السلام عليكم و رحمة الله وبركاته
يا اخوان انا عندي مشاكل كثيره انا متزوج من سنه و3 شهور و زوجتي حامل في الشهر الثامن بداية المشاكل كانت من بعد الزواج بشهرين انا وحيد الوالد و الوالده الله يطول في عمرهم ماعندي لا اخوان ولا اخوات كانت الوالده تحب تطلع تجلس معنا بعض الاوقات و زوجتي كانت تتضايق و يبان في وجهها و سكت وكانت تتضايق لان الوالده تطلع تصحيني عشان الدوام بخصوص ان نوم زوجتي ثقيل شويه وفي مره طلعنا نتمشى و نغير جو و تفاجات بالوالده تتصل تقول تعال الحق بيتك بينحرق و رجعنا و الحمد لله ربنا ستر و لطف لولا وجود الوالده كان انحرق البيت بسبب ان زوجتي خلت توصيلة الكهرباء شغاله جنب السرير ومع الحراره ولعت و فوق هذا زعلانه تقول ليش امك تدخل غرفة نومي كان ردي عليها بانه لو انحرقت الشقه من بيدفع حق تجديدها و حق الاثات جاوبتني بانه انا بدفع تقصدني قلت لها ليش ادفع وانتي الغلطانه مو انا و قلت لها تعوذي من ابليس و فكينا من المشاكل و سكتت فتره وبعدها قالت انا ما اقدر اتحمل اعيش هنا المهم زاد النقاش بيننا شوي و قالت لي مع نفسك انت و امك والله العظيم مدري كيف مسكت نفسي و تعوذت من ابليس و هجرتها اسبوع و تعدلت و اعتذرت بعدها بفتره زادت المشاكل جاتني الوالده قالت ياولدي روح دور لك شقه عشان زوجتك ترتاح انا رفضت بس اصرار الوالده خلاني اوافق و رحت استاجرت جنب بيتي اهلي قريب منهم عشان ازورهم يوميا و اشوف احتياجاتهم كنا في بيتنا الاول زوجتي ما تنظف ولا تهتم لملابسي ولا تغسل ولا تكوي ولا تطبخ علمتها كيف بتسوين اذا نقلنا قالت خلنا ننقل و ازهلها بتشوف وحده ثانيه صدقتها و نقلنا و زادت المعاناه بحكيها لكم ..
1 - ملابسي ما تغسلها ولا تكويها الا اذا طلبت منها و تكوي ثوب واحد بس والله العظيم اني اكلمها من الليل و تكويه الصباح و اتاخر عن عملي و لما اسالها تقول كنت تعبانه و صدقتها وفي يوم ربي صحاني الساعه 3 الفجر و احصلها تلعب بلايستيشن و منسجمه و سالتها كويتي ملابسي قالت شوي بكويها و رجعت نمت وصحيت وهي جالسه تلعب وما كوتها و مشيتها ..
2 - البيت وصخ ما تنظف ولا تطبخ و اذا طبخت خلت الاكل داخل القدر لحد ما يخرب و تطلع ريحته ..
3 - طلباتها انفذها لها ورب الكعبه ماقد قصرت عليها و ابسط مثال كان عندي سياره قديمه بعتها و قلت بخلي فلوسها تنفعنا لو صارت مصيبه لاقدر الله ولكن جات زوجتي تطلب جوال ايفون بلس الجديد و اشتريته لها والله العظيم بسعر 3500 ريال و ماكمل شهرين و كسرته و انعدم و اشتريت غيره لها كله مابيها تحس بانها اقل من صديقاتها او بنات اقاربي ..
4 - الان طالعه بموال الولاده تبي تولد في مستشفى متخصص كمثل سليمان فقيه او المركز الطبي الدولي و تبي حفل استقبال و تزيين للغرفه وتبي النفاس في بيت اهلها ولما سالتها قلت طيب اهلي و اقاربي من حقهم يجون يباركون خصوصا انه اول مولود قالت بكيفهم يجون بيت اهلي او ينتظرون لحد ما ارجع بيتي و يجون ..
5 - ما تحضر مناسبات لاقاربي والله من اول ما تزوجنا ما حضرت الا زواجين فقط اما زواجات و مناسبات اقاربها من الظهر تتجهز ..
6 - الان انا نفسي اسمي ولدي باسم ابوي هذا اقل شي اقدر اقدمه للوالد بعد ذا العمر و بعد كل التعب اللي تعبه عشاني ودي افرحه لكن الحرمه راكبه راسها و تقول ما تسميه باسم ابوك و المشكله ان اسم ابوها مثل اسم ابوي ( محمد ) ..
يا اخوان انا تعبت نفسيا و ماديا والله العظيم اني موظف قطاع خاص راتبي 5000 وش يسوي ذا المبلغ اجمع منه للايجار 26000 ريال سنويا* او ادفع طلبات البيت اللي تطلبها وما عمرها طبخت مدري ليش الاغراض او ادفع طلباتها والله تعبت تعبت تعبت والله اللي مصبرني انها حامل ما ودي اوديها بيت اهلها اخاف تتعب و يصير لها شي او للطفل و يكون الذنب في رقبتي و قد فاتحتها باننا نرجع لبيتنا القديم و رفضت الوالده قالت رجعها البيت القديم بس خلها تقعد في الدور الارضي مجدد و مزبط وانت تزوج و اقعد في الدور الثالث و بتكون عندك طول الوقت تشوفها و اي اغراض تنقصها بنوفرها لها لكن مابي ازود همي و اتزوج ثانيه ودي احل موضوعي او اطلقها و بعدها اتزوج .
اتمنى تشوفون لي حل و انا اسف طولت عليكم في الكلام .