اقتباس:
المشاركة الأصلية كتبت بواسطة Sandraa jeddah
لا آله الإ الله
ولد خالتي راح
وخالتي بالعناية المركزة
الله يرأف بحال امي
عائلتنا صارت على كف عفريت
|
لا اله الا الله ... الله يصبر قلوبهم ويرجعه سالم يا كريم
كيف كانت ردة فعل أخوكي على وضع خالتك وأمك ؟
انتبهي له يا ساندرا .. ولا تنسيه بوسط كل اللي صاير
قولي له أنت تبي تصير مثلهم والسلام وللا تبي فعلا تساعد القضية السورية والاسلامية ؟؟؟؟ أنت تبي تقلد بس وللا فعلا محروق دمك وتبي تشارك ويكون لك تأثير قوي ؟؟؟
انتظريه يفكر شوي ولو ما جاوب قولي له أنا متأكدة أنه لك شخصيتك الخاصة وأنك قوي وأقوى منا كلنا .. أنا فخورة فيك وتوقعي بأنك أذكى من اللي يمشوا ورا الناس بدون تفكير .
يعني مين أهم ؟؟؟ اللي يروح هناك زيادة عدد ويجلس يسوي شاي وقهوة ويتدرب شهور يمكن خلال هذي الشهور تكون القضية انحسمت وانتهت ويكون هو ما عمل حاجة .... وللا الي يباشر عمل هنا حالا وتجيب نتيجة سريعة وتقدم مساعدة فورية لهم ؟؟
هم أعلنوا أكثر من مرة وقالوها ما نحتاج ايدين تحمل السلاح انما نحتاج سلاح ومال ..
وانت ما شاء الله عنك متحمس وتقدر تقنع الناس وتقدر تقنع اللي حواليك بالكلية وبالشغل وتسووا مع بعض حاجات مفيدة ...
مثلا توعية بالقضية بين الناس اللي ما تعرف عنها بمنشورات توزعها ... أو لوحات تعلقها .
مثلا يوم مساندة تجمع فيه المال بأن تقوموا بعمل منتجات يدوية تذكارات تحمل شعارات مثلا أو رسومات ومنكم يسوي أطباق وكله تبيعه بأسعار عالية شوي لأنه اللي يشتري قصده التبرع ... وتجمع المبلغ وترسله
خلي دورك قيادي يا خوي وأنت اللي تأثر بالناس وتوجههم .. مو الناس اللي تقودك لشيء أنت عارف بداخلك تماما أنه غير مجدي للقضية لكن ماشي معاهم لأنك ما كنت شايف طريق ثاني أفيد .
أنت فكر وأنت قرر ولاحظ اللي صار مع بنات تونس وكيف شجعوهم على جهاد النكاح وراحوا ورجعوا حوامل ... انت من بعيد الان تفكر كيف هذول البنات اقتنعوا وكيف قدروا يقنعوهم أنه هذا فعلا جهاد ؟؟؟ الموضوع واضح انه مو جهاد ....
أقول لك أنهم فعلا أقنعوهم أنه في سبيل الله وانه هذا هو الصح ولأنهم هم اللي بداخل الصورة ما قدروا يميزوا الغلط من الصح بينما انت لأنك تنظر من خارج الصورة على طول ميزت ..
وانا أعزك وانت سندي ورجلي وأخوي اللي أعتمد عليه ويهمني أمره أكثر من أمري ونفسي ... وما راح أقول لك غير فكر بهدوء وبعيد عن تأثير الناس اللي قاعدة تقنعك .... أعطي نفسك بس أسبوع بعيد عنهم واقطع تواصلكم معاهم بس أسبوع واحد عشان تعطي نفسك فرصة تفكر صح
فكر حبيبي واختار اللي تشوفه صح ... ولو قررت تشتغل من هنا أنا كمان بشوف صاحباتي ونسوي شغل مرتب وبتشوف كيف بيكون عملك مفيد أكثر من اي شي ثاني وأكثر منهم كلهم .