بسم الله الرحمن الرحيم

تحية طيبه لجميع الاعضاااء

ماراح اقول عندي مشكلة لااا... الحمدلله على كل حال

لكن بصراحة ومع توكلي على الله ودعائي المستمر ... ماااادري هل انا ماشية بالطريق الصحيح او لاااا...

ارجو منكم يااخواني .. قراءة موضوعي واعطائي بحلول ورأي سليم....(كعادتكم) مع الشكر مقدما

بحاول اختصر لكم بعض المعلومات عني..

بداية انا بنت مطلقة من كم سنة وعمري 23 سنه.. اخر سنه لي بالجامعة

سبب طلاقي الرئيسي اني ماتقبلت زوجي السااابق ابدا..وكانت غلطتي اني استمريت معه من البدايه لاني حسيت بها الشي من ايام الخطبه ..وقبل الملكه.. لكن الحمد لله على كل حال.. وما اقول الا خيرة
لجهلي .. على بالي ان هذا الشعور خوف اوحياء.. وان الحب يجي بعد الزواج.. وهذا اول رجل اشوفه واكلمه.. مادريت انه شعوري كان عدم تقبل...
طبعا هذا غير اخلاقه السيئه جدا.. لانه كان للاسف انسان غير سوي ابدا.. اشك ان عنده مرض نفسي...
المهم .. انا الحمدلله مرتاحه ببعده ..
اللي صاير الان .. انه تقدم لي شاب مطلق ..مرتين ..ولكن مامعه اطفال
انا حقيقه تخوفت منه كثييير خصوصا ان زواجاته السابقه مو طويله مدتها... فشكيت ان العيب فيه هو..
طيب.. لكن مع السؤال والاستخارة ارتحت لهذا الشخص الحمدلله..
واللي زاد راحتي .. انه خااايف جدا انه يفشل .. وهذا يدللني على صدقه ... وان طلاقاته جت غصب عنه
اتمنى انه يكون الشخص المناسب لي لكن , مادري اذا هو فعلاااا مناسب او لاااا..
حركاته احيانا تقهرني...
انا حقيقة اكلمه حاليا.. ابوي كان وده اني انا واياه نتفق قبل كلل شي.. عشان نتفادى الاغلاط السابقة ..في تجربتي وتجربته... ونشوف اذا نصلح لبعض اولاااا
المهم.. في البداية كان كل شي اوكي... حسيت انه مناسب لي
ولكن مع مرور الوقت... اولااا انا خااايفه جدا لوكان شديد في التعامل والوااضح لي انه نوعا ما شديد حتى الان
ثانيا والاهم ... احس انه للان مو مقرر.. ساعات احس ان اهله اللي ضاغطين عليه يتزوج .. مو رغبه شخصيه منه هو.. وساعات ارحمه واقول مسكين من اللي شافه.. اول.. وخاايف يفشل .. وساعات وسااعات.. وساعات احس اني مومتاكده انه يبيني لكن يمكن انه خايف ماحد يرضى فيه.. مع ان هذا الاحتمال قليل جدا لان احس انه واثق من نفسه

الشوفه الشرعيه .. قعد يمكن 4 او 5 ايام او اسبوع والله ناسيه بالضبط كم قعد .. هذا بحد ذاته جرحني واحس انه متردد.. ويمكن لاني قارنته بزوجي الاول .. اللي قبل يطلع وهو معطينا رده بنفس اليوم
يوم رد .. قلت يمكن كان مشغوول.. وعديتها
ثاني شي.. يوم كلمته طلب انه يشوفني ثانيه عشان يتاكد.. انه مرتاح لي.. مع انه كان يقول لي انا شكلك عاجبني بس بتاكد اني مرتاح لك ومرتاحة لي.. المهم قلت يالله نشوفه مع ان كنت مو مقتنعه يشوفني ابدا... احس للان غريب عني.. لكن قلت يالله من حقه .. عشان مايقول بعدين ماشفتك ولا مابيك...
طيب.. لكن بعد هالشوفه .. يمكن قعد تخيلو شهر ماكلمني.. انا تضايقت بصراحه.. ولحظتها .. فكرت اني اتركه.. احس ياناس والله عيب.. يعني الواحد حتى لو مومرتاح يقول .. مو يسفه الناس.. انا عندي اهون علي انه يقول مابيك .. ولا يسفهني .. فترة طويله وبعدين يقوللي انا مشغول!!!
طيب علمني لو كنت فعلا مشغول؟؟ هو ارسل لي رساله يمكن بعد 10 ايام انه مشغول .. طيب وقلت يالله اعديها للمرة الثانيه .. والغايب حجته معه.. لدرجة انو اهلي مللووو منه .. لكن انا مادري هو يناسبني او لا
انا بقولكم اياها بصراحه.. الشاب هذا فيه من المواصفات الكثيرة اللي كنت اتمناها
لكن بعد حركاته هذي .. صرت اخااااااف.. ماعنده مشاعر.. ماحس انه يحس فيني
امي ملللللت كثييير... وهو طوول علينا كثييير.. يمكن لي ترم كامل مخطوبه... للان مااتفقنا على الزواج ولا شي.. ولاحتى دفع مهر... وهذا يدل انه للان مو مقرر ومتأكد
لما اقوله هالحكي.. اقوله شكلك للان متردد.. يقول لاااا انا خاايف فقط .. مو سهله علي اقدم على تجربه ثالثه..وانتي المفروض تحسين فيني... على كلامه انه معجب فيني مرة وانه يتمناني لكنه للان خاايف..!!
وش رايكم؟؟ ساعات اقول انه صاادق.. وانا احس انه طوول علي.. ولا ابي اتعلق فيه ويخليني؟؟ ولا ابي بعد اني اتعللق فيه واتفاجأ انه مو مناسب لي
انا بصررراااحه خايفه جدا من خوفه هذا يستمر... ويتحول الى تعقيد.. وبهالحاله ماراح انبسط معه
وخايفه من ناحيه ثانيه انه يقاررنني بزوجاته قبل... وخايفه وخاايفه
ابي رااااااااايكم بكل تصرفاااااااته معي بلييييز
اخر شي قاللي اياه انه للان ماعرفني ولاعرف وشو اهتماماتي .. يقوول اني ماااحكي وكلاامي جدا قليل
وده اني اساعده على التغلب من خوووفه..

شووو رأيكم؟؟؟

بليييز لاتهملوني؟؟ انا محتاجه اسمع لاراااء كثيرة وماابغى اخفق للمرة الثانيه
شباب وبنات... ؟؟؟


الاشراف : عذراً , تم تغيير العنوان , بالتوفيق .