السلام عليكم ورحمة الله وبركاته
انا متزوجة من 4 سنوات عمري 24 وزوجي عمره 31 سنة وماعندنا اطفال
انا عشت حياة مع ابوي ومرت ابوي كلها مشاكل وماعرف الراحة او الاستقرار بالحياة المهم مايحتاج اقول تفاصيل كثيرة
انا تخرجت من الثانوية وكان حلمي ادخل تخصص معين ولكن ابوي رفض وزوجني
المهم تزوجت وكانت بداية حياتي الزوجية ممتازة جدا وكنت سعيده بس بعد فترة تقريبا سنة ونص بدا زوجي يتغير في تصرفاته
صراحة ماشكيت فيه ولكن استغربت التغيرات ولما سالته قالي بصراحة انا ماني مقتنع فيك كزوجة وحبيبة وام اولادي
وتزوجتك مصلحة وابوك يدري وانا ترا مجبر مثلك وادري بكل شي وخرج اذكر كان معزوم , انا استغربت من كلامه وجاني احباط
واهل زوجي مايطوانوني خصوصا امه كانت تشوفني انسانه مو مناسبه لولدها المهم المشكلة مو في ها كله لآني تعودت على تصرفاته وتصرفاتهم
تعايشت معاهم غصب عني
المهم المشكلة مو هنا المشكلة اني احبه بشكل مو طبيعي واغار عليه طيب ليش ؟ هو مايحبني ليش احبه ؟ هل انا مريضه او لهدرجة انسانه ناقصة
احب شخص مايحبني !!
احس احيانا اقول في نفسي ليش صابره وساكته اطلب الطلاق واروح في حالي بس اتراجع عن هالقرار مادري ليش هل هو لاني احبه
او خوف من شي ثاني
فوق المليون مره يجرحني سواء بكلام او بنظرات للبنات او يمدح البنات اللي عنده بالانستقرام او او او
بس اقول في نفسي كل الرجال كذا ومافي حرمة ماتشتكي من زوجها انه يتغزل بالبنات قدامها بس مؤلم الموضوع

والحين بحكم دراسته في امريكا في جامعة مختلطة احيانا يحل الواجبات مع زميلات له او يدرس معاهم او ايا كان
المشكلة انه يسولف معاهم ويطول وياخذ راحته ولما اعاتبه على هالشي يقولي انا بهالشي اسويلي علاقات استفيد منهم يوم اني احتاج

المشكلة الثانية هي مشكلة جنسية واعذروني ودي اعرف شي شخلي شهوتي تقل او تنطفي لحد يقولي زوجك موجود
اكره اقوله انا مشتهيتك مادري ليش افضل يجي من نفسه ولا اروح له لانه احيانا يطنشني او يحرجني
احس احيانا انه اغلب تفكيري في هالموضوع , انا مادري ايش فيني هل انا مريضة دائما اتخيل خيالات باللي نفسي فيه
او اتخيل اشياء مادري كيف هل يعتبر مرض !! حاولت اشغل نفسي بالصلاة والصيام والرسم والرياضة بس مادري ماقدر

ودي انفصل عن زوجي للابد بس وين اروح مابي اروح عند اهل ابوي مارتاح عندهم ابد ولا عندي احد غير زوجي
بس مادري


تم تعديل العنوان ليتناسب مع المضمون

أهلا أختي الله يفرج همك و يسعدك

أولا دامك زوجك ما يبغاكي ليش مخليكي على ذمته

ثانيا بخصوص تفكيرك في الجنس هذا طبيعي لأنك محرومة جنسيا و عاطفيا

ثالثا اما موضوع الطلاق والله يا أختي انتي أدرى في ظروف، يعني قارني بين اهلك و زوجك

شوفي اش أهون لكي نار زوجك و لا نار اهلك

الله يفرج همك و يحقق كل ما تتمناه

اكيد انه انت مجروحة وتعلقك فيه هروب من حياتك اللي بتكون من بعده لو تركتيه
لكن اذا انت كان عندك رغبه في الدراسه وتخصص معين ليه ماتكملين لانه يمكن يجي يوم تندمين انك ضيعتي حياتك معه
اهم هدف تسعين له الان هو الدراسه حتى ممكن انك تنشغلين عنه وتفكيرك راح ينشغل في امور اخرى غير اللي انت تفكرين فيها كل يوم لانه الروتين هو اللي يجبرك على الافكار المتكرره ..
نقطه مهمة (ناس كثير تزوجوا غصب عنهم لكن بذكاء احد الطرفين وتعامله تغيرت حياتهم وصار الطرف المغصوب شخص محب وعاشق للطرف الثاني انت قادرة بإذن الله على انك تغيرين فيه ) لكن على حسب نقا ط معينه وع حسب شخصيه زوجك
ياليت تذكرين تفاصيل اكثر عن شخصيته كيف يعاملك (اذا مرضتي ،اذا زعلتي،ووووو...) ومواقف بينكم تدل انه مغصوب وان شاء الله كثير من الاعضاء قادرين انهم يوصلوك للطريق الصحيح وتتغير حياتك

الله يفرج همك
متابعه معاكي

__________________
كن كالغيمة السخية ، أمطر على الآخرين بحسن خلقك
وامض في حياتك دون انتظار مقابل 💙

انت محتاجه فقط تهدئين لأنك في صراع من سين
فمو قادره تحلين مشكلة طرأت على حياتك مع زوجك
المشكلة الحالية الي طرأت عليك تمر على اغلب البيوت وحلها مقدور عليه لكن محتاج شخصية هادئه وماتجلد نفسها وتحركها سبيات الماضي
لذلك ادخلي رابط توقيعي واقرأيه ا شاء الله تتحسن امورك

__________________
الحمد لله..اللهم صل على محمد و ال محمد

التفريغ المنهجي

دامك ماتورطتي ب اولاد ولساتك ببداية حياتك استخيري وشوفي حياتك

دراستك ياحلوة

وضعك معه ماهو مضمون

لا هو ولا اهلك..

وقلة المحبة لا تعني عدم الاحترام!

انتي تدرسين؟
وكم باقي له من سنة بامريكا؟

انتي تقولين اول زواجي سنة ونصف كانت اروع مايكون؟
احكي الموقف اللي خلاه يقولك انا مغصوب عليكي اتذكر اللي ينغصب الحرمة مو رجال !!
انتي حكيتي له عن ماضيك مع اهلك ؟؟؟

شكرا لك , اللهم امين