رد : لماذا فعلت ذلك يازوجي ؟ (تفسير تصرفات ال
اسفة توني اقرا طريقة السؤال::
ليش يا زوجي لما كنت رايحة يايبتك من المطار ومستانسين اخر وناسة ولما تذكرت اني باوصلك بيتكم - اللي فيه مرتك المصون- وقلت لي اخاف تشوفين شي ما يعجبج قصدك سيارتها وانا لما رديت عليك وقلت لك قولها تحرك سيارتها - نفس الحل اللي انت اتخذته معاي لما كنت زايرة مرة اخوك وانت ما كنت تبيها تدري اني موجودة عند بيت مرة اخوك- ليش عصبت؟؟؟؟ يعني مثلا هي عندها احساس وانا لا؟؟؟
ليش دايما تييب طاري الانفصال على سبيل الضحك انت تدري ان هالموضوع مو هين ولا سهل ولا احد يضحك فيه اصلا
اذا كان ودك تختبر غلاك فابشر غلاك = صفر عندي
ليش دايما تسب ولسانك اوصخ من الوصخ وامك ما خلت ولا بقت بالناس تمشي وتعيب وما شافت خياس ولدها؟؟؟؟
ليش اليوم لما اتصلت فيني وذكرتك بالسبانة قلت لي سكتي لا اسبن راسج
ليش اسلوبك معاي دايما اييب المرض
ليش دايما اقول عني معقده مع ان الواضح ان العقد والنقص فيك انت
ليش ما تبي تبين لي مشاعرك الحقيقيك لي؟؟؟؟؟
واذا كنت ما تحبني ليش ما تسرحني وتريحني
__________________
لا اله الا انت سبحانك اني كنت من الظالمين