صفعني ( حلت بفضل الله - الرد 112) - الصفحة 10 - منتدى عالم الأسرة والمجتمع

09-10-2013, 03:26 PM

#91

Raouf

عضو نشيط جدا

تاريخ التسجيل: Oct 2010

المشاركات: 3,446

رد : صفعني

اقتباس:

المشاركة الأصلية كتبت بواسطة ناآاني

كسرت خاطري ياعم
هفسرهالك انا
يعني لك الكرامه والقدر الكبير اللي مش ممكن يتآلك الكلام اللي زي ده !!!
الله المستعان

كسرت بخاطرك ليه
انا آسف بس حبيت اهدى الجو المشدود
تفسيرك وصل وشكرا لك ولبنت ابو ظبى عساى اكون عند حسن ظنكم

09-10-2013, 03:27 PM

#92

بنت بوظبيxAD

موقوف

تاريخ التسجيل: May 2013

المشاركات: 1,151

رد : صفعني

اقتباس:

المشاركة الأصلية كتبت بواسطة unlimited

عفوا اختي الكريمة روضه
لم انت هنا بهذا الموضوع في الوقت الراهن؟
ومالذي تنتظرينه؟
هل يساعدك تواجدك هنا؟

علشان شخص يقولي الحل الصحيح ...

بعيد عن الشماته والانتقاد الغير موضوعي .. اخ بليغ ماقصر بطرح النقاط بالرغم من انه ضايقتني مبدا المقارنه بين الزوج والاب ..

ويليت تواجدي بيساعدني الا انه تواجدي وضعني موضع المذنبه وبدت الشماته والتحاليل من المزاج تنطرح ..

09-10-2013, 03:30 PM

#93

بنت بوظبيxAD

موقوف

تاريخ التسجيل: May 2013

المشاركات: 1,151

رد : صفعني

دقيت على الوالد .. وتردد اخبره سمعت صوته فديت حسه الحنون . قالي شو في خاطرج ناقصنج شي خليفه ناقصنه شي سكت ماقدرت اخبره بالسالفه ضيعت السالفه وانا احس في شي واقفلي شرات الغصه خنقتني العبره قمت اصيح من عقب ماسكرت تردد اخبره شو سبب الصياح لااحد يسالني
ليش نفسي جي ماادري

انا بطلع الحين بسير المول وبسوي شوبينغ وبدش السينما بمارس هوايتي المفضله ان شالله ااقدر افكر عقبها ..

ربي يحفظكم

09-10-2013, 03:37 PM

#94

unlimited

عضو المنتدى الفخري

تاريخ التسجيل: Sep 2012

المشاركات: 4,252

رد : صفعني

اذن خذي من حديث هذا الرجل الحكيم مايفيدك ولا تبكي مما اوكىء قلبك منه!
الهواية المعنية تفريغ مشاعر بكتابة خاطرة شعر, تأمل عميق, تمارين الاسترخاء , سباحة,رياضة, او حتى رسم! الهوايات التي بها يحدث الصفو

__________________
الحمد لله..اللهم صل على محمد و ال محمد

التفريغ المنهجي

09-10-2013, 03:38 PM

#95

Raouf

عضو نشيط جدا

تاريخ التسجيل: Oct 2010

المشاركات: 3,446

رد : صفعني

اقتباس:

المشاركة الأصلية كتبت بواسطة بنت بوظبيxAD

لا لو مقرره تحكى للوالد فلا تتراجعى
تحملك الهموم وحدك لن يحلها ووجود والدك بجانبك مع مايحمله من رصيد بقلبك يكون دافع لك لاتخاذ القرار السليم وانتى مطمئنه ان سندك وراء ظهرك ولن يخذلك
حتى وان لم تكن شكوى ولكن مشوره وهو اكثر الناس ادرى بك

