حمل بدون نسبة للهرمون .. ساعديني يادكتورة الله يريحك بالدنيا والاخرة
السلام عليكم ورحمة الله وبركاته
كيفكم ان شاء الله الجميع بخير
حبيت استشيركم خواتي في موضوع مهم
انا تاخرت الدورة عني
وبعد تعب ودوخة وحالتي حالة
اصر رجلي اروح للمستشفى
وفعلا رحت وحللت اول مره بول
طلع مافي حمل
رجعت البيت والتعب مازال معي وبعد فترة اصر زوجي اروح اكشف
بس تعرفون العناد قلت لا بس بحلل دم
وفعلا حللت تحليل دم عادي
طلع مافي حمل
رجعت البيت
وبعدها بأسبوع صار معي الالام باسفل البطن وصرت ااتشهوى وحالتي حالة
قالي زوجي اكيد حامل نروح نحلل
وفعلا رحنا حللنا تحليل دم عادي
طلع مافي حمل وقالت الدكتورة ابسوي لك سونار
وسوت لي سونار مهبلي وفعلا طلع فيه كيس حمل وواضح وعمره شهر تقريبا
قالت وشلون اكيد تحليل الدم العادي غير دقيق وسوت لي تحليل رقمي على قولها
وحللت لي نسبة هرمون الحمل بالضبط
وبعد يوم طلع التحليل مافي حمل وطلعت النسبة 0.1 بس وهذي النسبة مستحيل يكون فيها حمل
قالت اكيد الجنين متوفي والهرمون نازل وخلاص
عطتني حبوب طلق وقالت خوذيها ثلاث ايام وراح ينزل
وفعلا اخذتها ثلاث ايام ومت من الالام ومانزل معي شي
استخرت الرحمن ورحت لدكتورة ثانية عشان تعطيني طلق وينزل وارتاح
شافت الدنيا هذي كلها وقالت فيه خطأ كيف الجنين متوفي ومانزل معك ولا نقطة دم او افرازات غامقة مستحيل
لازم نعيد السونار وفعلا عادته وشافت الكيس وقالت الكيس ممتاز والبطانة رائعة
غريبة الوضع مو باين
والتحليل ليش نسبته كذا
بصراحة مره ضاق صدري مدري هو متوفي ولا لا
قلت مافي حل الا اعيد تحليل هرمون الحمل يمكن يكون خطأ
وبعد يومين..
رحت سويت تحليل وطلع نسبته 2 يعني الهرمون ارتفع
راحت الدكتورة واجتمعت مع 3 دكاتره
1- واحد يقول مستحيل يكون حمل سليم والهرمون اقل من 1500 رغم كذا ماقدروا يفهمون شي
2-واذا استبعدنا كونه حمل سليم وافترضنا كونه حمل متوفي فيه الجنين ايضا مستحيل يكون
حمل متوفي والنسبة اقل من 30 لان الكيس كبير ومايمدي الهرمون انه ينزل للدرجة هذي(( وعلى كلامهم اذا متوفي من 3 اسابيع كيف مانزل معي ولا نقطة افرازات ولا دم اعزكم الله))
3- قال اذا اكيد انه تجمع دموي ولازم عملية تنظيف ومافي حمل ولا شي بصراحة غريبة وبطني منتفخ من ايش شكلها,ِ~ْ (( غازات )))
بس انا رفضت لانها قالت لي بالبداية جدار الرحم جدا سميك والحلقة البيضاء حول الكيس تدل على كونه حمل ممتاز
وانا ماجتني الدورة من زمان واحس بنبض بداخلي يقولون لي نبض القولون اول مره اسمع بنبض القولون فكيف يقولون حمل وكيف الهرمون يرتفع وبعدين يقولون لا
بس انا ابصبر 10 ايام بعدها اسوي تحليل او سونار وبشوف اذا تغير حجم الجنين او لا..
والله يكتب مافيه الخير
وياليت احد عنده فكرة او راي لايبخل علي
بالرغم ان وحده قالت لي اقري يمكن يكون كل هذا بسبب
والله اعلم
14-06-2008, 02:57 PM
ضوابط المشاركة
العرض الشجري