لا تسوين ولا شيء خليك اي ما انتي ..
اسبوعين وراح يطلقك بناءً ع طلبك !، وانصحك من الحين تجهزين ملابسك يادوب تخلصين...
ترجعين لبيت اهلك ، وبغرفة بدل ما انتي ببيتك الامرة الناهية .. وانتظري نصيبك يجيك ! الله اعلم بعد شهر او سنة او عشر سنين .
وزوجك الكويس المصلي المسمي يروح يتخير شيخة البنات .. ليه ؟ لانه وفق مجتمعنا يعتبر لقطة 😄 بيته الملك وبيجهز ولا هو راعي حريم ولا هو راعي مخدرات او راعي خنبقة بالعكس محترم ..
هل هذا السيناريو راح يعجبك ؟
اكيد مارح يعجبك لكن للاسف هذا الواقع
وعشان تعرفين ليه كل هالاعضاء جالسين ينصحونك .:
اجل اللي زوجها يضرب او يحشش او يسكر او يخون ويجيب بنات لبيتها ومع ذلك صابرة ، وانتي ع مسج اهدد انه بيتزوج عليك انفعلتي وطلبتي الطلاق !!
مين فينا ماعصبوا علينا ازواجنا ؟
مين فينا ما قالوا لنا ازواجنا كلمات جارحة ؟
وفيه ناس افظع ! مع ذلك الحمدلله ماشين ونضغط ع انفسنا عشان تمشي الدنيا ..
لكن انتي مش مقتنعة ابدًا بكلام الاعضاء بس بكيفك هذي حياتك انتي ..