عامله لكم النهارده مشلتت على السحور (لو طلع رمضان بكره يعنى) وكل سنه وانتم طيبين

المقادير:
2 كوب دقيق
ملعقة صغيره ملح
ماء دافئ على حسب الحاجه
خليط من السمن البلدى والزبده و قليل من الزيت النباتى

الطريقه
يعجن الدقيق والملح مع الماء جيدا الى ان تصبح عجينه ملساء لا تلتصق باليد وتستغرق هذه العملية حوالى ربع ساعه بالعجانه او ثلث ساعه باليد
بعدها نقسم العجينه الى كور كما بالصورة ونتركها ترتاح لمدة لا تقل عن ساعه فى درجة حرارة المطبخ ( خطوة مهمه جدا ليكون العجين مطاطى قابل للفرد بدون ما يتقطع)

نبدأ بغمس العجينه فى خليط الزبده والسمن ثم نبدأ نفردها على سطح املس ونمطها بيدنا الى أن تصبح رقيقه جدا وكلما احتجتى الى زبده ضعى عليها حتى تساعد فى عملية الفرد


ونكرر العمليه على حسب عدد الراقات اللى عايزينها أنا بأعملها 6 رقات ونضع بين كل طبقه والثانيه خليط من السمن URL=http://up3.m5zn.com/showimage-8-2008-vlc58gtrz3f.jpg][/URL]
ثم نطبقها على شكل دائرى ونتركها ترتاح لمدة ربع ساعه

ثم نضعها فى صينية فرن مدهونه بالسمن البلدى ونفردها الى دائرة كبيرة

ندخلها الفرن على نار عايه (250) مئويه الى ان تحمر من فوق ومن تحت
وتقدم مع العسل الأبيض واليض المسلوق والجبنه القديمه( المش) وبالهنا والشفا

وأحيانا أنا بأحشيها بخلطة الجبنه واللى هى عباره عن جبنه بيضاء وطماطم مقطعه مكعبات وفلفل أخضر مقطع مكعبات وزيتون اسود مقطع ونخلطهم كلهم سوا ونحشى بيهم العجينه ثم أطبقها من الأطراف الى المنتصف وأتركها ترتاح ربع ساعه ثم أفردها بالصينيه المدهونه سمن ثم اخبزها بالفرن وبتطلع لذيذه
وأترككم مع الصور




أتمنى تعجبكم وبالهنا والشفا وكل عام وانتم بخير
ولا تنسونى من الدعاء بهذا الشهر المبارك.

__________________

http://www.66n.com/forums/showthread.php?t=194675

ما شاء الله شغلك مرتب و جميل

تسلم الأيادي

ورمضان كريم

جزاكِ الله خيرا

بحب ريحة السمنة البلدي , يمي يمي

__________________

شكلها حميل ماشاء الله
بس سؤال بتكون طريه بعد الخبز ام بتكون ناشفه شويه
لانى جربتها قبل كده وكانت قاسيه شويه مش طريه زى الجاهز

رووعه انا اموت بالمشلتت ممكن قطعه يعطيك الف عافيه

__________________

الله يخليكى يا حبيبتى وكل عام وانتى بألف صحه

__________________

http://www.66n.com/forums/showthread.php?t=194675

تسلمى يا حبيبتى وبالنسبة لسؤالك ان شاء الله هتكون طريه بس أهم حاجه انك تعمليها على نار عاليه لكن اللى بيخليها ناشفه انك تهدى النار وكمان تكثرى الطبقات مثل ماذكرت بالطريقه لأنه عامل مهم
وأول ما تطلعيها من الفرن تكمريها بمعنى انك تضعيها فى كيس بلاستيك وهى لسه ساخنه او تضعيها فى طبق وتغطيها بطبق تانى علشان تتكمر وبكده عمرها ما تنشف ان شاء الله. وكل سنه وانتى طيبه

__________________

http://www.66n.com/forums/showthread.php?t=194675

تسلم ايدك حبيبتي

بجد شكله يجوع

__________________

تسلمى ولك كلها وليست قطعه واحده. اتفضلى

وبألف صحه.

__________________

http://www.66n.com/forums/showthread.php?t=194675

تسلمى بألف هنا وشفا وكل عام وانتى بخير وبصحه

__________________

http://www.66n.com/forums/showthread.php?t=194675

مشكوره اختى على الرد
وكل عام وانتى بخير
والعام القادم بإذن الله يكون ربنا رزقك الذريه الصالحه