09-10-2013, 03:44 PM

#96

شوك11

عضو مثالي

تاريخ التسجيل: May 2011

المشاركات: 7,448

رد : صفعني

اكبر غلط تسوينه انك ما تخبرين الوالد، كوني قوية واعلمي ان الرجل لا يوقفه عند حده الا رجل مثله
وخطأ خطيبك ليس سهل وبسيط، لا تردين عليه ولا ترسلين
خليه في نار ما تنطفي، نوعية خطيبك واضحة بس لو نتكلم بتقولين انتم ما تعرفونه، الله يكتب لك الصالح

09-10-2013, 04:47 PM

#97

everything

عضو مثالي

تاريخ التسجيل: Jun 2012

المشاركات: 767

رد : صفعني

اقتباس:

المشاركة الأصلية كتبت بواسطة صعبة المنال

للأسف أنتِ مغيّبة عن الواقع تمامًا

ياخوفي بكرى تصحين وتعرفين إنك ضحية نصب وإحتيال سالم وخاله

لاتستبعدين أي شي وتاخذك الثقة لغير محلها

الضرب في وقت حساس مثل الملكة يخلي قدامك مليون علامة إستفهام وتعجب

انتبهي لنفسك لاتندمين وياحلاة الثوب منه وفيه

تاخذين اماراتي منك وفيك وعارف عاداتكم وتقاليدكم مو رجل جالسة تهتمين فيه وتشترين

على حساب وقتك وجهدك

مافيه شي اسمه حب قبل الزواج سميه اللي تبين حب إعجاب حب تقضية فراغ حب جنسي حب مال

وهذا اللي أشوفه الحين سالم ع قد حاله وطاح ع كنز بيحاول يصبر لين يدخل عليك وويطلع المعدن الحقيقي

صحيح مااجزم انه ممكن يكون كذا لكن تصرفاته معك اللي نقرأها منك تدل على كذا

انتبهي لنفسك حسافة والله شبابك يروح لشخص استغلالي

أقل شي تسوينه تعزين نفسك عنه وماتخلين مسألة الضرب تعدي بسهولة

تحطين حدود لك ماتتعدينها لاتصرفين عليه خليه يعيش مثل كل رجال العالم اللي بيتزوجون هو اللي يتعب ويبذل

وانتِ معززة مكرمة في بيتك تهتمين بنفسك للعرس ولاتعطينه اي مبالغ مالية للمساعدة ع الاقل في البداية

أنا خفت منه عليك والله الدنيا مالها امان واكبر دليل ابوك واخوانك شوفيهم كيف يسألونك تبينه صدق ؟ موافقه عليه ؟

لانهم شايفين الموضوع بدائرة اكبر من اللي انتِ شايفتها

من الأخير .. إنتِ هدفك العيال ومو شي خطأ خلي كل إهتمامك تنجبين عيال لك وانتبهي تصرفين اكثر عليه

الله يكفيك من فيه شر ويوفقك

هذا حدس اغلب الاعضاء
وربنا يعطيك على قد نيتك

__________________
حبيبتي .... عندما تبتسمي الي سوف تنير كل النجوم التي في السماء

09-10-2013, 08:40 PM

#98

بنت بوظبيxAD

موقوف

تاريخ التسجيل: May 2013

المشاركات: 1,151

رد : صفعني

بتوكل على الله وبرمس ذياب ... والله يجدم اللي فيه الخير ..كل ماتاخرت موب من مصلحتي

09-10-2013, 09:27 PM

#99

تلميذ الحياة

كبار شخصيات المنتدى

تاريخ التسجيل: Jul 2012

المشاركات: 3,197

رد : صفعني

اقتباس:

المشاركة الأصلية كتبت بواسطة صعبة المنال

اميل لهذا الرد

__________________

كل مشكلة ولها حل
**باب بيتك هو باب خزنة اسرارك الزوجية**

بـــاريـــس... تــقــريــر رحلتي الــى مــديــنــة الــنــور
.
.

