هل اطلب الطلاق ساعدوني / المستشارة لحظة
السلام عليكم ورحمه الله وبركاته بصراحه ابي حل تعبت مرا من زوجي اولا 24ساعه ماسك جواله ماعليه سكت فوق هذا مايسولف ولاادري عنه بشي حتى لما بيطلع يعاند مايقول وين رايح فوق هذا ضايف وحده بالسناب ويسولف معها بين فتره وفتره تخيلوا يرسلها حتى ايش يسوي بِدوامِه انا اللي زوجته ماشفت ايش يسوي ولايرسل لي شي عندي طفل منه خاني من اول سنه بزواجنا اكتشفت انه يسولف مع وحده سناب تهاوشت معاه ووعدني مايكررها وهذاه كررها وفوق هذا يخطط للسفر للخارج لحاله سافر قبل وتهاوشت معاه وسافر وطنشني المشكله حتى بسفره بلاوي بنات وشراب لأكن كل هذا على باله أني ماادري عن بلاويه جاااف درجه أولى والله حتى لما نطلع كان احد غاصبه ع الطلعه معاي وطول وقته ساكت مايسولف والله اذاني احس جاها صقه من كثر الهدوء ابي حل معاه في خيانته تعبت احس أني مففله عنده اشتغل واحوس وأسوي كل شي له آخرتها خيانه