نفس احساسك وكلامك والله العظيم
بس أحب أطمنك إن دى فترة وبتعدى .....هتقولى ماهى من زمان كده هقولك والله والله انا من 5 أبتدائى كنت أحس ان ماحدش بيحبنى وان ماما بتعاملنى وحش واخواتى مش بيحبونى وكمان الناس وكنت كل مااشوف حد اقول ده بيكرهنى
لكن الحمدلله كل ده راح يمكن الواحد بيكون حاطط فى تفكيره حاجات غلط علشان كده بيحس الناس واهله بيكرهوه
عايزة ظاقولك ان عمر ماام هتكره بنتها والله
انا ام اى نعم ام جديده بقالى 8 شهور بس من كتر مابحب بنتى ببقى نفسى آكلها والله
بصى مامتى بتعامل اختى الاكبر منى غيرى شويه بس لانه هى بعيده عنها لان انا كل حاجه بقولها لماما وهى لا
غير ان ماما مش بيعجبها خروج اختى الكتير هى بتروح معهد دراسات اسلاميه وبتاخد دورة لغه عربيه يعنى مش بتعمل غلط بس ماما بتضايق من الخروج الكتير الصراحه انا بزعل لما احس ان ماما بتعاملها وحش شويه
وبتحاسبها على كل جنيه تاخده وكمان دى حاجه بتضايقنى انا
انا بقول يمكن ماما بتعاملنى انا احسن علشان اتجوزت مع انى قعده معاهم من ساعة مااتجوزت ودلوقتى خلاص اتطلقت ههههههه الحمدلله على كل شىء..
لان كنت ديما بحس انهم مضايقين مننا اننا مااتجوزناش مع اننا مش كبار قوى انا تجوزت 22 سنه
بس كانو بيحسسونا انهم 220 سنه
لكن والله صدقينى انا حسيت كلامك وتلقائيتك وحسيت ان اللى بتحكيه عادى
بيحصل والله اكتر منه لكن برضو حسيت انك عصبيه على مامتك ونرفوزة زيى بالظبط والله بس بطلت شويه
يعنى احنا اللى بنخليهم يعاملونا كده
اقولك حاجه حلوة
جربى تجيبى لمامتك هديه حلوة زيك كده
وشوفى رد فعلها
وابدأ عامليها كويس وصدقينى هتلاقيها بقت كويسه معاكى بس ابدأى وجربى وربنا يسهل وابقى طمنينا ياقمر
__________________