09-10-2013, 09:28 PM

#100

مهره

عضو المنتدى الفخري

تاريخ التسجيل: Aug 2003

المشاركات: 17,491

رد : صفعني

روضة..

أول شي .. ما يصير كل ما حد قال شي ما يعجبج قبضتيه الباب

ولا تسيئين الظن فديتج وتفكرين ان في حد يبا يتشمت فيج .... ما حد هني يعرفج وما حد مستفيد لا من زواجج ولا من عدم زواجج إذا كان الله مب كاتب لج تستمرين مع سالم.

وعلى كل حال .. من الحين اقول لج اني باقول كلام غالباً ما بيعجبج .. بس تحذري لأن ويهي لوح آند آي وِل نوت كيب ماي بوينت .. آند أي وِل نوت ليف يور سبيس لو شو سويتي

تبين الصدق .. أنا أول ما قريت موضوعج الصبح كنت ناوية أحط عليج شوية .. كونج غلطتي في بعض التصرفات وردود الفعل .. ولأني لي تحفظ على رايج في بعض الأمور.

لكن عقب ما فكرت شوي رجعت في كلامي .. وقلت لنفسي أي شي غلط ممكن تكونين سويتيه ما يستحق أبداً أبداً انج تتصفعين وتنرفسين وينشد شعرج عشانه!

ومتى؟ .. في فترة الملجة؟!!!!!!

وليش؟ .. عشان سالم مب قادر يمسك نفسه؟!!!!!!!

أنا ما أحب التعميم .. وما راح أعمم على كل الرجال أنهم يبون حريمهم في فترة الملجة .. وبنقول بعضهم يبا يدخل قبل الأوان .. وبنقول بعضهم يزعل شوي ويحط في خاطره لأن زوجته ترفض تجاريه .... لكن عمرنا ما سمعنا ان حد عصب لدرجة انه يضربها لأنها رفضت انه يدخل عليها في فترة الملجة .. لأنه ببساطة يعرف عدل أنه ـ عرفاً ـ مب من حقه يطالبها بهالشي أساساً.

وإذا سالم هو اللي أوحى لج إن الملائكة بتلعنج إذا رفضتي .. فاسمحي لي هو كان يلعب على وتر الدين رغم انه يعرف عدل حدود هالأمور في فترة الملجة.

وبعدين إذا هو كلش كلش مب قادر يمسك نفسه فببساطة كان يقدر يحجز تذكرة ويرجع لحرمته يتصرف معاها .. على الأقل يجبر خاطرها شوي عقب صدمة زواجه .. وعادي كان ممكن يتحجج بأي حجة إذا كان خايف يعني على زعلج!

فإذا كان هذا هو السبب الوحيد لكل هالعصبية والضرب .. فهذه مصيبة .... وإن كان في سبب ثاني فالمصيبة أعظم.

وبالنسبة لكلامه عنج .. فنعم يا روضة .. الكلام الصدق يطلع وقت الغضب .. وأتمنى يسمح لي كل الإخوة والأخوات السعوديات .. لكن هم هناك لهم نمط محافظ أكثر عنا شوي .. وحياتج وحياتي مثلاً تعتبر متحررة فعلاً وما تعجبهم .. (مرة ثانية أعتذر من الجميع فأنا أقول هذا من باب الإقرار وليس من باب الاستنكار) .. عشان جذي أنا لمحت لج مرة وسألتج شو بتسوين إذا سالم علّق على بعض تفاصيل حياتج وكانت له وجهة نظر غير عن وجهة نظرج.

بتقولين ليش تزوجني وهو عارف كل شي عني .. باقول لج ما اعرف هو شو في راسه .. لكن باخبرج عن وحدة من أهل زوجي .. في فترة الملجة زوجها كان شكاك بشكل مب طبيعي لدرجة أنه كان ناوي ياخذها لطبيبة تكشف عليها عشان يتأكد انها عذراء! .. وعقبها اعتذر لها وبكى جدامها وحب ريولها عشان تسامحه .. وفعلاً كسر خاطرها وطوّفت له السالفة وما خبرت أهلها .. والنتيجة ان الشك استمر لين عقب الزواج وصارت مواقف وايد انتهت بالطلاق.

ووحدة ثانية ضربها زوجها في أول زواجهم ـ مب في فترة الملجة ـ وقالت لاخوها الكبير ولامها ـ ابوها متوفي ـ ويابو الريال ومسحوا فيه البلاط .. والريال اعتذر وحلف بالله انه ما يعيدها ....... التزم بوعده وحلفانه؟ .. لا والله .. كم مرة عادها .. وآخرها امها من كم يوم تقول لي ضاربها الاسبوع اللي طاف وعلامات على جسمها لدرجة ان اختها كانت ناوية تبلغ الشرطة!!

تذكرين يا روضة يوم قلت لج: احنا ما نعرف سالم ولا حتى انتي تعرفينه .. وانج بتعرفينه عدل عقب العشرة والاحتكاك اليومي والمواقف البسيطة .. هذا اللي بيظهر لج حقيقة شخصيته .... وهالموقف اللي صار يوضح جانب مهم من شخصيته ما يصير تتغافلين عنه .... وصدقيني صدقيني .. اللي يضرب مرة فعلاً بيضرب مرات ومرات .... خاصة لو تسترتي عليه وما قلتي لابوج.

النقطة الثانية اللي ابا ارمسج فيها هي يوم رديتي عليّ وعلى العزيزة أبغي حل بخصوص الاستغلال المادي: وقلتي انه عمره ما طلب منج شي والمبادرة دايماً منج.

ليش يطلب يا روضة مادامج تبادرين؟ .. ليش يطلب ما دام قلبج طيب وحنونة وينكسر خاطرج بسرعة وما تتحملين تشوفين حد محتاج أو معتاز؟

وما دام السالفة وصلت للضرب والتطاول من الحين .. فانا باكون صريحة وياج وباقول لج اللي ما رضيت اقوله أيام الملجة عشان ما تحسين اني ابا اخرب فرحتج .. تذكرين يوم قلتي لنا انه قدم لج 230 ألف؟ .. وقتها سألت نفسي: من وين ياب هالمبلغ وروضة تقول انه مسؤولياته كثيرة وهو على قده؟ .. من وين ياب هالمبلغ وهو ماله سنة والا سنتين معرس يعني أكيد دافع اللي وراه وجدامه وما مداه يجمّع حق زواج ثاني؟

عشان جذي باسألج ـ ولا تردين إذا مب حابة .. بس فكري بينج وبين نفسج ـ لما رجع لج قبل رمضان قلتي انج حطيتي له مبلغ محترم في البنك ... كم حطيتي له؟!

وزمان يوم تقدم لج أول مرة .. كنتي تعطينه فلوس والا لا؟

مرة ثانية اكررها .. احنا ما نعرف الريال .. وتحليلاتنا من واقع الكلام اللي انتي تقولينه يا روضة .. عشان جذي فكري عدل في كلامنا وحطي ولو احتمال انه ممكن يكون صح .. وانه سالم مب هو الانسان اللي انتي متخيلته.

عشان جذي قلت لج وقفي المبادرات المادية كلها .. كلها .... ومثل ما هو شاطر يطلب حقه قبل العرس اطلبي منه حقج يصرف عليج من الحين ـ حتى لو مب محتاجة فعلاً ـ وشوفي كيف بيكون رد فعله.

احنا نختبر الرياييل يا روضة قبل ما ناخذهم .. وانتي لازم تختبرين سالم عشان تتأكدين انه يستاهل كل اللي تسوينه عشانه .... انتي صبرتي وايد .. وحرام عقب هذا كله يي واحد يقص عليج عشان كم فلس والا عشان ليلة والا ليلتين.

__________________

اللهم طِيبَ الأثر .. وحُسْنَ الرحيل.

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه